失戀/感情/壓力問題加油援助區87

同男朋友一齊咗就快四年，分咗手覺得好空虛，本身仲plan緊好多野想一齊做，突然好似咩都冇晒咁，佢同我講分手嗰下我先識後悔點解以前冇好好珍惜。

其實一開始我覺得佢對我好差，第一次拍拖唔識野，遇到再唔合理嘅事都係忍。而佢因為屋企同返工問題已經好辛苦，覺得我咩都包容到，同我相處好舒服。

後來我同佢一齊覺得好攰好辛苦，開始一有事就鬧佢，可能佢好愛我，亦可能佢都覺得自己真係唔太好？之後佢好多野都就我，但耐咗我哋大家都好攰。

前幾日佢話自己壓力好大，發咗6個夢全部都係比我鬧緊，佢同我講可能只係想我好似一開始咁安慰佢，當佢小朋友咁照顧，但我都係冇特別理佢，我好驚太就佢佢會變返一開始咁，好似平時咁食完餐飯就算。

嗰晚佢食飯飲咗啲酒變得好hyper，瘋瘋癲癲咁，我好唔鐘意佢飲完酒個樣，每次見到我都覺得好焦慮同不安，叫佢唔好發酒瘋，叫佢以後唔好飲，但明明佢講過佢好唔鐘意我話佢發酒瘋。之後佢先同我講，佢一直都好辛苦，飲完酒先做到真正嘅自己，而我接受唔到真正嘅佢。

前晚佢搭車i 咗個頭落我膊頭，我覺得唔舒服所以縮開咗，調整過姿勢想佢再i過落嚟但佢已經冇咩反應。平時我多數接佢收工，之前金鐘站就會分開各自返屋企。佢突然送到我返屋企，我覺得好奇怪，但我仲未知咩事。

去到我屋企樓下，佢同我講佢每日都諗住我以前鬧佢嘅說話，我嗰下先realise到以前自己講嘅野有幾hurt。佢一直都唔出聲，我以為佢當耳邊風根本冇聽入耳，但原來佢所有野都好上心只係唔想將情緒發洩落我度所以一直冇出聲。

嗰下我真係好後悔，明明佢已經為咗我改變咗好多，但我從來都冇感恩，只會覺得佢做得唔夠好。明明我都算唔上係一個好嘅女朋友。

我知佢仲愛我，而我都好愛佢，好想搵方法挽回返