其實多唔多人拍拖心態都係咁？

當年你追佢 因為你有咁嘅需要 而對方又符合到你條件



當年嘅你又無可能知道依家（未來）嘅你想要d咩

所以對於當年嘅你黎講， 「佢」已經做出咗佢最好嘅選擇


尊重返當時嘅「你」嘅選擇 當係放過你自己


就算今日俾你搵到個prefect嘅人 各方面都完美符合今日嘅你想要嘅

但未來嘅你可能想要其他嘢


咁你不停追求緊嘅 其實係一個幻影 一個唔存在嘅伴侶

得罪講句，對男人嚟講
比你遇到好正咁又點
上過牀同享受哂所有拍拖最甜密嘅嘢之後
咪又係要回歸返最基本
大家性格同價值觀夾唔夾，相處得辛唔辛苦

我認同拍拖係要講timing
但我諗既會係同您行得尾個個先係真愛，無論passion 多定少左
世界係無所謂「唯一」但有幾個真係同自己長長久久
同自己拍既所謂「最passionate」 其實講到尾都要經得起考驗，先可以細水長流
就算自己處理感情成熟左，好多野其實都事過境遷
您再喜歡當年既ABCD 佢依家都唔會再係原本既ABCD
又或者真正成熟左既您會覺得自己唔會再喜歡好似ABCD 呢一類

即係點

如果當初係為左搵人陪，新鮮感而同一個唔太鐘架人一齊，開頭可能都work，但時間一耐或出現矛盾時，自己都未必會為對方容忍/改變，因為自己都唔係好鐘意佢，就好易分手。

活到差唔多30，唔敢講自己會搵個100%鐘意先一齊，但至少係想見到對方，見到對方會開心同期待先會拍拖，唔係架話，愛自己好過。

但感覺香港而家都仲係好多人向傳統價值觀出發，無論男定女，30前就要結婚，唔係架話就係奇芭，結果就同一個唔太鐘意架人結婚，咁就一世。

會，生活、教仔、柴米油鹽會消磨愛情的

呢啲group要懶係大家有共同話題咁聚埋一班本來唔識嘅人
實際上咪又係大家睇下邊條女值得媾下，邊條友似水魚可以比我sell下嘢
奇形怪狀嘅人佔大部份

SORRY巴打，容許我得罪講句，我無估錯嘅你應該拍拖經驗唔多
而且應該未真正成功同過你口中令你有「心跳感」嘅女仔一齊過/做過愛（唔好意思係要講得咁赤裸）
心跳感都UP得出 大佬呢樣嘢好應該係每個男人中學階段完結之後就唔應該會再有
男人要嘅係自己嘅選擇權、決定權，唔係要乜春心跳感
如果你對住一個女人有心跳感，即係你無資格媾佢
如果你堅決要遇到一個比到心跳感你嘅女仔，而對你眼前適合嘅女仔都視而不見嘅，咁我都幾肯定你去到三四十歲都仲係一支公

其實會唔會係你搞唔清楚咩係愛同鐘意

會咁諗嘅男人通常係嗰種
明明自己嘅條件（外型、財力、社交能力、提供情緒價值能力等等）唔足以令自己有能力去識到＋媾到心目中嗰type所謂「完美對像」嘅女性＋長期維持到同佢地嘅戀愛關係
但又唔甘心同眼前嗰啲會相對容易接受自己嘅女性一齊（覺得呢種女性唔係心目中嘅完美對像）
結果往往會形成惡性循環
唔想同「完美對像type」以外嘅女性拍拖，結果一直拍唔到拖，長期單身，而長期單身嘅你會發現你日後會更加難去認識你心目中嘅「完美對像type」，因為你長期單身嘅男人往往係嗰種「無故事嘅男人」，只會愈嚟愈少女人鍾意你

其實講到尾自己一個最開心
當你決定咗要搵個伴同佢行落去 而又唔係真係咁鍾意對方 或者對方同你根本就唔係真係山盟海誓

其實係一種捆綁 係一種辛苦
寧願自己自由自在open Relationship就算數

其實愛真係新鮮感黎
唔係過邊個最愛
幾多年前既先係真愛 而家果個係感情
而係你得唔到 有遺憾既你先覺得刻骨銘心
如果當初一齊左/繼續落去 啲 多巴胺過去哂 一樣都變左感情 你一樣都係咁諗
所以 諗咁多感情野做咩 身邊果個相處 三觀 磨合到
成世人對住佢都唔會辛苦 先最緊要

男人經歷過哂之後就會發現
遇到一個長遠相處到嘅女人係幾撚重要
成撚日都諗住要搵到一個自己好鍾意嘅，心跳哂嘅，一見到佢行過就扯哂旗嘅
通常呢啲男人如果真係咁好彩搵到條咁正嘅女，都係會搞到自己舔狗咁，比條女控撚制佢嘅行為同情緒，去到某一日都係會一腳比條女踢開

會唔會掉轉左
你咁樣同啲大陸人結婚睇晒條件先一齊有乜分別？
咁都唔可悲？
我唔知你哋，
我自己就結咗婚10年以上
肯定係最鍾意先同佢一齊
係調返轉一齊先至再諗之後
生活嘅問題點解決

點都好過毒撚冇拖拍 結唔到婚

你戀愛腦又有現實條件support兼雙方成熟咁相處 我會祝福
chemical野係生理反應 總有更正既人出現
適合先係最重要 唔一定關條件事
你試過對方好靚外表一流好心動 一開口就想佢係啞既 次次不歡而散又愛又恨
又試過有人互相扶持 見到對方就開心 話題無盡 價值觀相似
未必係最激烈心動 但認定就係佢
我完全唔覺得可悲 搵到後者係一種幸運

至於講條件既大陸人亦唔算可悲 家庭本身就係要合作
最可悲都係人云亦云唔知自己要乜 人拍你拍人結你結 浪費時間資源

其實結到婚 就唔會係唔愛
結得婚都對左一段時間 有感情 有bonding

一開始一齊好多野都係好表面
合眼緣 性格ok 背景ok 就試下嫁啦
無足夠了解過 又邊有可能講愛唔愛

要認清現實 沒有一見鐘情 沒有激烈愛火
所謂一見鐘情 即係見到靚仔靚女好想屌
所謂激烈愛火 即係捉住靚仔靚女係咁屌

從來拍拖都係睇你願唔願意去做
願唔願意一齊生活 願唔願意培育感情
就算結婚誓言 都係講願唔願意 唔係講愛唔愛

所謂理想對象 即係個個都想做李嘉誠
但係做唔到李嘉誠唔代表係失敗 明唔明

你試過對方好靚外表一流好心動 一開口就想佢係啞既 次次不歡而散又愛又恨
又試過有人互相扶持 見到對方就開心 話題無盡 價值觀相似

咁就係最鍾意？
細個實會有依啲師兄師姐 或者啲上司之類 會咁樣
但係相處落先至係真正嘅鍾唔鍾意
絕對唔係第一印象啊，大佬

最底認同
同埋你嘅激烈心動 正常每段關係都會有
但絕對唔係第一印象嗰種
了解過後都仲係咁嘅話 咁你贏 呢條女唔溝唔得

其實明你講緊咩就得，唔知點解啲人追住個地區屌你做咩，都唔係想討論既

女
佢係我第三任
我對段野其實又冇話好有同感
因為我好似任任都係咁落力咁鍾意
亦冇話邊個特別深刻會放唔低
我係佢第二任
知道佢第一任係好鍾意好鍾意
佢可以好輕鬆咁講下以前發生過咩比我知
我亦都知道佢而家已經放低曬
佢亦都好錫我
但睇完篇野都好驚我係佢嘅EFGH

多謝你
我都好鐘意閱讀，但較鐘意睇工具書
花左好多時間追求理性嘅極致
甚至因為略有所成，考慮過替換身邊盡忠職守嘅另一半

甚估唔到武俠小說可以帶出此等深遠嘅愛情觀
原來我追求嘅只係「自己心中嘅美」
就好似「蝴蝶谷嘅張無忌一樣」
正正因為佢只存於心，先可以盡善盡美

我差啲就為左不不切實際嘅完美理想，而放棄左得來不易嘅幸福
實在當頭棒喝，多謝

唔係第一印象而係相處啦

總而言之我想表達生理性心動好閒
強烈心動上頭 次次都覺得係最愛
其實相處適合 互相付出 負責 係唔係最愛都唔緊要喇

講得好