【pH值介乎於7飄浮的愛情故事】《一腳踏兩船》(8)

Send多幾張相俾LB之後，都係時候返課室。

都係唔多專心～總係一有機會就會偷偷同LB Message～

唔單止係上堂，就連食Lunch都係～不過就冇上堂咁簡單喇...

「唔該晒Jeff～」Crystal使走Jeff去買嘢食返嚟之後，就翹實我隻手咁一齊睇佢部電話，「你睇呢隻貓～得意死喇～」

『咁得意咪養返隻囉～』Crystal依舊做電燈膽...

「我夠想養啦...」Crystal無奈咁擰擰頭，「冇人照顧吖嘛...」

『咁咪得閒去啲貓貓Cafe玩貓囉～』分別係而家唔單止做我同Jeff嘅電燈膽...

「咁自己養同去玩又唔同㗎嘛！」Crystal一面苦惱...

『係～我明～』仲有做埋我同LB嘅電燈膽...

食Lunch反而冇乜機會同LB Send Message...好難搵到機會偷偷Send Message...

不過呢啲都係偷情刺激嘅一部分！

又要驚俾人發現...又要偷偷Send...

食完Lunch返到學校都係咁～

全日都係偷偷咁同LB Send Message～

直到放學...

「咁我走先喇～」Crystal向我同Jeff揮揮手，「聽日見喇～」

『嗯～聽日見～』我同Jeff都向Crystal揮揮手～

望住Crystal嘅背影越行越遠，我同Jeff都十指緊扣咁行～

『係吖～』我Fing Fing Jeff隻手，『幫我做功課～』

「又要幫你做？都唔係問題嘅...」Jeff點點頭，諗一諗，「不過咁樣學業會跟唔上㗎喎...」

『都冇辦法啦...呢排真係忙吖嘛...』我Fing Fing Jeff隻手，『一陣又要去Studio拍嘢幫個MV做宣傳...』

「仲要唔知拍到幾點添...」Jeff點點頭...

『係囉...勁夜先返到嚟...點做功課姐...書都溫唔切啦...』我再Fing Fing Jeff隻手，『最多放假搵你幫我補補課啦～』

「唯有係咁啦...」Jeff只好無奈咁點點頭...

有陣時係要有返啲承諾～

而承諾係唔係一定兌現到？

或者～或者有啲承諾都只係因為當刻需要許下...

重唔重要呢？

或者～或者對你嚟講係重要...或者講出口嗰個根本就唔重視...

隨口噏嘅承諾...彼彼皆是...

Jeff送到我嚟屋企樓下...

『咁我換完衫就過去㗎喇～』我Fing Fing Jeff對手，『今晚返嚟先打俾你啦～』

「嗯～唔使問你部電話又冇晒電啦～」Jeff就同我一齊Fing Fing手～

『嘻...俾你發現咗添～』我伸伸脷～

「頭先又唔問我拎個尿袋叉～」Jeff無奈咁笑一笑，「使唔使而家借俾你吖？」

『唔使啦～夠捱到返嚟打俾你嘅～』

「嗯～咁好啦～小心啲喇～」

『嗯～你都係～返去小心啲～今晚返嚟打俾你啦～』

「嗯嗯～Bye～」

『Bye～』

俾多個Goodbye Kiss Jeff之後，我就行入大堂。

Jeff都係痴痴咁喺出面望住我，目送我入𨋢...

返到上屋企，我都好快咁放好個袋！除件校服！

拎返尋晚一早揀好嘅靚衫出嚟換～

著到靚一靚～又喺全身鏡前照兩照～

再梳梳頭...

“很感激 喜歡我十年仍不休”

電話響！

拎部電話出嚟睇...係LB！

好快手咁滑動解鎖：『喂～』

「喂女朋友仔～搞掂未吖？」LB勁心急咁！

『差唔多喇男朋友仔～梳緊頭吖～』我再梳靚啲個頭，『咁心急㗎咩？』

「好心急吖～好心急吖～」LB更加心急咁！「心急到已經喺你樓下喇～」

『嘩咁快？』我再梳一梳...照照鏡...

「你都話快呢～就知我有幾心急想見我最愛嘅女朋友仔啦～」LB又勁甜咁～

『係喇係喇～』我拎埋個袋仔，『而家著埋鞋就落嚟喇～』

「快啲快啲～我個心急到就快要跳出嚟喇～」

『著緊喇～著緊喇～而家落嚟喇～』

「快啲快啲～要跳出嚟喇～跳出嚟喇～」

我搭𨋢落返樓，一推開大門就見到LB架跑車泊咗喺出面～

我打開車門一坐上車...

「你今日都著得好靚～」LB眼甘甘咁望住我～

『係吖呢？著得靚啲俾你睇吖嘛～』我都整返好條短裙先～啱啱又露咗條白色底褲邊出嚟～

LB就摸住我把秀髮...一啖就錫埋嚟！

好快咁伸晒脷...LB條脷都伸晒過嚟...圍住我條脷仔轉...

每次一俾LB條脷伸入嚟...我成個人都會立即軟晒咁...心都軟埋咁...

我就同LB喺架跑車裡面打陣茄輪先...

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

同LB攬攬錫錫...成個嘴都係口水...

『嗯...嗯...喂吖...』我推一推LB，『開車喇～』

「嗯嗯～」LB錫多啖我個嘴仔，「開車開車～」

Jeff望住佢哋打車輪

晚

jeff肯定已經估到個賤人啲蠱惑嘢
話說呢條賤人又幾有策略，為咗合理化電話冇電，特登唔問jeff借尿袋

只可以話而家感覺普及咗
以前都叫要偷偷摸摸，而家就喺街光明正大

第四杯喝到熱淚盈眶了

晚

個頭綠緊喎
偷食係要醒啲嘅

都係 喺街光明正大真係誇張
不過太空油之前未定為毒品 所以先會食得咁揚