[Disney+] 尹鍾彬/金多美/孫錫久新劇《血謎拼圖》（Nine Puzzles)劇情討論區

單純睇的確係
但有幾個位好刻意有d伏線

1. 殺老公條女 女醫生 同女主岩key
2.又問男主係咪冇殺過人 叫佢換女主黎傾
3. 最尾上電視台 唔正面答
4. 女醫生答佢失憶有d鬼
好似專登用ptsd/內疚感黎誤導女主咁既feel

仲有醫院落毒又邊個？
netflix 之女話唔係佢喎。。。

女醫生點樣導到條友上天台準時跳樓都冇解釋啦

依套嘢真係眼高手低，虎頭蛇尾嘅極致。


有少少睇返tvb劇嘅膠感

頭幾集幾好睇，鋪個靚頭引人。
但後面犯駁bug到出戲

又好似有咁講過 又一個bug

死喇，我啱啱又睇多次10-11集，女醫生邊度有講唔係佢落毒殺檢察官？ 唔通我又miss 咗？

成身血都唔去沖涼

理解錯請指正

佢中學生校服去遊樂場果幕，交代佢一直以黎都會去等佢阿媽，每次都失望而回，變成恨要千屍萬段

休學一年，因知道阿媽死因，要查來龍去脈同諗殺人Plan，文根英mode

我都無見到喎
女醫師提都無提過
淨係話梁正護唔係佢親手殺
師兄係咪咁樣誤會咗話唔係佢落毒呀？

七歲女記得媽媽間食堂 遊樂場發生過乜事又唔講清楚
若果唔係失憶 應該自己叫大人/警察幫都幫到手搵番媽媽間食堂…

其實呢套劇本來就唔係畀觀眾推理 唔洗咁深入思考 單憑公開嘅線索你係唔會推理到成件案嘅動機+經過+兇手

其次連環殺人犯殺咁多人都冇線索 現實邊有可能4 50年前就可能得 所以我一開始就當係科幻片咁睇 啲所謂bug已經唔重要

但呢套係睇得幾輕鬆 整體係唔錯 個人幾鍾意朴圭瑛最後燒死自己慘叫嗰幕

我理解係女醫生7歲嗰年响遊樂場走失，因某種原因失憶，所以俾人當係身份不明嘅細路仔送咗去保育院，仲改埋名。

女醫生自焚之前有講過話佢咁多年來都有去遊樂場等阿媽接佢，但偏偏唔記得咗食堂，所以一路唔識返屋企。直到佢上咗醫科大學，梁組長終於搵到佢，俾返阿媽遺物佢同交代阿媽慘死經過，佢先知咁多年尋尋覓覓同阿媽互相錯過。

佢休學嗰年就係為咗慢慢計劃報仇。第一單記者死嗰陣時，d人以為記者抑鬱自殺，梁組長有懷疑想深入調查時就俾人調職。（因為有人唔想佢越挖越深）。

到尹東訓死嗰時，d人都只係以為因為佢幫手蓋過記者醜聞而招致殺身之禍。完全無追溯返係再十幾年前新東亞市場比人強拆迫遷歷史。

梁組長覺得自己救唔到女醫生阿媽，有愧於心，所以一路以來知佢殺人都無篤灰。（但又唔阻止，你寄封匿名信叫佢地著草都得啦）。
所以梁組長話一切都因佢而起。（佢嘅正直同大愛令到咁多人死）。

宜家諗返「咖哩朋友」呢個位只係想突顯金翰泉雖然執著，一但有野撻著佢就咬住唔放，但同時佢都係一個重情重義（有溫度嘅人）。

上threads比人劇透左

梁組長係因為喺案發現場執到認得條手巾
嗰刻先知道連環殺手係女醫生
並唔係一直都知道
就係因為梁組長搵返女醫生同佢講返成件事經過
先至會令女醫生有殺人動機
所以梁組長先會話一切都因自己而起

你諗多咗
失散咁多疑點純粹係編劇功力不足
拼圖本身一早畫好晒
作用只係女醫生想有人解讀到佢嘅心路歷程

女醫生死咗之後收到嘅拼圖喎？

嗰張你更加唔使理啦
純粹結局整啲噱頭當佢鋪第二季
但我一定唔會睇

如果真係鋪第二季 咪話拼圖並不一定係女醫生主意 有人叫佢搵男醫生劃 咁先講有第二季…

到時又可以話模仿犯...

趕住去救女主呀

韓劇唔畫出腸㗎啦

設定7歲失蹤，理性分忻，呢個年紀應該識去求救，講得出阿媽食堂果名。
如果編劇設定3-4歲比較合理。

如果套野好似上面某個POST所講, 犯人報仇係同活摘器官產業鏈有關, 應該會正好多
點撚知只係強拆起樓
諗住套野會好似柯南咁撚樣真係推理個犯人出黎
點撚知係有人報警間接舉報犯人

套野係值得睇, 但網絡愚論就令好撚多觀眾期望太高

我自己睇, 咁多單CASE好似只係飛撚左地盤果單, 姐係好似係水度落毒果單? 因為飛左所以唔肯定兇手點殺人
仲有覺得頭30幾分鐘係捱過去, 捱過左就覺得開始好睇
仲有覺得女主角開頭果種演繹方式冇嚟正經咁撚樣真係好撚難頂
但佢最後幾集又變返正經啵