二萬蚊租金嘅樓講緊要供2萬8-3萬? 9成按揭+供20年就會+長期高息先會喎。你好地地7成按+供30年,租同供就就大致差唔多啦。
裝修全爆50-60萬左右(不計三十年後通脹),加埋大維修都5年租金左右->裝修全爆當1000蚊呎,即係500-600呎單位。5年租金=2萬x5年。扣埋裝修即係預70萬大維修。呢個數又係有水分,近年市建局咩都睇住,好多大維修都係每戶十萬蚊樓下。
管理費大約市值租金1/5->呢個又係離哂譜。當你500呎樓月租2萬,1/5即係$4000。你咩樓管理費成$8蚊一呎? 香港管理費平均$2.7一呎喎。
講講下同一間屋你又走去講租可以住細間啲,你生活質素都唔同咗,仲點做數字上比較?
首期舊錢係擺咗落去,但係當租同供係差唔多,現金流就只會差首期個70萬,供樓都係會儲到錢。供樓舊錢每月你大約知,但係租金加幅你唔會知。分分鐘去到某一刻租貴過供,咁供樓仲有大舊啲錢滾。如果你想assume租金跌,即係個期樓價升,真係想滾錢都可以二按層樓再投資。
供唔起樓要帶住個仔瞓街,你租唔起樓咪一樣。真係供唔起變銀主盤都仲有機會有舊錢落返袋。
你都識講4厘回報好合理啦,做按揭講緊銀行借俾你都係3厘左右,你又嫌貴。
整體黎講,你都知道有咩數要計,不過係D數字出入太大,所以你成篇野知數嘅人就會覺得唔可信。仲有,你又未計租樓俾人趕,搬屋費用,agency commission,搵樓時間機會成本,同埋最重要係買樓可以自己攪間屋,自己話事,租樓就永遠係買下傢俬,養貓想裝上牆嘅貓架都要問業主,呢D直頭量化唔到。
最後,如果要認真計買定租,就真係搵數字黎計啦。一般黎計住夠15年就買同租打和,over 15年就開始買抵過租。
https://smartmoneytools.co.uk/tools/rent-vs-buy/