【pH值介乎於7飄浮的愛情故事】《一腳踏兩船》(8)

「唔怪得我咁有安全感啦～我本身個樣就自帶防出軌～」Jeff仲要叻叻豬咁～

一聽到“出軌”...我個心就虛一虚...

『你都唔單止係個樣啦～全個人都係啦～』好彩都只係虛咗一虛...好快就回復返狀態...

「係喇係喇～」Jeff冇我咁好氣，只好默默承認，「食啲嘢先啦～」

『呢個都正喎～頭先就想叫你買～』

「我哋心有靈犀㗎嘛～」

『最好啦～』

心有靈犀...如果真係心有靈犀...你就唔會笑得咁開心...

同Jeff食啲嘢～又唞返陣先～

當然就唔少得影靚相～

暫時都係將啲相放上Jeff個IG度先～

而間咖啡店都仲係冇乜人～都係咁寧靜～

靜靜地真係好...難得可以靜靜地...

有陣時熱鬧過後唔係寂寞...反而感受到寧靜帶嚟嘅美好...

人吖嘛～人就係咁...

唔可以長時間處於同一個環境...氣氛...圈圈裡面...

總係想有啲改變...同而家一直過開嘅生活相反...

就算明知係地獄...你都會想衝落去...

人吖嘛～人就係咁...

『喂喂你試吓呢個～』我餵啖Jeff～

「嗯～好味喎～配埋呢個仲正～」Jeff又餵啖我～

『嗯嗯！真係喎！上次都冇試過添！』我哋互餵對方～

做返情侶會做嘅事～

『喂喂影返張相先吖～』又同Jeff嚟返幾張情侶合照～

好似之前咁恩愛～

但總係好似缺少咗少少...又多咗少少...

缺少咗啲乜？你問我又好...我自己問自己又好...問咗好多好多次...個答案都係...唔知...

只係知道多咗少少...就係內疚感...同想補償俾Jeff...

面對住Jeff...望住眼中只有我...因為我而總會甜甜咁笑到呆呆嘅Jeff...總係覺得我自己對佢唔住...但又不能自拔...

唯一可以做嘅就只有補償...

『呢件俾你食～』

對Jeff好啲...

「最後一件喇喎...你唔食？」

『你食啦～我餵你～』

喺有機會嘅時候...

「嗯～好甜啊～」

『甜吖呢～滿唔滿足吖？』

喺仲同緊Jeff一齊嘅時候...

「滿足吖～」

『滿足就好喇～』

同Jeff溫馨咁食啲嘢～然後又要開始溫書～

當然我就唔係專心㗎啦～

不過又唔係瞞住Jeff同LB Send Message喎！（LB仲做緊嘢，冇咁快得閒啦～）

『呢課會唔會出㗎？』我用隻腳掃掃Jeff小腿～

「會吖～Miss講咗話一定會出...」Jeff縮一縮...

『有咩有咩？』我就繼續用隻腳掃多幾掃～

「有吖...你真係冇聽書㗎喎喂！做咩掃我？」Jeff縮嚟縮去～

『嘻嘻～』我就繼續掃～不停咁用隻腳掃掃Jeff小腿～

「喂...喂喂唔好玩...喂！」Jeff一夾！就夾實咗我隻腳！

『喂！喂夾住人嘅！』我隻腳就俾Jeff夾到實一實！想縮都縮唔返！

「邊個叫你咁鍾意玩～」Jeff一邊夾住我隻腳，同時又用對手掃掃我小腿～

『喂～哈哈～痕吖痕喂啊～哈哈～』俾Jeff搞到我勁痕囉～

「都唔知你喺邊度學返嚟㗎！」Jeff仲未肯放開我～

『咩邊度...喂吖好痕哈哈～好痕喇～』都未試過俾Jeff搞到咁痕嘅...

「學埋晒啲衰嘢～」Jeff終於放返開我隻腳～

『你夠係咯～』我立即縮返埋對腳！『學埋晒啲衰嘢～掃到人哋鬼咁痕～』

「你唔掃我我咪唔掃囉～」Jeff半帶恥笑咁點點頭～

『唔掃唔掃～』我扮晒乖乖咁坐定定...但唔夠幾秒又用隻腳偷偷咁掃Jeff隻小腿！

「喂！」Jeff又想夾住我隻腳！

『嘻～』我立即一縮！避開咗～

「認真溫書啦～仲玩～」

『認真囉～認真囉～』

「嗯～喂！又嚟！」

『嘻～』

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

同Jeff一邊玩，一邊溫書～

要我認認真真，係有啲難～

不過有Jeff教我，總算入腦嘅～

跟lb學埋啲衰嘢
睇嚟啫夫好快發現

晚

已經學到衰晒喇
發唔發現到喺邊度學返嚟呢

揸𨋢晚