生左小朋友後既你，有冇後悔

話你口腔期就係咁解，繼續比多啲例子

無後悔過
但一般都唔建議朋友生

我覺得生小朋友唔係為咗要佢報答你，就算佢點唔理你都好
應該係為咗滿足自己想成家立室、想玩育成、想要多啲體驗、想同另一半合作做好一件事得嚟嘅成功感

我都尊重唔生ga人選擇

的確2條友兩袖清風，無牽無掛係好爽。

生小朋友有d似玩馬拉松，旁人都覺得on99,玩到膝頭勞損，成身傷哂，都唔知為乜。更甚為左參加比賽，book機票去異地跑，更加勞民傷財。但當中快樂係局中人先明

但馬拉松可以隨時唔玩
就算堅持都係有限時間
生仔唔可以隨時停，唔好彩既仲要堅持幾十年
我覺得兩者唔可以比較

點解個個未生都忍定好好好辛苦
其實生一個 請個工人 真係唔會辛苦wor
一樣可以享受生活 仲多左好多樂

呢po生咗既，10個有9個都話辛苦
好困身
最多都係話辛苦得值得咁解
好少話唔辛苦

新手照顧一個唔識行唔識走唔識食唔識字嘅人
係一定會辛苦架喎，除非係射後不理果類人

至於個人係咪開心享受就係主觀感受

可能人哋你眼望我眼嗰陣心入面諗緊「好彩冇生咋」

我屋企人又係由細到大都冇乜點陪我，雖然我而家都順利長大成人，但係父母好少喺童年陪伴自己嘅心靈缺失係冇辦法補番。

一路睇呢個po我回想番我讀緊小學嘅記憶，隔咗咁多年記憶依稀晒之後我嘅印象就只係得番爺爺嫲嫲、電視同零食仲有得我一個嘅屋企。唔係屋企人冇陪過我但真係少，如果童年可以量化我諗父母佔只有個位數嘅百分比。小學六年，每年嘅學校秋季旅行我都只可以跟住其他同學嘅媽咪去玩，因為我媽咪唔會放假/放唔到假，六年入面只有一次我死叫爛叫佢先特登請假同我去。

咁多年嚟我對阿媽嘅印象就係成日番工，我明白佢為咗養頭家好辛苦，一個女人賺錢養成個屋企廿幾年真係唔容易，雖然我理智上明白，但係情感上我好想有佢嘅陪伴。直到而家如果要佢喺工作同陪伴我之間做選擇，佢九成九時間都會揀工作。我自己都出嚟社會做嘢，我明白要工作有收入先可以生存，但係週末都只可以等到佢冇工開嘅日子先會陪我，我覺得自己永遠都係排喺工作後面。佢年紀都開始大，同佢相處嘅時間每日都倒數緊，同佢講佢淨係識話冇辦法、大人啲數你諗唔明…可能喺其他人嘅角度睇會覺得我好不孝，但係次次講親佢就發脾氣我都只可以希望佢臨終之前睇番人生走馬燈嘅時候唔會後悔

無計啦，家底窮

我有小學fd 屋企有錢少少

成日去旅行

我細個乜都無

反而想知點解2020後仲會生仔

我兩樣都有養 養咗狗再養小朋友
可以話你知兩種感覺完全唔同
而且狗你養十幾年就要睇住佢走
同小朋友養十幾年先開始叫成人
完全係兩樣嘢

無後悔 其實有錢就唔會怕生
好多問題都解決到 ，剩返既就係快樂

雖然我好錫個女，但畀我揀我真係唔想生

同意唔少人好享受無兒無女嘅生活。
自己搵錢自己洗, 又自由。
不過呢D生活唔係我杯茶; 俾我揀多次都係生2件。

生嗰陣都預咗要貴養，讀國際學校避開洗腦
點知依家國際學校都避唔到，屌
私人時間冇晒嗰啲唔使講
瞓都瞓得差咗
頭髮係咁甩

啲人問我點解仲生，我都唔知，好似真係入咗血，NPC咁，人嘅正常歷程係要生仔，唉

只能夠喺度圍爐，希望共勉之。

巴打請教下 點解IS都避唔到？

咁 FP 果D 點搞

都 ol99

笑死你眼望我眼
你唔好話未出嚟做嘢嗰啲情侶
冇車冇樓冇錢你眼望我眼
講到人生冇興趣咁

我唔打算生 但係我理解到你嘅感動
正皮ed

https://www.hk01.com/article/60222038?utm_source=01appshare&utm_medium=referral
呢個應該後悔緊

眼見同輩走果D

個個都係2孩3孩咁樣走

人生係你自己,你enjoy點樣過都可以。
我又冇逼你跟我一樣, 討論區又唔係一言堂, 不必有你冇我。

冇

一個小朋友，已經十幾歲，好似見返細個嘅自己，見到佢叻過我，就好有成就感

生左都唔一定要成日陪

我老母老豆都無乜理過我

咪又係咁大

我屋企人又係由細到大都冇乜點陪我，雖然我而家都順利長大成人，但係父母好少喺童年陪伴自己嘅心靈缺失係冇辦法補番。

一路睇呢個po我回想番我讀緊小學嘅記憶，隔咗咁多年記憶依稀晒之後我嘅印象就只係得番爺爺嫲嫲、電視同零食仲有得我一個嘅屋企。唔係屋企人冇陪過我但真係少，如果童年可以量化我諗父母佔只有個位數嘅百分比。小學六年，每年嘅學校秋季旅行我都只可以跟住其他同學嘅媽咪去玩，因為我媽咪唔會放假/放唔到假，六年入面只有一次我死叫爛叫佢先特登請假同我去。

咁多年嚟我對阿媽嘅印象就係成日番工，我明白佢為咗養頭家好辛苦，一個女人賺錢養成個屋企廿幾年真係唔容易，雖然我理智上明白，但係情感上我好想有佢嘅陪伴。直到而家如果要佢喺工作同陪伴我之間做選擇，佢九成九時間都會揀工作。我自己都出嚟社會做嘢，我明白要工作有收入先可以生存，但係週末都只可以等到佢冇工開嘅日子先會陪我，我覺得自己永遠都係排喺工作後面。佢年紀都開始大，同佢相處嘅時間每日都倒數緊，同佢講佢淨係識話冇辦法、大人啲數你諗唔明…可能喺其他人嘅角度睇會覺得我好不孝，但係次次講親佢就發脾氣我都只可以希望佢臨終之前睇番人生走馬燈嘅時候唔會後悔

少成點？

我雙職家庭
快腳放工返到屋企都6點半

食完晚餐跟下功課9點就要趕佢上床訓

我都驚比佢埋怨

我都做人老母，都有經歷過你講既野，但又無你講咁開心咁誇張，最多少少開心，可能係我無你咁有愛啦

錯在你後生媾女叻
如果你遲啲先識媾女，可能就想生都冇得生

認同，生仔就係喜怒哀樂都要比個仔牽掛住，又要長憂99又要擔心考試成績又要擔心學校同人social 點，會唔會比人蝦etc dklm 唔生自己人生自己話事，

呻完，今晚都係要繼續陪睇書

Exac7ly高汁理性comment
總括一句就係，覺得自己夠唔夠能力生？覺得大咗仔女會唔會怨自己要面對呢個世界？
人生長大，已經覺得呢個世界夠壞，如果唔係有能力令下一代唔面對呢種壞，咁點解仲要重蹈返自己覆轍？