宜家普教中，教到d學生好似文盲咁

你係咪細個普教中所以閱讀有障礙
學校應付教局，要開普教中班
普教中難過粵教中，要精英班先食到
我想問你邊度睇唔明，話精英班=普教中

你將件事換做中學
英中同中中嘅分別
對你無邏輯嘅腦來講會易理解啲
叻學生入到英中
英中成績好過中中
但假如英中學生用中文學，會仲高分過用英文
明唔明白

講嘢有鄉音

連登竟然有人認同
廣東話係情感行先
但湊小朋友就係要放低自己 為小朋友著想
佢叻嘅就梗係可以滿足埋我嘅情意結
冇理由為咗我自己鍾意 要搞到個小朋友咁辛苦

如果有得俾我揀 我其實都唔會揀廣東話做母語
我冇得揀咋

因為好多書面用字，佢哋一學就已經係普通話
根本冇聽過廣東話
咁咪諗住歪吓音就變做廣東話
依家好多細路都係咁啊
10年前好多細路已經唔識好多成語嘅廣東話讀音㗎啦
呢個毋庸置疑，係普教中嘅結果

廣東話，學普通話做中國人呀？

其實我諗法同你唔同
我只係唔鍾意人唔老實打飛機
語言係文化載體
如果不斷吹奏自己用嘅母語有幾優越
但原來現實係反映唔到係自己嘅文化上
咁咪同強國人一樣
口口聲聲話中華文化有幾叻
中國係禮儀之邦
但現實完全睇唔出

你係咪都係普教中教壞左

淨係講梗個人情感姐
其他嘢大家嘅體驗唔同

識廣東話再學普通話唔難
但唔知點解淨係識普通話然後學廣東話就好難
你見啲大陸仔講極都講唔好廣東話就知
我認同小朋友係有需要學普通話 但唔會係普教中咁既模式去學囉

真係唔難咩
學到咩程度唔難
要學到返工讀u用普通話 好似真係要由細開始學

陰公 教到你姪仔語癌咁
番大陸又死 D大陸仔都笑你姪仔講乜鳩

啱呀。所以下一代唔會識廣東話架喇。

我係反對普教中
但同語言優劣無關
純粹係用母語學會容易啲，呢個係常識

我講緊嘅係用廣東話打飛機
打到脫離現實
廣東話保留古字多，聲調多，詞彙多
OK
咁香港人係咪特別有文化底蘊
香港人嘅表達能力係咪特別清晰
香港人嘅文學造詣有冇因為廣東話而特別強

其實客家話係比廣東話更近似中古漢語
同樣邏輯
你會唔會單單因為語言
就覺得客家阿婆嘅文化底蘊比你更深
講到尾，都係睇個人

唔好自己呃自己
英治個個代D人英文好好咩
根本香港無一代人係普遍地英文好

你要溝通到真係唔難
你學語言都係用嚟溝通啫
我啲大陸客仲讚我普通話比其他香港人好
佢地問我邊到學
我同佢地講我只係小學學校每星期1堂學普通話

咪臭係
以前細個都要學普通話，但都唔會講
而家d 學生講係因為睇抖音小紅書
同埋好多講普通話既學生

西班牙語連歐洲裡面都唔係priority
粵語作為母語既人, 學普通話最直觀係發音讀音差異
成個grammar架構根本好接近
同你由0開始pick一個語言係兩回事

仲有呢個年代又youtube又netflix
要學好英文有幾難

返工嚟講 真係要講 就還可以
因為真係做嘢 通常都會大家就下
但過唔到見工嗰關
同而家嗰代 中一要用普通話面試唔同level

你能力有咩問題？
粵英普
依家基本大學大都係座底三隻語言
普直頭唔使上堂學都會識，細個聽周杰倫已經學識

你要講實用，不如全世界轉用英文啦
中文字都取消埋一齊用字母拼音就更方便
我就睇唔到學中文仲有咩優勢，英文簡單易學，又唔使寫啲鬼畫符

唔同語言都有保留唔同嘅中古漢語特點，要爭中華正宗留返俾啲on9爭