生左小朋友後既你，有冇後悔

你生咗2個？

我都尊重唔生ga人選擇

的確2條友兩袖清風，無牽無掛係好爽。

生小朋友有d似玩馬拉松，旁人都覺得on99,玩到膝頭勞損，成身傷哂，都唔知為乜。更甚為左參加比賽，book機票去異地跑，更加勞民傷財。但當中快樂係局中人先明

我好好奇
既然揀多次都會生，點解人地問你你就唔建議人地生？

同埋，習慣晒唔代表開心
似乎「會習慣」唔係一個揀生仔既理由

興趣係食好食嘅野，行山，露營，打機，踢波

但做得多都悶

目標就真係無乜，年薪過百萬生活試過，無乜特別，結果發現自己洗黎洗去最多一個月都係用兩萬幾，原來我都唔需要咁多錢

冇分別的
你老佐D後生一樣唔會理你
最多同你耐唔耐飲個茶
剩番個8成時間你都係要自己一個面對翻

我估將來可能會有AI+機械人倍伴老人家

我成日覺得係d人講風涼話咩都中意呻
明明就好開心
開心個d就唔講費是晒命

但馬拉松可以隨時唔玩
就算堅持都係有限時間
生仔唔可以隨時停，唔好彩既仲要堅持幾十年
我覺得兩者唔可以比較

睇而家個勢，過多十年d親戚朋友眾會
可能有一半以上係冇細路
到時唔知邊個先係異類

人生都好多享受嘅

第一次食雪糕

第一次睇日出

第一次同心愛嘅人扑野

第一次現場睇愛隊贏波

真係好多樂趣

下
唔生小朋友，職場拼搏
人工係生左小朋友嘅兩三倍

我就兩公婆住900呎
佢地一家四口住320呎

我就兩公婆鐘意幾時飛都得
佢地就要等放長假先可以一家四口去旅行，仲要坐廉航

我就兩公婆鐘意食乜買乜唔使慳住，出街$1000餐
佢地仔女學費活動使費支出大，乜都要慳

結果仔大女大，(本身無家底，資源少)但好多時都無乜成就 一陣仲要問你拎二百萬首期，結婚又要你貼30萬，生B又要你揍，仲要唔比家用 痛苦人生

今日牙牙學語緊係可愛
最慘佢會大個
佢會反叛
會駁你咀
會出去溝仔
你又要擔心佢行差踏錯

不過當然，若果你鐘意既，呢D痛苦都係一種享受來既

心態決定一切

最重要既係個過程 唔係結果

照顧小朋友每一日都好漫長 但每一年都過得太快

一方面你想小朋友快啲長大 自己照顧自己

另一方面又想佢永遠停係呢個階段陪自己

呢種矛盾真係好難形容

係虛偽既社會返工 放工到屋企 小朋友真誠地跑過黎要抱抱 對住你笑 要鍚鍚 要同你講佢成日做左啲乜 其實係好喎心 雖然有時好撚煩 但呢個階段過左就無 （而且會過得好快）

至於大過點對父母 都係睇你細過點對佢 身教佢係感受到

學壞與否 其實孟母三遷係真 因為環境會有極大影響

香港咁撚亂 我會話世界很大 眼界目光放遠啲

俾我再㨂 一定生

其實你用得堅持呢2個字，背後係隱藏住責任感呢3隻字。

責任感咪姐係愛囉

我愛我小朋友，自然堅持到落去

仲有，真係鐘意玩馬拉松，真係會一直跑落去

如果兩公婆都好有愛，原本自己都係孝順父母果種。咁佢地都會俾到一個有愛既家庭個細路。

加上要有閒錢（唔係俾佢第日買樓買車）係俾個細路有空間同冇包袱下過自己想過既人生，做自己想做既事。

咁我就覺得我會生。

但我應該俾唔到，所以我唔會㨂生，唔想害左一個靈魂

無後悔，一切都是值得的！

唔認同責任感係愛
我返工有責任感，會做晒老細俾我既野先收工
但我絕對唔會話我愛份工

你愛你小朋友，自然所有野都冇問題，我認同你
但馬拉松類比唔正確，係因為而家個目的係為要向樓主解釋，佢自己都唔知應唔應落場玩呢個遊戲，即使馬拉松同生仔一樣都係有愛就自然會堅持到，但兩者唔相同既地方係，萬一發現原來冇愛，馬拉松可以棄game，生仔唔得
所以我話個類比唔正確，但你再次指出只要有愛就堅持到，係解答唔到個問題

發現好多未生過仔嘅喺度反駁啲有生仔嘅人嘅感想
都唔知有咩好駁
你自己又未生過
樓主又係叫啲有生既人分享
都唔知駁嚟做乜
真係乜都駁一餐

你自己唔想生咪唔生
唔需要反駁呢件事
亦都唔需要人哋認同

其實真係有後悔
後悔冇生多幾個

當你看到小朋友笑得好開心果陣
你會發覺所有辛苦都係值得

有小朋友係開心

不過為咗家庭完整，為生而生
冇諗住花時間陪佢或者冇心教好佢嘅
大個咗只變樓主講嘅垃圾
佢唔會尊重你，你見到佢又眼冤
哩啲人唔該唔好生

只有生咗後悔
無聽過後悔無生

個女中一
暫時無後悔
可惜自已唔爭氣搵唔到錢
唔係會生多個陪佢

咁如果生一個呢？ 係咪情況就好好多？

咁傾計係咁
越辯越明

我唔認同盲反為駁而駁
但有來有往好正常