「月經」移英車主討論區13

日本車係英國係貴, 日本車越高馬力, 車價越貴. 都無乜計.

所以貴車或高馬力嘅, 係英國揀BBA 其實相對地叫抵... 由期2手3年車到個啲, 我覺得係抵買.

同埋英國政府真係好撚缺錢, 佢捉speeding 係癡撚線咁盡責. 我自己都咩住一張speeding, 需則話可以take 堂唔洗扣分, 不過3年內無得再犯. 係咁嘅大環景下, 我情願將d 錢黎擺係啲內籠premium 嘅車, 多過擺係副偈. 唔係唔想爽下, 問題係英國啲路同法規做唔到.

之前入london
痴9線成個鐘路都限20

根本制造塞車

其實大部份既要求都係唔駛點維修，驚整車無底深潭。
另一樣都係買二手車，出黎既budget 基本上都係日本車最好。
睇呢個post，好多人入黎問都係呢兩個要求，由其係黎到先揸果D，因為只係代步

唔少人有牌
但香港都冇渣開車

基本開頭都搵架二手廢事肉痛

然後揸熟想換架好小小車 又發覺部牛肺其實都唔錯
比人hi花撞凹都冇乜感覺
road tax 一年先£20
之後就繼續揸

往後就睇個人啦

我黎個陣, 確實係日本車抵買d. 所以當年我買左Honda HRV

不過今年我再睇, honda hrv 個價同bmw x1 係差唔多價錢. 都係3年車, authorized manufacturer car 有原廠保, 30000mile 以下

https://www.autotrader.co.uk/car-search?advertising-location=at_cars&body-type=&colour=&fuel-type=&homeDeliveryAdverts=include&ma=Y&make=BMW&maximum-mileage=30000&model=X1&postcode=WC1B%203DG&sort=price-asc&transmission=&year-from=2022&year-to=2022


https://www.autotrader.co.uk/car-search?advertising-location=at_cars&aggregatedTrim=&body-type=&colour=&fuel-type=&homeDeliveryAdverts=include&ma=Y&make=Honda&maximum-mileage=30000&model=HR-V&postcode=WC1B%203DG&sort=price-asc&transmission=&year-from=2022&year-to=2022

咁好難唔揀架歐洲車, 反正都包左原廠保, 仲要有得續, 要整車嘅都係劈番俾佢.

我就趁電車未洗比luxury car tax 就買架新

想問下架車係屋企人名,但係通常都係我用,如果剩係買自己保險 ,車主唔買,得唔得㗎?

唔係個個揸車因為鐘意車
80%人係工具用黎代步

照有得quote㗎
不過長用應該落2個名會平d

以前係香港, 雖然部車都會用嚟返工, 但有壞有成都可以早小小坐巴士地鐵返到工

依家來回30miles, 無咗部車直接唔駛返公司咁梗係會買部無乜嘢嘅車去代步

寧願買多部係用嚟玩嘅, 唔駛租車位已經同香港唔同玩法

成日話香港揸寶馬容易壞，英國揸寶馬維修費貴唔貴？同埋係咪都係咁易壞？

唔知, 我都係啱啱買左架新bmw. 頭3年包原廠保. 呢度整車郁下都過千, 因為人工貴. 所以我過左3年, 都會繼續續佢個原廠保, Comprehensive extended warranty 約£400 一年, 墊底費£250. Comprehensive 個level 係架車邊個部份都會幫你整架啦. 即係就算你死波箱好, 成副偈死左, 整乜最貴都係£250.
https://www.bmw-warranty.co.uk/

個extended warranty 有機會打電話去講下價嘅. 我見呢度英國人都會買 https://www.bmwland.org.uk/index.php?threads/extended-warranty.5235/

寶馬好興一代神車一代屎，要research 清楚某型號某一代某款引擎有冇通病
保養支出方面，果代車冇伏的話，BMW通常平過VW，亦襟揸啲
同埋預心理準備會食engine oil

係官方Kia dealer 買左approved used car, 行左7日，

今朝發現爆左胎，宜家渣左返去同一間鋪去check, 補到就要俾錢，補唔到就成條換

我買左全保險，其實應該報保險？call 人黎check ? 定渣架車去任何一日車房整，之後calm 返錢？

正確程序應該點做？

劈番俾原廠整啦. 你頭30日直頭叫佢幫你整, 唔整你仲可以成架車唔要俾番佢.

有啲咁既rules 既咩，佢話車胎果啲唔包的，宜家幫我睇緊，睇下整唔整到，整到就收幾十鎊，整唔到就成條換百幾鎊

車呔正常就唔包 就算佢肯同你換 都唔會係新 只會求撚其揾條岩size比你
呢邊成日落雨落冰雹 建議車呔錢唔好慳 就算summer都咁話

tyre insurance要另外買

全保一般都唔會包tyre

正確做法係揸去最近呔舖搞掂佢，補到就補，補唔到要換就要睇吓原本四條呔係咪已經好舊，換呔通常最少換一對唔好左右鴛鴦，本身四條呔都舊就一次過換哂，做埋wheel alignment就完美

前排一條胎生左仔 拎去車房諗住順便換晒一對胎
個車房佬話 唔好曬錢換晒一對呢度啲爛地成日爆胎
話我另一邊條胎仲好好condition 結果淨係換左生仔果條

發現架車個sensor壞左 請教下大概整幾錢左右
第一次整車 唔知啲車房報價老唔老實