覺唔覺得支票呢d咁垃圾嘅過期產物應該要消失？

退稅政府一早有曬我地資料，派錢都做到自動過數啦

就算係後面兩者，依家呢個年代通知對方叫佢比個fps no./銀行資料有幾難，即日拎即日過都做到啦，仲好似上個世紀要書信來往咩

Ching講中曬我中聲

保守撚：電子野好化學，一停電就冇曬record,都係手寫好

仲未計有啲仆街扮開票出糧
之後彈票
又要再追一餐
勞心勞力
到頭來仲係乜撚都無

你都識講香港只係「研究緊」
如果支票已經過時，直接廢除咪得，咁點解要研究？
我就係香港某個本地品牌做特許經營，賺d錢最後合伙股東又有份，總公司又要分一份，員工又有份分紅，公司又細得20個員工，日常office文具訂購，飲用水，水電，租金，管理費的確都已經全面電子轉帳，因為呢啲全部都係雜項

但總公司要我每個月提供紙本證明我無拖糧，每月準時出糧比員工，費時到時總公司要包底
唔通我開我戶口比總公司睇？最唔使煩最低成本做法就係每個月影20張票比總公司睇，順手可以交代埋每月員工成本，理論上支票影印本當然可以做假，但呢種做假好容易被識破，冇人會咁蠢咁做

有啲位涉及到人與人相處同公司總部同分部相處，要做到均均真真，支票就係未能被完全取代
又例如員工分紅同獎金，支票就係一個氣氛，甚至有振奮士氣作用，如果到時真係要取消都冇辦法，咁惟有搵替代方案

同埋暫時最無可取代就係買樓，你試下買樓話成交個時先過數畀人睇下人哋so唔so你
另一方面就係我用緊嗰間律師樓就係講明一定要收票，唔可以直接轉帳，但佢真係收得好平，唔通為咗搵一間可以直接轉帳嘅律師樓，就寧願比貴d律師費？

你收左銀行錢做打手梗係將支票講到有咁差得咁差，取消支票除咗對銀行有著數，對個人有咩著數？
聽朝返工乖乖哋寄支票簿啦柒頭
唔使做呀？

避免唔見支票風險，又唔使驚彈票

你幾歲 過左退休年紀未?
d野衰過90年代教科書

由繼續show下限
以為支票簿係銀行負責印負責寄

打咁大篇嘢都係廢話
轉數點解做唔到你講嘢事？
廢老戇撚鳩鳩仲要死撐

買樓唔用支票冇人so只係因為香港落後
全世界一早放棄左，早就用晒信託/律師樓信託取代，完全唔係你講到乜撚嘢"你大個仔之後就會欣賞支票"呢啲老屎忽到嘔嘅嘢
全世界係得你一個香港咁撚成熟，全部都係小朋友，包括倫敦紐約瑞士新加坡，就係你香港最撚大個仔

研究就係研究個淘汰嘅進程，香港做得慢，你就以為係因為支票好重要所以唔敢郁如果支票真係咁必要，應該除左香港以外，所有地方金融都崩潰左
事實就係冇撚必要，所以全世界尤其大公司要放棄，尤其考慮到安全性問題更加要第一時間放棄支票，所有大額交易一律用電子匯款
香港嘅落後竟然成為你以為支票係不可或缺嘅證據，真係冇眼睇

都唔知乜嘢叫暫時買樓無可取代，只係唔願搞，全世界買樓都一早用晒信託/律師樓電子帳戶，完全冇詐騙空間，總之就係全世界買樓都可以用電子，係香港咁撚特別一定要用支票

你知唔知你思考嘅盲點係乜？就係存在即合理，冇諗過現時制度就係落後，只要個風氣改變，用信託/律師樓帳戶買樓完全唔成問題，而且有效同安全得多

仲有唔好再講乜嘢大額交易就一定要用支票，連喺香港嘅大機構交易，都係用電子轉帳，冇人會寫左十億八億嘅支票出嚟，呢啲純粹係你幻想，全世界都知電子轉帳極優於支票，先會一直淘汰，香港只係慢，唔代表佢仲有價值

你自己睇下，你所講嘅所有嘢，全部電子都係做到
除左你話想有張實體俾花紅之外
你講要證明出糧直頭係荒謬到傻，唔通全世界就得你一個要證明出糧？電子完全可以做到，咪就係替代方案

你先唔好再拗，諗下香港係咪真係咁特別，係要非支票不可
而且多個國家證明完全可行，並比支票優秀，你估以前呢啲地方唔係好似香港咁？你所講嘅所有情況一樣出現過晒，只係而家轉晒電子，你嘅論據喺實例前根本唔係論據，事實證明支票嘅消失就係金融進步嘅標誌

郁啲講親轉帳都講十億八億，肯撚定你成世人都無做過生意，見人哋金融機構喺度講緊取消支票就人云亦云

有幾多人創業頭3-4年就可以做十億八億交易？做到呢個數額一早有私人銀行家跟啦，洗撚擔心畀人呃嘅問題？到時私人銀行家自然會幫你跟
但如果你每單交易金額都係得幾萬到幾十萬，所有風險只能夠由你自己承擔，唔靠支票隔一隔，蝕咗錢咪又係冇人可憐你
唔通開間公司仔專門請個會計？定係你識會計師樓接呢啲細數做？

你講嘅「過數過程on9」
只係因為發展商同AA唔願意用software對數同建立authorisation系統
樓上都講左市面大把ERP
你講得出嘅大型零售商都係用緊過數，閒閒地一星期找緊比二三百個vendor出數億億聲
點樣對數？

我舉中國做例子，只係講「無支票」商業社會一樣可以如常運作
好多國家，尤其是發展中國家都一樣，由現金直接跳到電子支付，無用過支票
無需要討論中國點解唔用支票

支票點解唔消失係因為有班廢老
個腦諗住啲歪理，唔肯聽唔肯變
講唔出有咩係過數做唔到，一定要用支票嘅原因
所以咪話要等呢班廢老死曬，先會淘汰到支票呢個過期產物

如果唔只限香港
其實 agent 收票 只係將個風險轉左係佢度
agent 有牌 (雖然係流) 同埋 幾大代理既商譽 所以收票繼續 係"可行" 方法
但可行唔等於 唔可以被取代

的士 都係應該式微 但唔等於佢要100% 淘汰
全世界其他有uber既地方一樣有的士制度

宜家係討論 電子過數 vs 支票有咩好唔好
支票控制cash flow 呢d濕鳩野係真實發生 可行 而且呢個pt 反而比你堆野難取代

商業活動正因為唔係一買一賣
你要講 b2b , b2c, e business 已經係完全唔同既野黎
電訊行業 誠哥,SMT 呢d一直都係想減少票 鼓勵公司客用電子方式
係班人正正用緊你呢d 控制cashflow, 覺得安全既方式 一直唔肯轉
太古Cola 都有人專收票 因為好多係士多, 細鋪 (由治及興前)
要靠行街sales 去收票, 催數 然後叫佢地 「喂!呢排有d正既可樂呀 入d呀」 然後做多d sales
結果就係d票易彈 再加T+2既限制 D數好唔準
係生意好既年代 細數SME 根本唔想理 你keep 住有cash inflow 唔係唔找錢 就由鳩你

但呢d 其實應該係marketing mass promotion就做到
催數 係靠credit control 控制埋拎貨

尤其宜家係自動化既世代下, ERP 1個 就可以控制埋放貨 更加少 壓數既問題
同埋
唔計政治立場下 宜家 的確個成個世界係鼓吹緊 由個人承擔風險 因為sales 唔再係你買賣個刻 而係拎你data 去promo你買唔買開始 再減少 中間人
所以 fps先發展得超快 只係你接唔接受
靠人力催數, 行街sales 真係式徵
唔可行咩? 唔係 只係有更好管理既方法

香港「研究」緊 只係香港行得慢 同埋 簡單分 大小企,有冇做e-com 已經係幾個世界黎


同現金比 現金比人吹奏 無可替代既原因
從來只有 cash in king 唔係0101= 監控少 (不管係 政府 定係銀行金融機構拎黎做big data) 加埋 民用 天災斷電緊急時可以用咁解

你頭先話大額一定要，我咪講大額
咁當你幾十萬幾百萬好未
而家香港買樓仲堅持根本係落後，你就將落後當成係必要
全世界買樓都唔再用支票
你思考盲點係你將可以輕易取代嘅嘢，講成係無可取代，你明唔明幾荒謬？只係一間信託公司，支票嘅地位已經完全失去，冇一樣支票嘅優點，係電子轉帳提供唔到，所以全世界買樓都由支票轉去電子轉賬
你仲竟然可以以為支票係無可取代，而你嘅理據係"試下睇下人so唔so你"
你仲係用緊嗰種"存在即合理"嘅思維思考，佢存在，佢係主流就＝無可取代
好心你打開隻耳仔聽下人講，打開隻眼望下世界
全世界係咪得香港有中小企呀又？係咪其他地方一放棄支票啲中小企又崩潰晒呀？所有嘢都咁輕鬆有取代方式，你就固步自封，開口埋口就無可取代無可取代，你口中所有無可取代嘅嘢，已經俾人取代晒喇，香港都係遲早嘅事

已經有種覺得同人拗馬車定係汽油車好嘅感覺

一間跨國公司大到有專門會計部門咪唔使支票，你搞間中小企，分分鐘頭3-4年利潤都係得10幾萬上下甚至要蝕錢守業
然後你規模細，為咗造成單生意要接受各方問長問短，證明比人睇單生意你有本事做
為咗慳錢亦都只能夠靠自己搞掂公司份流水帳
你試下攞張電子電費單係去開銀行戶口人哋開唔開畀你？
成班讀死書無參與商業交易,取消支票我淨係諗到對銀行同大公司有利，開口埋口喺度講十億百億，但成世人可能一萬蚊都未賺過，問緊爸爸攞緊零用錢，唔係持份者講到取消呢樣取消嗰樣梗係講得輕鬆

咁你要畀個solution人先得㗎

講到電子乜都做曬，咁而家銀行啲電子月結單可以做分帳標記未？
如果唔用支票影印本做記錄咪又係要下載番張月結單，自己開excel做紀錄
作為個人，我有咩責任要方便銀行而自己辛苦？

既然唔只講香港, 自稱金融中心既英國仲係無plan去停用支票喎

支票唔使錢，信託公司要錢
我做乜要揀信託公司？
電子轉帳有利嘅帳目一撚早轉曬電子轉帳啦

就係有啲帳目要同唔同人交待幾廿次，電子轉帳冇益，就被迫唔轉住架啦

淨係識攞啲跨國公司例子或者巨型公司例子有咩意思？

如果要取消支票，就提供支票嘅substitution
轉帳功能就係承擔唔到全部功能，例如有個生客想買件三萬蚊嘅產品，轉數快限額佢習慣左設定得一萬，唔通同佢講支票好落後，唔該加大轉帳限額，轉帳先係先進，我唔收支票？
有啲客甚至可能只係想幫襯你一次，就係唔想畀你知道佢個名，唔通又唔比人用支票？

完全get 唔到你講係咩風險點樣用支票可以隔到
你點做生意運用資源no comment，各自修行。但我會諗與其要慳個d 錢自己做定比人做多返時間跑數好過
檔野簡單到唔識會計都做到？你檔野收入過2球都建議你搵會計公司代勞，定你檔野2球總收入都無

我冇講巨企好耐喇你仲講緊，究竟邊個先係開口埋口巨企呀

我做過間細食品批發，做過日企，一樣全部電子過數，出糧交易全部都係，從來冇出現過你講嘅問題，定係佢地太小朋友我唔知？
一開始就講交易要穩陣要安全
轉頭又喺到講匿名匿名用支票玩得你仲慘啦下嘛

"轉帳功能就係承擔唔到全部功能，例如有個生客想買件三萬蚊嘅產品，轉數快限額佢習慣左設定得一萬，唔通同佢講支票好落後，唔該加大轉帳限額，轉帳先係先進，我唔收支票？"
呢個只係社會未逐步淘汰支票，同支票本身係咪比較好嘅交易媒介完全無關，你可以提出一啲完全唔相關嘅論據仲咁大聲，我真係服左你
又返返去"存在即合理"，即係凡現時係咁嘅，就一定係啱，任何改變都係差