【pH值介乎於7飄浮的愛情故事】《一腳踏兩船》(8)

上回講到一早又有joanne同Jeff手拖手咁行去搭巴士～
又啱啱走咗班車囉～
Joanne又呻喇～
今次係由Joanne帶路～
雖然Jeff都唔多放心㗎喇～
Joanne都真係兜晒路咁先去到目的地～
原來係去上次拍MV嗰間Cafe～
話過要同Jeff過嚟㗎嘛～
都仲係咁寧靜～係唔知遲啲MV出街，會唔會勁多人嚟打卡姐～
Jeff去買嘢食先～
望住Jeff嘅背影越行越遠...
再望望對面嘅空位...
上次Joanne就係坐呢個位...LB就坐對面...
同LB拍MV...
眼前總會出現LB嘅幻象...總係控制唔到自己...
過咗一陣...又過咗唔知幾耐...
「做咩呆晒咁嘅？」Jeff就買咗嘢食同咖啡返嚟～
『哦哦？』Joanne定一定神！『哦冇～太寧靜就好自然咁放空咗咋嘛～有嘢食～有嘢食～』
「咁啱喇～食啲嘢先開始做功課溫書～」
『嗯嗯～電話電話～影相先～影相先～喂呢個正吖！上次食過！識買喎！』
「係吖～我見應該啱你口味就買咗返嚟喇～仲有呢杯咖啡你嘅～」
『正吖喂～呢杯咖啡勁正㗎～嗯～同上次一樣味～』
「果然冇買錯～」
『你買嘅就一定啱啦～最清楚我口味嘅人～』
「最了解你嘅人添喇～」
『係喇係喇～你都試吓呢個啦～』
Joanne同Jeff就邊食邊回味～佢回味...
回味上次嘅味道～不過今次面前嘅唔係LB...而係Jeff...
跟住既劇情發展又會係點呢？



準備出文