2025 美國遊記

lm

我幫你補補裡面d相

UI 嘅話我覺得紐約地鐵先進過香港好多

係終末之巨人

～今日繼續更新～

掂下隻銅牛係咪股市必賺錢


睇其他人遊記以前好似可以入去紐約證券交易所參觀，不過依家唔得lu

但有唔少線係Display 都冇

紐約真心要去一次 平時睇開嘅電影同電視劇場景都喺度

第四日嘅最後一站係紐約大中央總站。呢度係曼哈頓最著名嘅交通樞紐之一，亦係全球最大嘅火車站之一。如果用月台數目嚟計，佢甚至係世界上公共建築空間最大的鐵路車站。




大中央總站喺1913年啟用，建築風格屬於經典嘅布雜學院式建築（Beaux-Arts Architecture）。除咗係重要嘅交通樞紐，呢度仲係唔少美劇同電影嘅取景地，例如《復仇者聯盟》、《角頭風雲》、《教父》同《MIB 星際戰警》等，絕對係影迷必去嘅景點之一。

必睇亮點：
• Main Concourse：
呢個巨型嘅空間係總站嘅核心，天花板上畫住一幅巨型嘅星空圖案，展示咗 12 個黃道星座，仲會有自然光透過高窗照入嚟。
• The Four-Faced Clock：
喺候車廳正中央，你會見到一個世界知名嘅四面鐘，佢嘅鐘面係用奢華嘅乳白色貓眼石製成，價值高達二千萬美金。呢度係影相同集合嘅熱門地點，好多人嚟到都會喺呢度留影。
• Whispering Gallery：
喺 Oyster Bar 餐廳門口附近，有一條拱形走廊。如果你同朋友分開企喺走廊兩端低聲細語，聲音竟然可以傳到對面！

大中央總站唔單止係一個交通樞紐，仲係一個集歷史、建築同文化於一身嘅地標。行完呢度，你會更加感受到紐約飛快嘅節奏。

第四日，完。

黎到呢度，呢個旅程已經過咗三分一，我都想做個簡單嘅小總結。

出發之前，我為呢次旅行計劃咗好多景點，行程排得好密，務求盡量去晒想去嘅地方。但黎到之後發現，實際上喺每個景點逗留嘅時間比我原本預計嘅長咗好多，因為我想好好欣賞每一個地方嘅細節，例如九一一紀念館，原本只係預咗 2-3 個鐘，點知最後行咗差唔多 5 個鐘，完全係因為入面嘅內容實在太值得慢慢感受。

每個人去旅行嘅節奏都唔同，但最緊要係自己玩得舒服、享受到。紐約就係咁嘅一個城市——你會忍唔住想用更多時間去探索，去感受佢嘅每一面。

所以，對於紐約，我只會話：Never say goodbye to New York.

師兄

同朋友諗住9月去玩10日
會去埋波士頓

朋友預大概5-6000hkd 諗住連住宿加食野
唔知你覺得budget 夠唔夠？

我地會去主要景點 睇高樓大廈d景 同埋會去MoMA
食野諗住會食2-3餐龍蝦、500hkd一個人左右嘅西餐咁，其餘可能食下street food咁

另外其實有個fd住staten island可以比我借宿，朋友就驚太遠，所以我地仲諗緊

你會唔會買野？住宿如果住曼哈頓per head 起碼$1000一晚，所以5-6000 HKD我覺得完全唔夠

應該會簡單買下野食做手信咁
諗咗好耐都唔知有咩買 名牌果啲可以唔洗，又好似特登要去outlet
主要都係想睇下博物館 好似巴打你咁感受下日常嘅美國relax下

咁巴打你有無住airbnb?見到有啲都平

我全程住酒店。紐約消費貴過香港幾多，建議準備多少少budget。

睇相以為星戰啲實景黎
Metropolis就係唔同啲
同紐約比
香港新加坡什至東京
一拍埋去即刻變左鄉下農村咁

lm

樓主無去參觀下大學？特別Columbia都有幾多電影響嗰度取景

今次冇plan去大學參觀，都係去啲大路景點先

第五日
行程：自由女神像、埃利斯島、弗朗薩斯客棧

講到紐約嘅標誌性景點，大家通常第一時間會諗起時報廣場或者自由女神像。喺第四日，我見天氣預報話第五日會放晴，於是即刻 book 咗一個自由女神像同埃利斯島嘅半日導賞團。

集合地點喺曼哈頓下城嘅 Battery Park附近，個團係雙語導覽，包括西班牙語同英語。個導遊來自秘魯，成團嘅參加者主要來自南美國家，例如委內瑞拉、墨西哥同阿根廷，華人面孔就比較少。


偶遇美國校巴

所有人到齊之後，導遊帶住我哋去碼頭準備上船。上船之前要經過保安檢查，建議唔好帶咁多野。



喺呢度要特別提醒大家，喺 Battery Park 嘅地鐵站附近，會有唔少人向你推銷話有優惠 Package，可以參觀自由女神像同埃利斯島，但呢啲係騙局！

記住，自由女神像同埃利斯島嘅唯二正規途徑係：
1. 參加本地導賞團，或者
2. 經 Statue City Cruises 官網買飛。

其他推銷方式通常只係帶你搭船遠觀自由女神像，甚至有啲會話帶你搭 Staten Island Ferry，但其實 Staten Island Ferry 係免費，無需俾錢。所以記住唔好中招，避免浪費錢同時間。

去完覺得紐約真係好無敵

又ok 東京都50000
不過如果連貴賓室都玩盡，午機/夜機好D
不過唔知nyc 有無下午機F

而家飛日本啲性價比超低
真係寧願去歐美好過

除左貴到PK，仲方便過依家嘅香港

終於update

呢個導賞團真係好值得，因為唔單止可以近距離睇到自由女神像，仲可以了解埃利斯島嘅歷史，感受紐約作為一個移民城市嘅獨特文化背景。

隨著觀光船慢慢駛離碼頭，曼哈頓下城壯麗嘅天際線逐漸喺我眼前延展。高樓大廈林立，配合藍天白雲，真係一幅完美嘅城市畫面！ 如果你想喺去程途中清楚睇到自由女神像，記得要坐或者企喺船嘅右邊，呢個係最佳觀景位置。

大約 20 分鐘之後，船慢慢接近自由女神像，呢一刻，我終於親眼見到呢個代表美國歡迎對外來移民的嘅標誌性雕像！ 心入面不禁歡呼：「我終於黎到！」



如果有機會，我相信夜遊自由女神像會係另一種截然不同嘅體驗，曼哈頓天際線喺夜晚燈火通明下會更加迷人，氣氛更加浪漫同獨特。