八萬五過唔到係咪香港人錯

講漏咗，而家西九、荃灣堆屏風樓，都係85000無規劃之下嘅產物。
亂咁賣地純粹為咗谷個供應單位數字

其實都係規劃問題 做地同賣地兩回事

85000有搞過㗎

無記錯老董講完後嗰兩年一口氣賣咗好多地，包括西九、荃灣、將軍澳（有錯請指正），到99年左右因為金融風暴，個樓價一直插，政府先縮唔賣咁多地。
樓價係97開始冧，到2000年嗰陣有彈過下，之後第一批85000嘅樓慢慢推出嚟再隊低個市。

由高位跌咗7成幾之後又為咗穩定樓價，反手出孫九招，停賣地停屋屋，亦種落咗樓價起飛嘅後果。

話老董有心幫香港班連登仔，不如解釋下點解當年咁有遠見又反手頂個市？

利申：80後老野

依家北都潛在大把供應

樓市屎得未

講政治體制
董一上位就廢市政局

搞清楚係香港人錯鳩晒，定港共政府錯鳩晒先啦

推85000，有執行過，陣痛都食咗（樓價無咗7成），但拎返啲乜？老董可能好有理想，想將香港搞到星加坡咁，但執行方面呢？

96-97樓價爆咗上去，無stress test，個個買樓都係駁，人工搵緊5萬，買樓月供4萬嘅大有人在，利息高，又無按保。加上經濟開始轉差，喺呢一個時間踩瓜個樓市推倒重來實好人人冚家鏟㗎，死嘅唔止炒家，仲有成車成車嘅中產。

好喇，夾硬推加上金融風暴，樓價跌2-3成，政府縮沙無聲無息下減少賣地，樓價有反彈過一下，到85000第一批樓推出市場嗰陣再冧多一半。96-97炒樓班人抵死丫嘛。
咁98-99嗰班呢？個樓價跌咗20%，啲發展商深水炸彈價賣樓。記唔記得盈翠？當年盈翠新樓平過海怡2手，長實李嘉誠俾人笑佢賣太平，結果01-02嗰個跌浪，盈翠浩灝跳咗幾多個？

嗰下個陣痛，食緊㗎喇，但港共政府又反手去救市
繼續行落去，可能當年會更多負資產，但呢啲唔係預算咗㗎咩？行咗咁多年高地價，要去改，就一定會痛，個政府無預計過？仲有，負資產影響嘅唔止炒家，正常買樓用家，仲隊瓜埋銀行。當年負資產成10萬幾宗，銀行壞脹有幾多？
銀行業績差炒人，地產、金融，香港2枝大柱一次過扑爛

香港人錯喺邊？
個政府無能，香港人有無得揀？
個政府短視，無預過推85000會隊瓜樓市、金融，香港人有無選擇？
個政府執行力0，做嘢虎頭蛇尾，香港人有無得say no？
孫九招減賣地托樓價，香港人有份獻計㗎？


你可以話，當年市場個氣氛搞到港共政府跪，喂呀哥，當年拆啟徳起赤鱲角機場嗰陣，個市場氣氛都係屌港英政府㗎。結果？如果而家得啟徳，點夠位俾你飛日本？

做政府要有遠見，要有執行力，要識為未來打算。人係短視㗎，所以好嘅政府有時係要逆難而上。港共政府？sorry，頭痛醫下頭，腳痛都係醫頭，醫唔掂就一定係外國勢力、港英政府留低嘅炸彈。

啱