失戀/感情/壓力問題加油援助區87

我明你 我都係同另一半同居左3年幾， 變左roommate 咁 不過好你少少會一齊拍下拖 但搞就極少 真係計可能真係一年四次 或者少過四次 仲衰過一季一次。 每次問都係拒絕/攰。

開口埋口都係攰 聽到個人好燥， 香港地有邊個唔攰 再唔係就病 三日唔埋就病 一病就幾個星期。之後就黎M， 對上一次做係幾時應該都係上年12月定岩岩一月。

同d 朋友傾，俾人笑番轉頭佢地一星期多過我成年， 我成日都諗，大佬我都話哂係精壯之年依家唔搞等你退埋休先搞？

唔係話拍拖就一定要搞 但大佬依家係無限接近零次。

我係到諗緊係咪要就咁就一世？ 真係好唔開心， 點解會咁？ 個個都叫我分手， 性冷感係冇得改。

肯定佢無出軌， 因為大家既生活幾乎除左番工都會見到大家。每個人都叫我分， 甚至介紹埋其他女仔俾我識， 都拒絕左， 因為我唔舍得佢 唔想分開。

但性生活呢樣野不平衡真係係主要最大問題。 想分手呢個諗法每日都係到倍增 而對佢既愛 同時都慢慢熄滅。因為真係俾人拒絕到好灰， 灰到一個位我已經唔想再問 唔想有身體接觸， 連手多都廢事 每次俾人拒絕既感受好難頂。

月儲3萬

：好大壓力呀 將來好無希望

好慘
耐咗又有感情

你早啲儲/降低退休後生活要求/回報多啲咪唔駛咁多
當然仲有筆 MPF， 但一定係唔夠

慘又唔算慘 相比起上面咁多個。

不過真係唔開心到一個點 好多時都訓唔到 到飲少少先訓到。 琴晚係到諗到底佢對上一次錫我係幾時 諗唔到。

問我係咪唔愛佢，又唔係，但係再大既火都慢慢熄緊。

我拍拖4年 最近都分咗手了 原因都係冇性生活. 之前分過一兩次手都係同一個問題 復合後係有進步但都只係好輕微嘅進步… 去到最近幾個月我真係熄火都攬攬錫錫都唔想再有了

咁多女性冷感

都真係幾多， 近排同幾個 frd 傾， 佢地幾個既老婆都係咁 生完之後唔俾掂， 講緊係長期，搞到佢地出去自己搞掂， 有個仲俾人發現依家搞到要搞離婚。

係仆街嫁啦， 但大家個有個共識就係個源頭係唔俾掂。 唔係話一齊就係剩係扑野 個問題係有定冇。 唔係多與少。

結咗婚同未結婚嘅情況有d唔同
巴打你個case同居(冇結婚 我估你地冇小朋友)而冇性生活 係心理因素居多 男人投訴係有道理

但其他人嘅case 結咗婚生完仔後唔俾掂 女人情有可原
香港地話就話男女平等 其實婚後家務/湊仔9成9係女人做 收咗工仲要返第二份工(煮飯洗衫睇小朋友功課) 攰到隻狗咁仲想佢點
我聽過有男人話自己有幫手做家務 問佢幫過咩手 佢話我有幫手倒垃圾！！！
如果係呢種男人 婚後做和尚真係冇資格埋怨

佢地個情況（佢地係生左小朋友）我明白佢地老婆既。

不過其中有兩個就唔明, 因為兩個男方都係搵得比較多（老闆黎） 兩個老婆都唔洗番工， 全職主婦 都係唔俾掂怨得最勁就係呢兩個

如果係冇生小朋友都搞成咁
一係就性冷感 一係就心理因素(唔再愛條仔) 一係就條仔技巧好差

呢啲冇得搞 結婚之前一定冇人會預計婚後0性生活 如果預計到應該會揀唔結婚+放生

老套d講 心病還需心藥醫
如果條女下下撻句"好攰"冇心+唔願意溝通 永遠解決唔到問題 得離婚嗰條路

好多人覺得扑野唔扑野好小事 但其實身體接觸嘅親密度係好影響一段關係嘅各方面亦可能係一個人表達/接收愛嘅方法

自己問完自己答 你話搞唔搞笑
算啦 收隊啦
個女朋友唔比你掂=唔冧你

分啦