[Disney+] 尹鍾彬/金多美/孫錫久新劇《血謎拼圖》（Nine Puzzles)劇情討論區

就係懶醒個臭格

第一集感覺金多美交錯戲, 因為假設佢唔係兇手情況下係唔應該咁演, 除非結局佢真係殺叔叔嘅凶手就講得通, 之後到佢成年, 開始有調整演法, 但佢對個角色聲線運用好飄忽, 感覺佢都係唔多決定到點樣去演尹異羅 , 9 集入面演繹方式變過最少兩次 , 佢有啲迷失咁款

不過套劇整體布局好正 , 不過啲大咖死得太快有啲可惜

乜鳩呀
崔算喺差館俾同事jer緊把鎗

套劇啲細節安排都好用心同有趣
Eg 金多美返工routine，孫錫久屋企佈置

Why not both
我覺得有差佬有包庇某個人，甚至乎係某班人

畀左個like你有個人見解

金多美一開始要咁演，都實係導演要求，做到事不關己咁，成個高智商反社會人格，觀眾先致有迷團會想追係唔係金多美殺

到中段都覺得佢演得過份可愛，唔係我最喜歡果類表演方式，不過ok la

套劇最驚喜既並唔係d大cast客串既過客，而係Netflix之女呢個女醫生，之前覺得佢一做主角就失色，今次做翻配角表現反而好好，眼神唔太利輕鬆掌握到節奏，金多美就演得多左造作左

不過劇唔係電影，主角太多鏡頭拍得又耐，好難全程都係精品

套劇唔錯

雖然暫時正路線索指向心理醫生
但如果反轉係女主雙重人格會正啲
第一集男主搵到女主中學嘅roommate，喺女主呀叔死嗰晚，女主由學校宿舍出發返屋企時對roommate講「你就係我嘅不在場證明」重未解答到

我好慶幸我喺日光日白嘅時候睇第二集

雖然我噏錯 但係崔算係唯一生還在打獵現場嘅人 如果佢唔知情又無份 佢都有機會被滅口

關鍵時刻失憶源於佢嘅心理創傷，係點樣程度嘅衝擊未完全清楚
就算真係異羅（唔知乜嘢人格）落手，佢都實有人幫手，單憑佢一個女人冇可能搞掂幾個壯年男子+全身而退

我會話係差佬，主角身邊嘅差佬
好記憶猶新去完濟洲島之後，金多美同孫錫久喺酒吧吹水
內容提到佢睇幕後嫌疑犯，兜兜轉轉先發現真兇係主角嘅差佬同事
典型劇本hints 不過都可能係引導觀眾嘅障眼法

有咩理據

訓唔著諗諗吓的確係障眼法，但係轉移孫錫久先係真兇/幫兇嘅障眼法
知道好多關於金多美嘅資訊，但係對孫嘅過去無從考究，已知嘅有：

1 佢本人同佢老母都講過，佢係一個一旦捉住左對方就唔會放手嘅人
一個咁執着嘅人，對查案係咁、對朋友/復仇係咪都係一樣諗法

2 金多美去佢老家食飯，由佢老母口中帶出孫中學有位咖哩朋友
i 呢位朋友係男定係女？
ii 金睇得出孫為咗保護（2）先留佢喺身邊，孫解釋話（2）有病，而且係各方面（身心都有事？）

3 即使孫老豆早逝，單親家庭都能夠負擔到one city，屋企應該幾疊水

4 回應金對孫老豆幅制服相嘅疑問，孫聲稱老豆係演員會唔會係大話/嘲諷
i 佢老豆真係差佬，而且係貪污受賄嘅一份子
ii (2)家庭係孫老豆所作所為嘅受害者
iii 孫討厭呢間屋，所以唔同老母住

點睇

有樣嘢好疑惑，好深刻分別提過兩次
先係酒吧老闆娘，另外係孫錫久四眼上司

講佢哋若干年後返老家探望，完全變左唔同人一樣
提到四眼上司性格唔同左，但到底老闆娘係性格言行唔同左，定係物理上唔同左？

如果男主係真兇就爆醒起有報導講話
孫錫久笑稱得知真凶時超衝擊，直呼：「我怎麼沒發現！」

照你咁講，兇手應該就唔會係醫生
明顯係你意想不到嘅人
而且一直都喺女主附近
咁個範圍窄咗好多

仆街你個推論又幾make sense

最無可能嘅就係兇手法則

任何地方國家嘅劇集都通用
通常兇手最少畫面 最少戲份

team長nim? 金多美個老細?

組長臨死前稱呼真兇做「孩子」，一定係細佢一截嘅人，鳩估係兩個醫生之一/both

問題係如果真係孫嘅話，點樣解得通佢尋根究底金多美單case成十年？
仲有第一集佢模擬+cross check十年前金返屋企條路線又點解釋？

🤔🤔

女主身邊嘅人，幾乎個個唔係有謎團，就有嫌疑
得個炒股差佬係接近清白

我都有留意呢個位
我嗰陣諗
會唔會係老闆娘根本唔係療養院老人家個女

佢老細應該同dr lee dr wong差唔幾咋嘛嗰兩個咁似兇手應該反而唔會係兇手wor
吻合完美 細密應該得佢地三個