有趣有趣
雖然我睇第一集時
覺得兩個心理醫生有古怪
但係考慮到一條算重要嘅資訊
就係點解個犯相隔十年先至重開殺機?
呢十年間,金多美最少做咗警察幾年
點解呢幾年兇手都無行動
由此推論兩個心理醫生係兇手可能性減低
(未完全排除)
用返其他偵探片慣用邏輯
兇手消聲匿迹咁長時間
一係喺病院留醫,例如車禍
一係踎緊監
一係潛逃外國
又或者係秘密追查其他涉案人(可能性低啲,因為十年前殺退休警時已經攞咗第一塊砌圖,即係兇手一早定好咗要殺人嘅名單)
(奇怪嘅係,如果副砌圖早喺十年前畫好
點解第二三塊砌圖咁新淨,金多美保管咗十年果塊黃咗?)
劇到一半第六集
變相公開咗個遊樂場係最原始嘅現場
我推測好可能又係同「失蹤人」有關
(「失蹤」包含殺人後毀屍滅迹)
其中一個可能性係起遊樂場時
有個工頭發現咗工程背後黑幕重重被人滅口(可能埋屍遊樂場下面)
(咁就係同師兄講嘅官商勾結/黑警食案果類嘅復仇劇)
被害工頭嘅兄弟或仔女知道真相於是策劃復仇
(來到呢度,兩個心理醫生係兇手嘅機會又升返啲
因為心理醫生可能由來求醫嘅警察病人口中
收集更多線索去確認仇人身分)
(兩個心理醫生,男嘅可疑度比女大
金多美嘅醫生係女醫生,男醫生無理由會知道金多美嘅「病」情
男醫生同女醫生「同居」都係一個疑點)
除咗心理醫生,有無師兄覺得
男主個直屬隊長更可疑?
因為金多美阿叔肯定係俾熟人隊冧嘅
阿叔係退休警,無理由有外人入咗屋都警覺唔到⋯
由雕刻刀角度來睇
金多美當時咁矮,無可能可以咁容易一擊得手⋯
咁兇手會唔會係金多美阿姨?
(阿姨唔肯留宿都係一個好大嘅問號)