其實多唔多人拍拖心態都係咁？

推

推

睇過倚天屠龍記好多次
我諗好多人都會覺得殷離愛張無忌愛得好莫名奇妙
但其實愛情既本質就係咁
情不知所起 一往而深
唔需要咩理由
然後係佢對第一次見到張無忌果段回憶日復一日咁回味同思念
就慢慢變成左刻骨銘心既愛同深情
去到後尾張無忌武功天下第一 仁義無雙 名利兼收
但殷離最後都係 不識張郎是張郎咁割捨左
佢從一而終咁愛當初果個倔强凶狠會咬人既張無忌
D人話殷離愛既係自己既幻想
係佢回憶入面果個細個既張無忌
但係如果張無忌長大左之後性格冇改變過
殷離仲會唔會割捨
我諗無人會知
咁就變左個哲學問題
一架船如果不斷換晒D木直到每一舊木都唔係原本果舊
佢仲係咪原本果架船
又或者
愛一個人既時候 係愛果一刻果個狀態既佢
定係愛由無數價值觀潛意識同經歷堆砌出黎既所謂人既本質
定係好似小王子咁愛果段無數付出而建立既感情
就算佢他日毀容都唔會改變
btw倚天屠龍記我最鐘意係趙敏講果一句
范遙：「郡主，世上不如意事十居八九，既已如此，也是勉強不來了。」
趙敏：「我偏要勉強。」

我覺得關鍵係要搞清楚普通朋友/好朋友同另一半嘅分別
要有明確界線，咁就唔會因為啲戇鳩嘢分手

所以我成日覺得啲人話咩追求心動，其實咪即係肉體嘅奴隸

無錯，就算比你遇到你鍾意嘅類型一齊左，你成日都要睇佢面色受佢氣，返工已經辛苦
收工講句嘢都要睇人面色
一年半載頂到，如果性格脾氣差一世仲頂唔頂到？
仲要驚唔知會唔會比帽你帶

最後嗰句好中

睇返你個post 我唔明點解你有咁多誤解

你認為事業有成搵到下錢就可以溝到好多女 呢個的確錯唔哂 但如果你其它方面都柒既 咁錢呢方面咪你唯一既優點囉但你又想要真愛 唔想女人咁睇錢 你唔覺得你自己好矛盾？

喺你既世界可能所有野都只係利益關係 因為你成個機械人咁款
但請唔好拉埋其他人落水 其它人無你咁kam

你膚淺，缺乏精神生活啫

如果講到精神，咁更加唔會因為肉體反應，而去做決定

咁沙田大埔天水圍個啲呢

又唔可以去到咁極端 只可以話生理性喜歡係基礎，但維繫感情係靠現實操作

遇到一個自己好鍾意嘅類型，樣、身材、性格，而對方又同樣好鍾意你，唔係無難啲啫
正如六合彩都有人中，會唔會係你

心動唔係咁解

心動係 spiritual and emotional 即係feel 到同對方有 connections

你講既係計數，各項條件加埋一百分

最多發現追求完美伴侶嘅人好容易做人第三者
你伴侶會將唔好嘅野留俾原配
同你偷情果陣一定係美好時光
然後每次佢滿足唔到你某啲位你就會自動入左:
我係人第三者冇得要求咁多 同 對方冇可能俾到全部我 我要識得知足 嘅死循環入面

性格夾得黎 但完全冇愛 咁樣一齊算唔算係是旦搵件

遇到嘅話，可能前世拯救咗世界

但其實同老死、屋企人都可以有呢啲connection

靈魂共鳴

你會唔會同佢地上床？

spiritual and emotional 即係feel 到同對方有 connections

有呢啲connection同上床有咩關係？

講到尾咪又係睇你個人條件同內在，單身睇你係被迫定自己選擇既姐。長期單身唔一定冇故事，戀愛經驗即係親密關係既相處唔一定要係拍拖先可以得到，你講果類男人係自己選擇單身，人要多啲向內求，了解自己，提升自己，自然有魅力吸引到人，唔係下下向外求，拍得多拖為之好有故事好有魅力