2025 美國遊記

之前寫日本遊記爛尾，真係唔好意思，希望冇令大家失望！今次我應承大家，呢篇美國遊記一定唔會爛尾！

前言
我之前從未試過踏足北美洲，而今次美國之旅嘅諗法，其實係源自我Travel Bucket List上一個放咗好耐嘅願望：用Asia Miles試下國泰嘅頭等艙。事實上，國泰而家仲有頭等艙嘅航線已經唔多，印象中只有東京羽田（HND）、巴黎（CDG）、倫敦（LHR）、洛杉磯（LAX）同紐約（JFK）。咁既然要試頭等艙，當然要揀最長航線啦，咁先可以盡情享受！

為咗達成呢個Bucket List目標，我日日捕住Asia Miles網站，終於喺舊年11月俾我捕到今年復活節前後飛JFK嘅頭等位！當下完全冇猶疑，即刻book位。就係咁，我嘅美國之旅正式拉開序幕……

講真，呢次嘅旅程真係我覺得計劃得最好嘅一次。當然感恩遇上好天氣，令整段旅程更加完美。

呢篇旅遊記會同大家分享我呢次旅程嘅點滴，希望大家鍾意！

第一日
行程：香港 → 紐約

國泰每日都有三班機飛紐約，但係配備頭等艙嘅只有CX830，呢班係用777-300ER執飛嘅。

航班喺香港時間朝早9:05起飛，當地時間下晝1:10到紐約。因為出發嗰日係復活節假期第一日，我估機場應該會好混亂，交通同Check-in都會好擠塞，所以我決定搭NA機場巴士去，避開人潮，順便早啲Check-in，咁就可以喺頭等Lounge慢慢享受下。

結果俾我估中咗！架巴士喺入機場前嘅迴旋處塞咗差唔多20分鐘，搞到我都緊張起上嚟。但更意想不到嘅係，就連頭等艙條Check-in隊都咁多人！好彩個人龍算去得快，我啦啦聲搞掂Check-in，經貴賓通道入咗Lounge，總算仲有啲時間可以放鬆下。

LM

頭等艙貴賓室體驗
頭等艙乘客可以揀用兩個貴賓室，包括近4號閘口嘅寰宇堂（The Wing）同近63號閘口嘅玉衡堂（The Pier）。我搭嗰班機喺32號閘口登機，兩個貴賓室都唔算話太遠。不過要注意，每個貴賓室提供嘅服務同食物都唔一樣，例如只有寰宇堂先有Jacuzzi，而免費15分鐘按摩就淨係玉衡堂有。因為時間有限，加上一直聽聞寰宇堂嘅Jacuzzi好大好豪華，我決定去距離登機閘口比較近嘅寰宇堂。

一入到Lounge Area，我就去玉泉居排隊登記用Jacuzzi，職員俾咗個呼叫機我，當輪到我使用嗰陣，個機就會震。

搞掂之後，我就去酒吧叫咗杯Cathay Delight。Cathay Delight係國泰嘅招牌飲品，用奇異果汁、椰奶同少量新鮮薄荷葉調製，入口清新，但味道對我嚟講就比較普通，試完一次就算，冇再Encore。


Bar Menu

可能因為仲係早餐時段，Lounge入面供應嘅食物選擇唔算多，冇乜特別吸引嘅嘢食。我索性留返個肚，等上機之後再慢慢享受飛機餐。

好慢

洗唔洗廿萬分

絲打唔好咁啦係哩幾日先開始有時間整理思緒開始寫遊記

16萬。不過近排Asia Miles好似又調整左啲分，唔知依家有冇加減

我一程nyc 去hkg 都要46000分你咁16萬又好似ok

美國歧視好勁 唔好再去

留名參考
會唔會去埋其他東岸地方例如波士頓費城同華盛頓？

Vegas好像還好，可能遊客區
其他地方唔知

唔係話睇死你，爛尾同出軌一樣，只有0次同無限次

你唔好咁啦

The Wing F 宜家裝修

我覺得人一世物一世，點都要用個好方法換張頭等試下

今次冇呀，東岸其他地方打算下次先去。

「可能因為仲係早餐時段，Lounge入面供應嘅食物選擇唔算多」

你係咪成間餐廳miss咗，早餐頭等lounge餐廳都係full menu喎

大約等咗十分鐘，個呼叫機就震啦，我慢慢行去櫃檯等職員安排入浴室。當日入頭等貴賓室嘅人其實唔少，好彩到我用浴室嗰陣，距離登機時間仲有個半鐘，啱啱好夠時間去享受呢個設施。每個人嘅使用時間限為90分鐘。

每間浴室都配備獨立廁所，設施非常齊全，洗刷用品用嘅係英國頂級保養品牌 Bamford，質素一流。浸個浴再上機，成個感覺真係唔同啲，非常舒適又放鬆。

LM

我見到有人排隊入餐廳，亦睇過個menu。擔擔麵同雲吞麵當然唔少得啦，但整體黎講我覺得啲野食唔係特別吸引。

可能因為The Bridge 開左？

有得食免費a la carte餐廳任叫好正喎
不過好似你咁有得食都唔食先係皇道
朝早真係太多人，見到個頭等check in都咁多人就覺得好唔開胃

會將人流分去The Bridge同The Deck，祝佢好運