普通人成為唔到有錢人嘅真相

現實大把呢啲蠢鈍兒以為真係靠自己本事生存睇平時連登啲post就知 成日笑啲有家累嘅公屋仔 自己無料做唔到醫生律師怨乜 老豆爛賭無錢供你讀書又點

天龍人都醒撚過香港豬
識躺平

咁我覺得樓主講嘅都唔係錯嘅
不過唔係佢講到係隱藏真相咁囉
個遊戲規則不嬲白紙黑字寫晒出嚟
覺得自己懷才不遇嘅人咁都睇唔透
就証明佢哋根本無自己睇得自己咁高

唔好話啲遙不可及嘅有錢佬
啲人中龍有冇跑贏晒隔離左右同學朋友先？
無嘅就唔好諗咁多咩發大達啦
你只係個普通人 普通人就係一世人勞勞碌碌架啦

傻啦，係根本連賤既機會都冇

戇鳩post
有錢人天生就係有錢人？ 咁有錢人個老豆呢
有錢人個老豆個老豆呢

屌 同我個mindset一樣
D窮人一路係咁呻呢樣呻果樣
又話咩個天唔公平
其實就好公平
總有一代係好努力投資自己
之後可以後幾代都乘涼

咁你講緊個人嘅理解能力係低過人嘅人成為唔到有錢人喎 係咪好正常

係有好多人天生多資源去上流
唔代表窮人上流唔到
DSE放榜耐唔耐都有幾個草根無補習乜乜柒柒嘅狀元榜眼探花

唔係講緊有定冇 係有幾多
事實就係每次有窮人揾到機會向上流 當權者就會出手管制
有錢人個祖先都唔係有錢人嗰陣個社會仲係百廢待興丫嘛
隨住社會發展變得穩定 所有資源集中晒喺少數有財有勢嘅人手上 向上流嘅機會係隨住年代愈嚟愈少
今時今日連學位都通漲 你讀到書但唔係神科畢業 隨時都只係夠資格做一個人工多少少嘅窮人
而家盤大富翁玩到終局 你仲喺到以為可以擲粒骰就買到地

事實就係每次有窮人揾到機會向上流 當權者就會出手管制

可唔可以講一個例子黎聽下

百廢待興點解人地祖先跑出先
可能你祖先係嗰陣都係同你宜家一樣咁諗

Ok，咁我每日24小時係咁諗錢又點？一定會變成有錢人？變成有錢人，每日勞役窮人就一生每分每秒滿足快樂？


仲有咩叫有錢人？我對比鐘培生，我係窮撚。鐘培生對比elon musk，鐘培生先係窮撚。


條命係你嘅，已經夠窮啦，用咩態度詮釋自己條命仲要被有錢人定義，會唔會可悲左少少

我認為矛盾位在於: 精神生活與物質生活係咪掛鈎
你認為一個人只要夠聰明，精神生活可以脫離物質存在。
但，近來嘅例子: 李居明鍾意粵劇, 夠精神喇掛? 但佢因為無錢, 於是丟失咗新光戲院。由此可見，物質生活會限制精神生活水平嘅高低。現實到底是殘酷。除非你去到無欲無求嘅境界，山中打坐十年如一日，咁樣要求自己，幾近不切實際。

「物質生活會限制精神生活水平嘅高低」，部分認同吖，太窮的確會令人好唔開心

但全人類嘅財富接近無限，咁要幾有錢先至唔會令「物質生活會限制精神生活水平嘅高低」？一層樓？一千萬？一億？十億？一百億？

最後講到尾咪又係心態，由自己定義，睇你幾知足

個個年代都難架啦
分別而已
朋友老豆話佢後生跟個老死做走私
佢驚無做落去之嘛
佢老死發左啦

太遲啦，已經可以用ai取代

笑撚死講咁多野原來9up
講唔到一個例子出黎

阿媽睇Bob叔啲片都問我覺得Bob叔咁嘅形式生活好唔好。坦白講我覺得我過得「真實」一啲喎。

一個人嘅生活質素有冇錢可能影響很大，但一個人自己嘅質素金錢嘅影響係好細。

分析咁多 其實一句講晒 資本主義已經過時
依家社會問題主要都係資源分配失衡，但係香港人永遠都唔會想改變制度 只係想做人上人

1，其實從古到今世界各地都係咁，不過要白手興家一代人就成功發達就真係好小好小，如果分成幾代人去諗其實都唔難
即係老爺留左間自住樓畀你老竇，結果你老竇唔駛可以買樓自住 直接買樓收租 一變二，兩間變三間。然後到你呢一代賣左一間舊樓，攞500萬出嚟創業。
**重點**如果上二代有累積財富俾自己，easy mode

2，內幕消息就不敢苟同，內幕消息可能本身就係一個騙局
除非係真正用權力尋租做白手套，可能某某官員預先知道要發展某個地方，叫你去某個地方收地，發展完之後再分返錢俾某某官員。

3，冇資產槓桿都開唔到 近呢20年都有好多發達機會
Bitcoin Tesla 英偉達 資產累積係一個過程 唔好成日諗住一朝暴富，一代人就發達嘅根本唔多 三四代人堅持保守投資到今日嘅成果一定好好

4，思維馴化真正意思係風險同穩定，如果你月入75K 會唔會辭職創業？敢唔敢跳出自己嘅安全圈。如果你屋企有廢老等你養，廢老一定唔支援支持你創業。

5，8小時工作已經好理想 香港有幾多工作8小時工作制
時間同注意力壓榨 我只可以講
戒YouTube 戒小紅書 戒Facebook 戒IG
呢啲奶嘴娛樂係真係非常上癮
認真地讀或者睇有意義嘅書或戲 又或者做下運動 出街散下步
又或者花啲時間認真回覆學術台嘅留言

6，上面講左 唔再講

7，同第4點一樣，再講多啲
你鐘意每個月十分穩定嘅收入，
定係做agent 跑單但多勞唔一定多得
其實唔關教育事，係人天性厭惡不確定性 重視穩定嘅報酬