卡牌占卜活動~ （雷諾曼+塔羅）

最近練緊雷諾曼卡，本身識塔羅，希望可以兩者結合去占卜，好期待大家之後俾返feedback。

不占生死和偏財相關，健康可以占，但我嘅建議係睇醫生。考試方面，如果考完未出結果可以占，未考就唔建議問「會唔會pass」，以免影響心態。



問題請根據以下格式

你嘅性別：
對方性別（如有）：
問題：



P.S：問性別是因為雷諾曼會有分「男人牌」和「女人牌」，但如果非常介意表露，唔填我都儘量占~

歡迎各位巴打絲打！

你嘅性別：女
對方性別（如有）：男
問題：想問 老闆為何近幾個除了 公事外，，好似唔多想同我傾咁， 是否對我有什麼不滿？

謝謝

我起牌問「老闆最近比較冷淡的原因是什麼」。

雷諾曼（情況）：信+雲+分岔路
塔羅（老闆的感受想法）：國王逆位+錢幣一逆位+錢幣六

首先講老闆冷淡嘅原因，信指正式文件，信+雲就係一份比較有不確定性嘅文件，而且分岔路亦都代表決策上嘅猶豫不決，十五十六自己要唔要做好。

再講老闆嘅感受，國王逆位，國王本身係治理國家嘅人（管理公司嘅人），逆位代表佢有力不從心嘅感覺，而錢幣一逆位亦代表金錢物質上嘅不足，錢幣六係拎住天秤權衡，分配利益、計較得失。

綜合嚟睇，我覺得你老闆好有機會喺營運公司嘅財務上有所計較，而佢冷淡嘅原因同一份猶豫不決嘅正式文件有關，我估佢有機會想同你傾「凍薪 / 削減福利」之類嘅事，但未知道點開口（嚴重的話可能係炒人？見個牌面上佢好計較公司開支，同埋覺得最近公司冇咩錢）


塔羅小建議：聖杯皇后逆位，錢幣六，魔術師逆位。不要內耗，老闆做啲咩決策其實都唔係因為你唔好，只係佢有其他考量；仲有就係呢排低調啲，唔好出風頭，槍打出頭鳥。還有自己都要多權衡利益，小心行事。

想問冷淡原因是否都有關於我近月上工作失誤有關，會唔會有機會令佢想炒我。
感覺上佢同其他人傾談多咗， 但就好少額外再同我傾， 同埋唔知佢點建好似同果個一直或明或暗令公司不停蝕錢嘅人仲傾多咗。。。

我已經盡量低調做自己野， 因為果幾個人之前都做咗好多小動作搞我

雷諾曼九宮格：

| 小鳥 | 鐮刀 | 雲霧 |
| 大熊 | 鑰匙 | 船隻 |
| 女人 | 男人 | 分岔路 |


通常我哋會由左邊睇過去，左邊上至下係「小鳥-熊-女人」，小鳥通常係一啲吱吱喳喳，八卦嘅人們，而熊係掌權者，女人指代你，我覺得係過去一段時間有人會講你八卦 / 壞話。

然後現況係中間嗰欄「鐮刀-鑰匙-男人」，鑰匙係解鎖、解決方法，而鐮刀係切割，男人諗到嘅解決方法係切割開你哋（may be 炒人，or 分開你同另一個同事）。

未來牌 右欄「雲霧-船隻-分岔路」，其實老細都仲係好猶豫不決，雲霧同分岔路兩張牌喺上一次占卜都有出現，代表迷茫嘅選擇，而中間嘅船隻（舊時啲人坐船係for 移民，離開呢個地方），亦都暗示佢唔知炒人係啱定唔啱，佢有選擇權但唔心中嘅衡量比較多。

喺呢個牌陣，我就唔覺得老闆冷淡同你嘅工作失誤有關，反而似係有人講是非。而且代表你嘅女人牌望向男人牌，但係男人牌背對你，亦都代表佢唔太想同你溝通（聽唔入耳）。

我覺得可能有啲八卦團體會講下你壞話（唔止一個人），但係未到好嚴重嘅排擠中傷（因為冇出啲好奸詐陰險嘅牌，佢哋其實係打明牌的，手段很明確），今次老闆嘅態度同佢哋比較有關，反而工作失誤佢冇太上心。

你嘅性別：女
對方性別（如有）：男
問題： 想知男朋友有無想同我再婚既念頭

雷諾曼牌：男友想再婚嗎？
結果：雲霧、鞭子、十字架

雲霧在雷諾曼中代表「不確定」，而鞭子作為形容詞，延伸下去便是反覆持續、但是感到迷茫和不確定的念頭。十字架是一種刑具 (其實鞭子也是，但鞭子沒有那麼 heavy，鞭子是程度輕一點，但反覆鞭打)，受刑人要背負十字架再被釘上去，有「承擔重量」的意思。目前看來，男友感覺再婚的話，要負的責任會增多，而「要再婚嗎？」這種提問和念頭一直在催促他 / 使他感到痛楚。

塔羅分別代表兩人狀態的牌：女方 (寶劍侍者逆位)，男方 (權杖七逆位)

我不知道你哋過去發生咗啲咩，但係男方覺得自己一直孤軍作戰，去對抗身邊嘅壓力，而逆位亦代表佢覺得：我已經唔ok了，壓力太大。

女方寶劍侍者逆位，寶劍代表思維理性，侍者土元素 (金色黎明體系)，其實呢段關係之中你比較會plan 後面嘅嘢點樣發展，再婚應該都係你去思考同想要推動多一點點，而佢覺得週遭嘅壓力好大 (塔羅嘅權杖七逆位，雷諾曼嘅受刑)，我諗佢暫時會想休息下，抖下先，比起再婚 (呢幾個月內)

你嘅性別：男
對方性別（如有）：女
問題：最近一次團體活動結束後發生左一件事 導致我地嘅關係有啲距離 想問下有冇機會修補/拉近返我地之間嘅關係？

你嘅性別：男
對方性別（如有）：女
問題：近排小左聯絡，想問可否成為情侶？

謝謝謝
你詳細解答， 我都隱約覺得果班人唔會放過我。 半年前老闆都提過佢地不停係背後篤我背脊， 不只一次。佢仲陰毒到3個聯手向總公司插我。熊嘅就想以後方便自己可以随意呃公司錢。 而且某人知道迫走我， 佢可以賴死唔退休續續方便自己多一個渠道利用公司職權用公司錢幫補自己同那些人在外嘅檔口日常支出。 所以依家安排咗某個同黨在公司昅場每日匯報。

多謝你嘅反饋 🫶🏻
我都明白多咗某啲牌係點配

雷諾曼：月亮 + 花束 + 棺材

塔羅：寶劍二 + 太陽 + 錢幣侍者逆位

首先我覺得係佢嗰角度，會認為你哋之間舊有嘅關係暫時告一段落。而呢段關係嘅主導權比較喺佢手中（全部點數加起來，隱藏牌女人）。但係結束之後亦都會有新嘅進展，呢個係好合理嘅

塔羅抽到主牌太陽，左右就係寶劍二和錢幣侍者逆位，代表佢喺諗法上其實係有啲唔知自己想點，亦都唔知你哋呢段關係實際上應該點樣發展，所以暫時仲停滯住 （但佢又唔係拒絕你㗎喎），而中間嘅太陽顯示，本質上其實佢鍾意同你相處，覺得同你一齊好開心

我睇到啲組牌嘅諗法就係，如果舊有嘅關係結束，可能你哋應該諗下，會唔會有新嘅身份 新嘅關係去繼續同對方相處。你可以展示出你嘅態度，個決策人比較有機會係佢，不過目前睇落佢對你都幾有好感，所以你可以表明一下你嘅感受同諗法。

雷諾曼：花束 + 樹 + 鸛，隱藏牌太陽
塔羅：錢幣八 + 審判逆位 + 聖杯九逆位

首先我覺得你哋呢段關係，本身係一個長期同埋溫暖嘅關係，而鸛呢種鳥類係會看氣候遷徙，徙走咗一排之後，氣候回暖又會返返嚟。所以呢段時間可能少咗聯絡，但係之後又可能會出現返喺你附近，同埋隱藏牌太陽，太陽本身係一張正面又幸運嘅牌，我覺得你哋之後都仲會有新嘅接觸機會，可以推進兩人之間嘅關係。

塔羅方面，目前嘅牌顯示，你哋兩個都有啲太過唔郁，定住喺自己嗰度咁（一個就努力工作增值自己，一個就內心豐盛悠然自得），而中間嘅審判逆位，亦反映出你哋之間嘅關係未完，未到要結束嘅時間，仲有好多未一齊做嘅事。我覺得如果你哋唔係一味沉醉喺自己世界裏面，恢復返多啲接觸來往，的確係好有機會一齊嘅。

P.S： 想問你哋有人係水象星座嗎？ 天蠍雙魚之類的

冇人係水象星座🤔

OKOK，只係好奇，因为水象元素喺呢段關係影響都大（E.g：感受、流動、分享）

不過呢句（一個就努力工作增值自己，一個就內心豐盛悠然自得）就講得好中，而家就係咁嘅情況

多謝你先
關係嘅主導權的確係佢到 以往send message比佢 佢都好快睇好快覆

但自從個日之後 佢對我冷淡左好多 message過左大半日先睇
本身約好左一齊去某間餐廳 但最近問佢都被拒絕了

雖然平時一大班人見面食飯個陣 都叫做有一齊傾下計（我唔知佢係出於禮貌定點） 但個種感覺同似前好唔同

其實仲有一個月我地就要分開 各自返返去自己嘅國家 好驚呢一個月嘅關係都係咁疏遠 到時想修補都冇機會

我而家好迷惘 都唔知同佢保持咩關係好 有諗過不如就咁算 唔好打擾對方 但又唔甘心

你嘅性別：女
對方性別（如有）：/
問題：
三個月內，我會有理想工作的job offer 嗎？

多謝你嘅 feedback，我又抽咗一下塔羅牌嘅建議，錢幣七逆 + 權杖四 + 國王逆

係呢個情況之下，其實建議你忠於自己嘅內心，有咩想表達嘅，就而家向對方表達，想做嘅就做，唔好被困喺一啲條條框框之中，反而會比較好。

雷諾曼：靈魂+樹+狗仔+香爐+太陽
塔羅：錢幣侍者逆+聖杯騎士+魔術師

我會覺得你身邊，係咪有傾得夾嘅人？
雷諾曼嗰邊就顯示有一個陪喺你身邊，比較真誠單純嘅人，應該佢對你有好感嘅。呢個人目前可能同你仲係朋友身份。

塔羅就建議你表現多啲自己，聖杯騎士拎住聖杯，願意騎馬去做自己想做嘅嘢（行動力）。
從左到右，由錢幣侍者逆（攤喺度唔想動）--> 聖杯騎士（願意拎住自己嘅感情搵人、同人交流）--> 魔術師（展現自己有才華嘅一面，talkative 又自然嘅魅力），就會比較大機會搵到另一半。

雷諾曼：男人+房子+魚

塔羅：聖杯四+寶劍一+聖杯七（補杯聖杯侍者）

我覺得有機會你屋企人會有介紹畀你（都有可能係親戚）
然後塔羅嗰邊就提示唔好幻想或者內耗太多，目前個狀態比較係諗好多，但係落到實質上做嘅嘢就比較少。個腦有好多新planning，但係要搵方法做。

咁應該我雷諾曼學得未到家 牌面很正面（有陪伴，靈魂上夾之類），可能我解得唔好

你參考塔羅個part就好