居屋啟欣苑預製廚廁無通知 禁改間隔 業主臨收樓撻訂蝕10多萬

會員271829

831 回覆
201 Like 45 Dislike
會員271829 2025-02-06 09:29:36
房委會「居屋2022」各屋苑去年起陸續入伙,不過近日最新入伙、位於啟德的啟欣苑出現爭議。有啟欣苑業主在網上反映,原先打算裝修改廚廁間隔,增加實用性,但收樓後才獲通知,單位的廚廁均為「預製組件」(MIC),其間隔不能改動,裝修頓時大失預算。
有綠表準業主到即將收鎖匙上樓前一刻,才發現自己購入不能改動間隔的「積木屋」,忍痛「撻訂」,損失10多萬元,打算向房署追回訂金。《香港01》已就事件向房署查詢,正等候回覆。



準業主得知是「立體預製浴室及廚房」單位晴天霹靂
「居屋2022」位於啟德的啟欣苑,共提供1,840個單位,樓盤因具備「屯馬線」及34名校網優勢,在當年開賣首日,較該期樓王北角驥華苑更為搶手。不過,正當一眾業主以為買到心水地段,滿心歡喜地收樓之際,才驚覺「中伏」。
綠表買家陳小姐以大約210萬元,購入了啟欣苑的一個286平方呎的大開放式單位,早早已規劃好如何裝修單位,一早已找好裝修公司。她農曆新年前收到入伙通知,便火速簽下臨時買賣合約,又訂好本周五(7日)正式成交。不過到年初二(30日),她在友人提醒下,在網上得知自己買了混凝土「立體預製浴室及廚房」單位,頓時晴天霹靂。


近日最新入伙、位於啟德的啟欣苑,出現爭議。


啟欣苑採用混凝土「立體預製浴室及廚房」單位建造。(房委會圖片)

房署售樓書無提廚廁為「立體預製」 要求業主簽聲明不會改動間隔
原來,啟欣苑的廚廁為「立體預製」,但房署在售樓說明書中未有說明,到近日業主準備入伙,才在裝修指引通知業主,又要求他們簽署聲明書,承諾不會改動間隔。網上更流傳,有業主到拆廚廁牆時,才發現牆心有鋼筋,驚動管理處後,方知廚廁不能更改,又被要求還原牆身。
據建造業議會資枓,預製組件與「組裝合成」建築法是類似的興建模式,分別在於後者全個單位都是預先在廠房製造,而前者只佔樓宇的一小部份,預製組件以外的結構部份,需使用傳統建築方法,常見的預製組件包括預製浴室、預製樓板、預製板間牆等。


啟欣苑單位模型。(房委會圖片)

單位設計間格不實用 啟欣苑無改動補救之路
翻看售樓說明書,啟欣苑各單位面積介乎186至448平方呎,部分較細呎數單位的浴室,只得大約20呎,加上門、企缸、洗手盤、馬桶分佔四角,在內轉身亦有困難;亦有梗廚設於客廳旁邊,廚房門一出便是客廳中央,令單位實用性大減。
其實,這些間隔在近年居屋經常出現,各裝修公司早早已有對策,包括改動浴室、廚房門的位置、重新佈局浴室等,早已司空見慣,過去亦不成問題。不過,在啟欣苑「夢想之家」全部化為泡影。


啟欣苑裝修指引列明,不可改動廚廁間隔。(網上圖片)

準業主:買居屋都係想搵返自己鍾意風格裝啫
陳小姐表示,她原本打算更改梗廚的間隔,惟房署職員按裝修指引為「防火結構混凝土牆」,不能拆去。她不能接受,「我買層居屋,都係想搵返自己嘅鍾意嘅風格裝啫,如果唔係我住公屋就唔會搞咁多嘢啦。」她不滿付出真金白銀「上車」,卻不能自行改裝心儀格局。
陳小姐說,她付出210萬元購買該單位,若計及補地價五成,即單位原價約400多萬元,竟然買到一間「積木屋」,擔心單位會像採用「組裝合成」建築法的過渡性房屋「啟德.東寓」一樣出現滲水。她表示,當初購選擇啟欣苑,主要看中地點,但如果早知單位是預製組件,一定會選擇其他屋苑。

「撻訂」後兩年內不准再申請居屋
最終,陳小姐忍痛「撻訂」,她形容自己是「被撻訂」,「唔係我唔想要啊,而係你搞成咁,我點要得落手。」她透露除了樓價5%訂金外,同時要支付買賣雙方律師費、按揭手續費等,共損失10多萬元。她昨日(5日)已與房署主任會面,要求房署退回訂金,以及解決因為「撻訂」,而未能在兩年內申請居屋的「禁賽期」。
房署在啟悦苑售樓說明書中列明,單位採用了混凝土「立體預製浴室及廚房」建築法。
另外,在網上有啟欣苑業主亦發現,署方在遲一年推售的啟悦苑的售樓說明書中列明,「所有啟悅苑單位採用了混凝土「立體預製浴室及廚房」建築法。啟悅苑之單位的業主不得干擾、改動、變更或拆除任何結構性的構件 」,不滿署方披露資訊的標準不一。
TomJerryCarl 2025-02-06 09:34:08
本身舊款居屋都唔預你郁房委畫蛇添足
找不到此會員 2025-02-06 09:35:30
舊嗰啲間隔牆郁咗唔會冧,mic好似會影響結構
出冊廢淡·曾國熙 2025-02-06 09:36:29
她昨日(5日)已與房署主任會面,要求房署退回訂金,以及解決因為「撻訂」,而未能在兩年內申請居屋的「禁賽期」。


幾撚鳩wo 又話mic唔買 但又想取消禁賽期再買居屋
呢班公屋臭閪咁撚麻煩 10幾萬話撻就撻 查下佢有冇大陸物業先好wo
乾地 2025-02-06 09:39:43
其實話比你知班友係咁設計

咪一樣無人會睇

到時一樣有人會話:下。唔郁得架
連登USB 2025-02-06 09:40:49
應該主要見跌市先撻定
不過樓書無寫明又係on9 比位人入
新嗰批樓書寫明晒唔比改
16749 2025-02-06 09:44:22
無睇清楚就買? 信你先有鬼
負評即係駁唔到 2025-02-06 09:47:11
就咁睇平面圖都叫四四正正 唔算太差丫
無錢唔好搞咁多嘢啦
風咩格丫,麻煩港嬸
七俠蕩寇志 2025-02-06 09:47:36
vpb vpk 有左好耐啦, 又唔係全mic
車干八厶 2025-02-06 09:47:36
遲吓啲居屋係咪全部都會係預製組裝???
左膠死全家 2025-02-06 09:50:26
mic 入水入撚到你死
Hallucination 2025-02-06 09:53:23
超蛇管治盛世
くじ 2025-02-06 09:54:27
MIC最戇㞗係比個運輸限制你個設計。
深深琛 2025-02-06 09:54:51
應該都係呢個原因,我識人又係買啟德居屋,個價可以買到私樓啦
豬朋好友 2025-02-06 09:56:11
都係2000年代既居屋最好
奴隸漢堡 2025-02-06 09:59:32
睇真少少,沖涼位同個冷氣機槽差唔多大
早排有連登仔po左實物影片出黎睇到眼都凸埋
尤其係個廚房放唔到雪櫃
個模型同實物有出入
右膠男權 2025-02-06 10:00:04
售樓書冇寫
Tunisia 2025-02-06 10:00:26
改間隔係要入則屋宇署, 關本樓書咩事
MANDC 2025-02-06 10:00:36
居屋好撚on9 嫁 大門直對廁所門,個廁所門又攪到好難做鏡櫃,9成d 人都會將道門改過隔離
同埋廚房門出面個吉位又係on 撚9 嫁
聖戰士登霸 2025-02-06 10:01:00
186 都有人住
Tunisia 2025-02-06 10:01:35
大部份都係2-3球, 點買私樓
Moona 2025-02-06 10:04:00
我就唔信間隔問題先撻訂
病倒也沒遲到 2025-02-06 10:04:54
冇通知 你邊撚個呀
按摩處女職員 2025-02-06 10:06:17
就算買私樓,都有啲間隔係唔可以郁啦
十二皇方牌 2025-02-06 10:08:42
落石屎都會漏水架戇鳩
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞