將軍澳私/居上車盤討論區（14)

想問下兩房嚟講君傲灣除左奇則外仲有無咩問題
無咩人推主要係差唔多價錢都會揀將中將廣？
6m左右有露台梗廚好似得佢 蔚藍個價又企

老實講如果長住唔諗搬屋一定係揀自己覺得最舒服嘅先，單位大細，交通方唔方便，返工路程，反而小朋友返學就唔洗諗太多，應該好多學校都會有校巴經將軍澳康城調景嶺，如果係講雜唔雜衰d 講你個小朋友係乖嘅都唔會學得壞，反而係睇你同另一半點教，始終無可能有一個地方係無衰嘅人

我個人覺得維景住係舒服同夠大嘅，而且多巴士經仲要有雙線優勢。

如果諗轉手方便就可能真係買康城會好dd，始終新淨同lump sum 低

見近排啲成交, 6.2M將廣, 6.5M都會駅, 6.6M蔚藍

除咗則麻麻地、黑廁同埋一層戶數較多外，我唔覺有乜大問題。你留意返君傲灣得三座，本身座數已經少過將中將廣，而且君傲主打係三房，兩房自然少成交，所以都少人講。

其實嗰啲保姆車有冇公司, 有冇保險

正路都有第三者保險？

康城供應海量，老實講都要價靚位置好先易賣

要細lumpsum如果唔要納米/一房，要住到人既
真係得補地價居屋同寶林三寶
你筆直幾多？

房協樓但保養呢啲睇樣睇唔出
要問下呢度有冇茵怡住戶
不過純講地點疊翠軒同新都城差唔多，全寶林最好
茵怡僅次佢地
寶林三寶真係要行一段路
我覺得日日咁行都差幾遠下
不過三寶係私樓先平唔過茵怡疊翠

4.5 左右 所以先話慧安
可能睇下先 跟住再出去出面 沙田 呢d睇下

如果唔係正規報正, 咁樣算係商業用途, 普通三保會踢保

近排見啲成交4.8-5.2M都有, 差距收窄左咁多, 真係一步到位揀新都城好過

早幾年淨係睇 lump sum 買納米樓嗰啲而家層樓跌到仆晒街

應該得1期先有

所以成日都講
買舊小小有兩房都好過買納米0/1房
點都有人接

你買0/1房都係貪佢lump sum 細有新樓住
但過多幾年都會舊，買一手又有溢價
邊度會有人接下一手
買樓係一定要諗埋退場，無論幾多房都好
你永遠都唔知將來係點

如果唔諗住生 其實新樓一房好用過舊樓眼鏡房兩房 諗住長住嘅又無謂為咗投資價值走去買舊樓仲要洗一筆錢裝修 正正經經另外買一層收租好過

兩房有書房用差好遠

如果維景，都會駅，將中 比較，有冇邊個優勝d?
上將軍澳group睇，都會好飲成日噪d業委會，lift問題。

都會同維景就一定係維景，淨係太古樓已經屌打啦，至於將中就睇你介唔介意黑廁、樓望樓同兩房則得 465 好用，如果要落街就乜都有咁一定係將中。

又唔係咁講喎
我未有細路仔時有一排係兩個人住眼鏡房
另一間多用途房好好用，書房+衣帽間+回南天用黎抽乾衫

其實唔關投唔投資事，係買樓果一刻都要諗埋退長問題
因為你唔知將來會唔會要賣樓
我對上間屋都諗住住十年，等啲細路仔大個先搬
但點知幾年有機會買到三房就已經放左
如果當年我買左lp6一房應該都係要劈先賣得出
（當年我二選一結果買左富麗420，實用點都比一房實用好多）

睇你要咩
要露台就都會，另外兩個無咩露台盤
要明廁就維景，將中黑廁都會視乎房型
景就維景大部份開揚，或山景，將中向南高層望海佳都會就大部份麻麻地（向北高層望健明算開揚，或者向東/東南稍為好啲）
價錢都會將中較相宜，維景價較硬淨
買野將中都會維景三期好，維景一期雖然下面有獨立超市就睇你夠唔夠行出去都幾遠
諗到咁多

維景一期間超市收左皮喇
有間俾錢gym喺果到
唔知多唔多人做

之前睇樓仲見到

新樓一房俾你大極咪 80呎，點都唔會夠兩間 50呎眼鏡房好用，而且兩公婆住一房耐咗多數想搵返兩房，所以不如一早買兩房唔使煩，其實我覺得一房只啱一個人住