「的士大王」鄭克和：政府「一年拖一年」未禁白牌車 不排除罷駛等較激烈方式 業界「正面臨最危急時間」

10:13 2025-05-08

有「的士大王」之稱的的士車行車主協會永遠榮譽會長兼主席鄭克和向特首發信，要求當局嚴打網約白牌車、說明立法方向，否則採取「進一步行動」。鄭克和今早（8日）在商台節目表示，政府「乜都話做緊嘢」，但實情是白牌車越做越猖狂，業界面對極不公平競爭環境。具體行動方面，目前傾向法律訴訟，但也不會排除罷駛等較激烈方式，強調不想用對抗方式，和平解決一定是優先選項。

鄭克和指，自Uber白牌車在香港營運至今，「業界忍咗佢11年」，政府經常說會改善問題、改法例，但這11年「業界從來都無停過等佢，要做車隊，我哋都即刻做，好加把力咁去做。咁白牌Uber應該趕佢走啦？點知未走之前，高德（白牌車服務）又來，咁點呢？滴滴（出行）嚟嗰陣，佢話係做（網約）的士，咁我哋業界實歡迎，最緊要你合法。結果佢出埋廣告招乘客，搵白牌私家車加入。」他形容是一波未平一波又起，令整個行業震盪。

鄭克和指一直有和政府溝通，希望後者可清晰告訴業界，不合法白牌車如何處理，但政府沒什麼回應。「我哋好多車主都係想退休買個牌返嚟收租，晚年過好啲。點知（牌價）七百幾萬跌到𠵱家二百萬。」形容現時牌價已達歷史新低。他續指：「我哋係1994年，一百七十幾萬同你買個牌返嚟、2015年大嶼山的士牌，六百幾萬同你買返嚟。」結果白牌車幾乎零成本，就可以做和的士一樣的生意。「我哋買個車保都六、七萬，佢哋就幾千蚊就得。三兩萬蚊買架二手私家車，就載得客。」

他強調，實在不想搞亂社會或整個行業，但政府確實沒有回應業界的訴求，「乜都話做緊，一年拖一年，無咩動態可言，搞到投資者又驚慌，司機都成日打嚟，話周街都係Uber呀，機場同高鐵站周圍都係，對我哋合法經營者好唔公平。」

鄭克和指政府聲稱年尾提出立法框架，然而年底是立法會選舉，「到時又推幾多年？」形容現時行業正面臨最危急的時間，長此下去牌照隨時要「俾返銀行、俾返政府」。他指政府經常說「做緊嘢」，其實只是「嘈一嘈就拉兩架（白牌車）」，但同時又要掃蕩合法的士，「話玻璃有危險，又捉幾架。兩者同一時間做，到底係做俾我哋睇，定係做比Uber睇？」種種狀況令業界非常憤怒、忍無可忍。

被問到採取「進一步行動」是指什麼，鄭克和指可能會涉及法律訴訟，挑戰政府目前對白牌車的取態，已經徵詢法律意見，有一定根據，但強調「咁做都好傷，唔想見到去到呢個田地」。至於是否考慮罷駛，鄭克和指「唔會排除呢樣嘢，但具體要等政府回應」，同樣不希望要用這類手法，和平解決一定是優先選項。

具體訴求方面，鄭克和指業界最核心的不滿是不公平競爭環境，「一個唔使成本，一個天價」，政府一定要及早交代如何處理，讓業界安心。主持人問到是否「你哋有嘅（營運條件、限制），佢哋（網約私家車）都應該有；佢哋冇嘅，你哋都應該冇」，鄭克和同意。

全世界趨勢都係叫車架啦
的士佬呢啲無監管無制衡嘅行業真係早收皮早著

角安？

係咪又要暴動喇? 真係好不安

滴滴同高德呢？唔提嘅？

你個罷駛都拖左幾年啦

立即改啦
100蚊申請30分鐘即批可以做網約車
的士牌秒變垃圾就最好

其實諗落都幾唔公平 人哋咁貴買個牌返嚟 但係你哋有部手機就可以接客 咁人哋買個牌返嚟做乜？ 加上你哋啲白牌車又冇保險 乘客都好冇保障

應該都係係流浮山迷路.....

盲人上連登

我覺得講得好岩
Uber 本身係唔合法
政府一係將Uber 合法化
唔好一路係到拖
一樣唔合化既野 但人人都做
長遠咪影響市民守法意識原來唔合法都無問題

擺駛 = 保護市民安全

Uber有保險
仲有，冇人迫你呢個價錢買個牌番嚟
投資不嬲涉及風險

到真係網約私家車合法
班撚屌嘈得仲大聲
講到尾都係想的士獨大

政府個角色係要做呢D
而唔係拖住個問題

牌佬係仆街 但有幾句係屌得冇錯 政府唔應該咁樣拖住個問題
反而應該盡快落決定(即係白牌合法化）

咪又係走緊法律罅
部車唔係用商業保

你買股票會唔會同個大股東講
我咁高位買入，股價突然大掉
對D小股東好無保障

大把非黑即白撚屌話你係dc9

投資有風險

當年85000都係同一道理

Uber幫司機買晒符合法例要求嘅三保
所以而家放蛇捉uber都唔會告無三保

炒牌還炒牌 華記正撚樣同莊思敏都損手
但拖住合法定唔合法化就on9

點解要驚？
嚟嚟去去都係得班車主屌得最大聲，加埋有幾多人？要正苦驚佢哋？

無牌經營係一個重點
一係全部合法 一係就打擊到無人敢開工