盡地一鋪遊日本 Part 1

好有心機

留名 支持

跟住沿國道158東進 去坐纜車
新穂高ロープウェイ



去到嘅時間都有啲夜
有啲擔心上去睇唔切嘢




上纜車


對上一次坐纜車已經要數到疫情前坐昂坪360


轉車要行去另一個站 地下已經有啲雪


意外地多菲律賓人


繼續睇穗高岳
加上少少搖晃 終於有啲坐纜車嘅感覺

上到咁高 地下已經全部雪


已經上到過2000米高


出面得10度


雪人擺足全日都唔熔


著住件普通外套已經夠做



打個卡先

真係唔凍 你吹水

話咁快就半個鐘 差唔多係時候落返去
好不幸地 我趕唔切
只可以等半個鐘後坐尾班纜車落返去


喺度行山要寫通知書


出去另一邊行下
我嗰對只係普通波鞋
要好小心避免仆街


坐唔中雙層纜車


唔敢行咁遠


喺度打個卡算


尾班都唔夠載 要再等加班纜車落山


中途站有間包舖



有啲肚餓 買隻芝士包食下
又唔錯


有賣巴士飛 但係唔多見有時間表


圍住架車行多幾個圈 呼吸多幾啖新鮮空氣
又搵到多條痕


跟住呢段國道158超難揸
隧道超窄 唔夠大車轉彎
大車要偷位先轉到彎
變咗要喺隧道裏面等對頭車過
https://youtu.be/AyhVMW3mnOw?si=dIWhW-6GiVoadxoE&t=3398

呢張幾時影
我上次去富山天陰乜都睇唔到

如果淨係睇守禮門
洗唔洗俾錢入場

開始天黑 諗住去食奥藤本店 国母店
趕唔切 入去已經見到佢哋準備收檔


唯有去食大戶屋 都要等位
大戸屋ごはん処 甲府昭和店
menu


叫咗個茄子豚肉味噌炒 個樣睇落好似回鍋肉
食落都好似
味噌完全取代咗豆瓣醬嘅位置
白飯免費轉五穀飯


食飽飯返酒店前嘅指定動作 入油


ホテルルートインコート甲府
我比較夜到 得返個地獄位
又黑 好難泊
好彩有泊車sensor


超古董嘅鎖匙打掣攞電
扭落去我直頭聽到噠一聲


間房睇落都有返咁上下年月


最compact嘅啤膠廁所
屎塔都要擺側


呢間有大浴場


不過要睇住時間

Day 9
又一日 先抬啲行李上車


食早餐







每日都食腸仔蛋同燒魚 開心


第一站 立石公園
山上面有停車場
揸車會方便過搭巴士上嚟好多


933.86m高


立石公園望落去就係諏訪湖
相傳就係電影你的名字入面糸守湖嘅原型




打個卡先

跟住落返去山腳嘅上諏訪駅行
車站隔離有個市集仔賣農產品
有好多山菜野菜賣




車站嘅遊客中心又有得免費攞坑渠蓋卡
我又入去攞返張


繼續上公路 當然SA會停車休息
双葉SA


呢度係甲州 當然有武田信玄嘅風林火山旗
其疾如風，其徐如林，侵掠如火，不動如山


今時今日賣紫菜都有得同迪士尼collab


咁樣包裝嘅奶都幾過癮 買咗一袋嚟飲
好驚拮落去嗰下咇到週圍都係


SA都有油站 不過價錢就會比出面嗰啲貴好多
見到油站職員一個二個棟曬喺度
諗起食神嘅呢一幕

去食奥藤本店
尋晚嗰間国母店今日定休
去咗甲府駅前店食
擺低架車喺車站隔離停車場
呢啲時候就想將架車塞落自己法寶袋裏面


奥藤本店 甲府駅前店


呢間最出名係食雞雜
menu






我要個set
雞雜同當地出名嘅蕎麥麵都有得食
呢間嘢嘅雞雜用咗雞潤 雞心 雞腎
同埋提燈入面未生嘅嗰粒蛋
不過我麻麻地雞潤 但係又係雞潤佔多
當係我唔好彩
呢餐膽固醇爆標

導航帶我行國道139 而唔係中部橫斷道
嚟到富士宮嘅うるおいてい 本店
想試下佢哋嘅富士宮炒麵
不過好不幸地 臨休之鬼又眷顧我


跟住嚟到富士山本宮淺間大社


最主要嘅目標係食炒麵
富士宮やきそばアンテナショップV


menu


呢個位一車車遊客 炒麵炒到冇停手
我都要等15分鐘先有得食


富士宮炒麵嘅特色係會落啲豬油渣一齊炒
簡單地好味 呢啲就係B級美食


一場嚟到 入埋去拜神
富士山本宮淺間大社





其實一路揸車南下嘅時候 我係被啲雨雲追住
suppose呢度天氣好嘅時候係可以望到富士山

繼續上路 經過牧之原SA


入去吸個印先


講起牧之原 最出名嘅就梗係青春豬頭少年入面嘅牧之原翔子


離開公路 一路向住海邊揸
穿過好多片綠茶田
攪低車窗已經聞到好香嘅綠茶味

我有啲surprise
綠茶竟然係種喺民居附近嘅田地
而唔係靠近山邊嘅梯田
同我腦入面嘅印象好唔同

呢度其實係個綠茶工場
グリンピア牧之原


隔離有個賣場
嚟呢度淨係想食綠茶雪糕
ななやsud-ouest 牧之原店



ななや出名有唔同濃度嘅綠茶雪糕口味揀 呢樣唔需要我多講
menu


揀咗和紅茶同焙茶10號
次次都覺得最苦嘅10號苦
但係又會繼續揀10號
上面嘅和紅茶反而好平淡
係茶包沖到出嚟嘅味道
冇因為落咗奶做雪糕而污染咗


食完就行下賣場
唔同種類嘅紅茶綠茶都有
不過醫生叫我唔好飲咁多 忍忍手冇買到

正評 希望唔好爛尾

諏訪係一個幾舒服地方

有機會再去想租單車還湖一圈

上次落雪唔敢踩

放心 從來未爛過尾

見到隔離個工場有得參觀 入去行下


有啲展板講下點樣種綠茶葉同加工處理



跟住就睇下工場點樣加工茶葉



呢度應該好多旅行團嚟? 但係我嗰日一個都冇


睇到尾以為睇佢點樣入罐?


錯 係睇佢包裝綠茶朱古力



有啲機器嘅display



有個好細嘅天台仔 聲稱話見到富士山
一行出去 雖然乜嘢山都見唔到
工場冷氣機噴啲熱風出嚟
烘一烘附近嘅空氣 令到啲茶葉香氣再昇華咗

走人
沿東名西行
EXPASA浜名湖


對住浜名湖屙尿


行下鬆下腳


呢度啲人同廣島有咩十冤九仇


浜名湖 日本最長嘅鹹淡水湖


唔少得買濱松嘅名物 春華堂うなぎパイ
食落似蝴蝶酥 但係就落咗鰻魚汁 甜甜鹹鹹咁


浜名湖一帶最出名就係食鰻魚飯
要搵到一間高分而且可以walk-in嘅鰻魚飯唔係咁難
炭焼うなぎ 加茂


menu


睇住佢炭燒


うな重


食落有炭燒香味 邊位脆脆地
而且條鰻魚夠肥 有油香味
係白飯殺手

跟住嚟到弁天島海浜公園


諗住睇日落
唔好話我嚟錯咗季節 直頭係連太陽都見唔撚到


當順手聖地巡遊算數
一箭三鵰






後面有好多間酒店


個鳥居天黑會著燈


連公廁都有鰻魚公仔


去咗後面嘅弁天島駅影相




車站有條長期都唔開嘅樓梯
只有放煙花嘅時候先會開嚟疏導人群


吸印先


旁邊就係東海道新幹線嘅路軌


月台起咁長 有蓋嘅先係平時會用嘅部分

返去攞車 補多張完全靠燈光照明嘅鳥居


遠處嘅係國道1號線浜名大橋


濱松除咗出名食鰻魚飯之外 重有餃子
去喜慕里(Tabelog 3.67分)食多少少嘢
呢間都係百名店嚟㗎


menu


舊式嘅吧檯


佢哋餃子鍾意配生芽菜食咁過癮
我唔鍾意日式餃子啲餡打到爛曬 唔識欣賞


廁所好昭和風 但係又幾靚

弁天島鬼影都冇隻

唔揸車都去到
冬天/放煙花先有嘢睇