卡牌占卜活動~ （雷諾曼+塔羅）

我用雷諾曼睇具體發展：幸運四葉草+鞭子+戒指，隱藏牌太陽

塔羅就分兩邊
代表你嘅牌權杖國王
代表佢魔術師逆位
發展牌：聖杯國王逆位+寶劍9+戰車
建議牌：聖杯皇后

我覺得其實你哋都有機會㗎喎，但係個過程可能要拉扯一排（loop住嗰種），但係個結果會係理想嘅，只係個過程比較反覆咁

目前嘅感覺係你鍾意佢，但係佢會四兩撥千斤咁樣迴避（魔術師逆位），但係其實佢都唔係避得都幾耐，畢竟呢張係逆位嚟，而你權杖國王係比轋勇敢追求嘅牌。
但係個過程你會比較情緒上面被牽動，懷疑自己，可能會比較情緒同精神內耗，但係戰車牌亦都展示，你整合平衡咗自己嘅決心同情緒，可以勇往直前 得到勝利。

建議牌係聖杯皇后，其實代表你嘅牌係權杖國王，火元素好重，建議牌係雙重嘅水元素，即係可能建議你呢個過程之中，用啲比較懷柔嘅手段，唔好灼灼逼人。剛柔並濟會比較大機會得米。（但係唔好太逼，魔術師牌嘅本質係水星，亦係走佬好快嘅偷盜之神，你進取之餘，畀啲空間佢就會好啲）

今次我用占星骰子：北交點+白羊座+12宮
雷諾曼：鐮刀+塔+太陽，隱藏牌騎士

如果單論會唔會太急，你告白又唔會話係急嘅，因為其實佢都有少少feel到，只係冇明講

不過佢有機會，始終都係繼續考慮移民嘅事（即使你告咗白）
但係至少你自己不留遺憾先。

其實結合兩次占卜，有機會佢移咗民，但都保持同你聯繫得多。
（如果你告白成功，異地都有機嘅，唔係一定會失敗。做自己想做的事吧。）

都有機會係，畢竟我今日先至起牌 （早排比較忙）
見工加油

好呀 期待你嘅 feedback

感謝你嘅反饋
我都覺得你會得㗎，維持內心嘅能量

你見我塔羅抽到權杖10，權杖10本身就係講背負壓力，不過逆位，所以我解讀係「長期背負嘅壓力有被分擔或者消散」 ~ （結合雷諾曼嘅牌都係偏吉，鑰匙直接代表問題會被解決）

所以我都同另一位占卜師（你講去另一post占了嘛）一樣覺得會轉得成，大家得出同樣結論；

當然，首要嘅係你繼續保持目前嘅行動同心態，唔好見到占卜結果好 就走去鬆懈躺平。

繼續按住本心前進，結果會好

好呀~ 期待你嘅消息

多謝你啊cfu