生左小朋友後既你，有冇後悔

咪培養下一齊打機囉

生咗仔嗰啲比同齡個樣老咗十年 你話呢？

你心態好好，犀利
係我角度聽到剩係覺得煩

生左，幾開心，唔會覺得係為左小朋友付出，因為你都會喺互動間有樂趣

not gay

不能同意更多
覺得會考慮養兒可否防老嘅人真係唔好生

溝女本身已經會咁
做女人奴

又講得幾好

兩公婆使用，笑了
只係女人用男人炸

你估你啲基因真係好勁咩
驗過冇遺傳病嘅就得啦
做人不嬲都係講緊2分天才8分後天努力
斷估你自己都冇特登走去驗基因睇吓係咪你老母生你啦
啱血型揀返個啡眼精等等就唔穿煲

本身個人悶，無乜嗜好興趣，先要生件出黎令自己個生活「充實」啲，生左仔，湊仔就係佢哋之後十幾年唯一嘅興趣，放左工，你唔會有時間做其他嘢，所有野都係圍繞個仔

如果你母愛氾濫，個仔細個時可能得意兩三年，大少少開始要做功課你就知，再大啲去到中學，開始唔聽話，日日嘔血

我自己搵自己洗，係人生最黃金個十幾廿年玩盡佢，weekend 想做乜就做乜，唔養細路儲嘅錢夠我早十年退休

有仔女都唔代表佢會點，佢有佢忙，有自己嘅家庭、生活，一年見唔到十次，仲少過見啲friend

咁你基因唔夠優質，出去俾啲肌肉完美嘅人一拳一個又好過癮咩？

成班毒撚喺度抹黑生仔 勁痴線

咁係因為你鐘意訓覺多過陪佢
講真，佢煩得你幾多年。有啲時間過左就係過左，
依家佢想你陪佢，係因為佢個世界只有你。
到佢上中學，你想捉都捉唔住。

認同

一至五已經訓得少
星期日想訓一陣

有錢生仔咪開心囉 冇錢/窮人生仔咪後悔囉

好同意有仔趁嫩生
就算唔計捱夜奶既日子
當你個仔唔知咩事成日扭計唔訓，肚痛又好、訓唔著又好、發燒又好，
你抱住佢成晚甚至通宵，得閒又要起身行吓，
第二日仲要番工，就會發現自己已老
後生果陣通宵完無咩野，當大個之後發現自己已經頂唔順通宵

如果你純粹咁理性諗回報嘅話, 真係千祈唔好生. 要既負責係無限大, 真要消耗近乎所有金錢時間精神, 燃燒生命.
如果你要嘅回報係佢老咗會陪你養你送你終, 真係唔好諗, 風險無限大. 太多不確定性. 你留番d $ 請個私家看護, 俾$養過“契女”,“契仔”. 簡單容易好多.

呢個係期望值既問題, 有d家長有小朋友健健康康成長, 叫聲爸爸媽媽就好開心. 咁小朋友做超過你既期望, 咁你咪開心, 咪覺得所有付出值得, 應該生.

如果你真係期望佢變成人中之龍, 專業人士, 發達仲要孝順, 養你陪你終老, 你真係唔好生, 機率唔高, 就算你附出極巨大心力財力去栽培, 都有好大uncertainty, 無guarantee.
d 富豪有極多資源, 俾極多心力時間財力都未必做到, 何況我哋無咁多$咁多時間呢.
最後小朋友達唔到你expectations, 咁你咪後悔唔開心, 老左覺得浪費人生.

所以而家雪卵仲要留番40歲先生，現今科技生就生到，然而安全
問題係生完之後仲有無精神力氣捱更抵夜

見你紅字名，估你係絲
你回應嗰個係巴
男同女角度真係會唔同，男性未有仔女前，係唔會想像到幾痛苦。只會覺得人生無聊，叫個老婆生個仔嚟，等佢嘅人生多啲趣味。
但女性唔同，女性從小就明白生育嘅代價。事業受限，變肥變醜。雖然女人嘅人生無聊，但未生仔前都已經深深明白生育嘅痛苦。
面對無聊嘅生命，男人生仔係加糖。女人係加糖，同時加廿四味。

當然，生完之後，男人負責照顧嘅時候先會感受到一部分痛苦

我個女四歲幾，就5 歲
俾我再揀都係會生，我同老婆都係覺得，好彩有生，有阿女係我地既幸運

不過開始為考小煩，香港生仔難既地方，你地冇講，其中一樣係個教育制度

照顧佢，係辛苦定享受，睇你自己咩心態
上網睇過幾句野，可能係大陸野，但好岩好中

0-3歲，你是他的全部
4-12歲，你是他的晚上
13-18歲，你是他的週末
19-23歲，你是他的寒假跟暑假
24歲之後，你僅僅是他的節日

好好珍惜，我會掛住我個女細果時，雖然一樣鍾意而家既佢