失戀/感情/壓力問題加油援助區87

留名

覺得同原本班朋友好唔啱傾都唔太啱玩，都生疏咗，想淡出，但佢哋好似又好想同我玩，但我去好似都係做邊緣人，唔明點解叫我去。覺得自己好似有啲衰

日日都有啲野唔係太開心
冇乜朋友可以講 又唔想日日都同男朋友講
好似變咗情緒包袱咁

上嚟講 我有朋友但唔想同佢哋（最得閒嗰班）講，其他人哋都好忙廢事講呢嚟無謂嘢

見到出面post話10年想分手，我自己6年，都有少少依個諗法。
尤其最近同居咗，以為會甜蜜蜜，點知換黎係佢戴住耳機成日係屋企。
瞓覺、煮飯、想落街買餸，都唔會同我講聲就自己去馬。
夜晚食飯飲汽水，倒俾自己但無倒俾我，無問我。
有時佢煮飯，煮好唔會同我講，有時我見佢坐埋枱準備食先知。
連普通一齊睇下youtube，一齊做嘅活動，係0。
懷疑同咗舊石頭同居，養隻倉鼠仲多互動啲，想像唔到對一世。

我以前都同你差唔多case，所以得閑先去，慢慢又啱傾返，但如果真係覺得唔想去就減少去嘅次數，慢慢淡出咁咪無咁衰

一直同屋企人關係都麻麻地
有同男朋友講過想一齊搬出去住
但最近我地都諗緊轉工，知道佢都冇壓力 唔想成日都提起搬啲野
我自己本身人工都ok, 但返工時間太長，朝9晚9，放假都要覆公司野
好大壓力 又唔想日日同男朋友放負

有冇同佢傾下 預埋我好喎

加油 工作你都轉工 建議搵份輕鬆啲 小啲壓力 搞掂好自己情緒 人都寬容啲 其他野再慢慢搞一齊計劃 錢銀野睇開啲

男朋友本身唔係好覆message, 冇見面既日子 會好似飛鴿傳書咁
有同佢講過 呢個問題，亦有改善左啲 不過過幾日又打回原形

咁冇乜癮 對方唔太維繫咁款

但佢真係咁。。我同佢出街，去旅行佢都有少睇電話
唔係重要Message可以幾日都唔覆

性格係咁 一係釋懷接受 一係引導佢改
最多唔適合姐冇話對錯

佢可以狠心將你同 BB 丟下嘅都唔會係好丈夫和好爸爸
生BB 之前玩交友 app 可能是鳩痕又冇得扑嘢吧
咁嘅人就算嘅啦
返佢身邊都唔係達至你原本心目中嘅婚姻身活

我知道呀，但好難做到。
而家佢會上黎我屋企湊下阿B，因為我一個人湊夜晚好辛苦，有佢頂下會好d。
然後見到佢，又會喚醒返愛佢既感覺。
我知佢好仆街，理智叫我離開佢，但感性又唔容許我離開佢。
即使佢咁仆街，有佢係身邊我感覺個心同個人都定d。
知易行難，尤其你同佢之間仲有個小朋友。

咁點解會話同居？

不過你覺得咁樣呃自己可以呃幾耐？
以前無小朋友 你可以有時間心機同佢周旋
但而家你有小朋友
到佢覺得自己仲未玩夠都係想離開果陣
你都無空間崩潰同難過
明白你感情上係好難抽身
不過如果你都唔清醒吓
你小朋友會仲無辜

我今日望住個窗諗：如果呢度跳落去會點？
之後諗返起個小朋友，我就知我唔可以咁做。

因為成日都會見到佢，而佢又會扮到好錫我咁，大家都希望我同佢可以係返埋一齊。
但我今日發現佢已經帶左條新女返屋企過夜。
我生理上有d反胃，條女係女同事，仲要無鏠銜接，個時我仲大緊肚。

我不斷說服自己放過佢放過自己要move on，但我做唔到。
好似戒緊毒咁，突然有d日子會好想不顧一切返去佢身邊，唔理佢有冇新女。

救命 好toxic
雖然我明係逼唔到
道理你全部都明
但真係為咗你同小朋友未來健康著想
你要不停洗自己腦

雖然難 但你真係要加油