其實多唔多人拍拖心態都係咁？

呢個係殘酷既現實。

好多時你一生人最愛最passionate既嗰個人可能係ABCD入面其中一個。
但可惜晌你同ABCD其中一個一齊之時，你重未係一個有能力或懂得去成熟處理一段長久關係既人。
結果沒有辦法把ABCD留下而只能刷身而過。

而若干年後，到你已經係一個有能力或懂得去成熟處理一段長久關係既人之時，你與ABCD多數早已天各一方，各自有自己既生活，不相往來。而就算仍然有機會偶然相遇，因各自分開走了太久太遠，兩人既際遇早已天南地北，沒有再能成為一對既條件或自由。

就在此時，讓你遇上EFGH。
縱使你對EFGH既愛或激情可能其實並唔及對ABCD咁深，但因為你已經太懂得去處理二人關係，所以EFGH就算唔係最Passionate嗰個，但你地都可以發展得好好，好穩定，好暢順。

然後晌你安穩下來多年之後，有一日又比你再遇返ABCD。就算愛火重燃，但你已經afford唔起去放棄一段十幾年既關係。亦唔可以漠視另一半已為你所作出既犧牲。

於是，你終於學到了愛係唔需要擁有。見到、或甚至只係知到心中所愛那人依然健在、依然快樂咁活著，已經心滿意足。

人生，就係咁, 就係咁無耐。