歡迎想砌模型嘅巴絲入嚟 (209) 我好很著緊正負皮

雜魚機有種魅力
但屌佢老母笨大幾年冇出Hguc revive

濕度咁高，點噴消光埋尾啊

咁多位師兄，新手啱啱開始學噴油噴高達，想請教一下有關噴油既野


我已經買左Ak既dual exo，會先用EG strike試下先。

因為AK油係水性漆，如果我係噴完之後係唔係唔可以直接係上面用雙星滲線同郡氏水貼軟化劑，係唔係會好易甩溶左個底漆？

如果係滲線同貼水貼前加一層保護漆，應該加邊款較好？建唔建議用番AK自己既水性光油定係其他牌子既會更好？


去到最後如果我用依支Mr Super clear smooth去做消光又會唔會溶左D AK油既？

因為上面幾樣都已經買左，但係唔太了解唔同牌子唔同product既特性，怕其實係完全唔相容，所以上黎問一問有經驗既各位

用乜都好，用水性油嘅前題係乾透曬先好用。
滲線液可以用，珐琅油可用喺水性及油性漆面上
呢種新包裝嘅水貼軟化劑要稀釋咗先好用！
消光我無試過油性蓋水性，唔肯定會唔會溶，不過就算用水性噴罐，噴太厚都有機會溶！

噴水性油之前你會唔會上底灰先？唔上會好易刮甩
想滲線同水貼既話
最好用光油黎保護
唔係既話個表面粗糙你會好難抹走滲線液同上水貼

有冇巴打砌過Mega size 渣古 or 元祖？ 值唔值得入手

多謝Bandai提供新噴油方式
用陳年rg新安洲試效果幾好
透明嗰邊再上premium red會唔會太深色

Thanks! 會先上底漆既，如果上光油保護既建議邊隻？

Dual exo色靚但啞面都幾易刮同av premium 比有啲啲難噴
滲線/水貼要光滑面之餘新版郡氏mark setter/ softer都會溶水油要稀釋少少，或者用其他牌子https://www.mr-hobby.com/ja/products/detail/356

純水性光油好多偏難用要控制到夠濕又唔流鼻涕
酒精水油應該Mr hobby H30最易用
再唔係直接用油性都得兩者都係噴筆薄噴疊幾層先，一嚟就濕噴會溶

有無刻刀高手
小弟用完刻刀加深條坑 但上完底灰發現條抗入邊好多一粒粒 係我用力太勁 定把野太廢
同埋呢個情況係只可以刮番哂出黎重噴

一粒粒係咩意思
你指入面d碎屑未清哂？
另外我自己習慣刻完會習慣另一邊刻多次
例如由左向右刻完 我會再由右向左咁推返過去
確保條線係順既

無圖好難答到你

因為個位係做完無縫 之後我諗住刻番條線出黎
噴完灰就發現有一粒粒

多謝解答，其實如果保護性黎講係唔係油性好過水性？我最怕係我用水貼軟化既時候會溶左D水油..

另外都想請教下，通常玩高達，係唔係只有外露既骨架會噴？因為睇片或者文章有D人話噴骨架可能會好難組裝或者會影響活動能力，好似都幾進階先噴到骨架

噴唔噴骨架係睇你對自己要求有幾高
同埋建議做一次假組睇下個活動範圍係點
然後再針對會郁動時容易刮甩油既地方磨薄d

合唔到建議一係磨一係切柱或者開大個窿 唔洗同佢鬥力 一陣爆咗仲傷心

出咗手未
收島風, 今年波蘭對捷克就係鬥1/72 spitfire
https://www.facebook.com/share/p/1D5Q63PiaV/
https://www.facebook.com/share/p/1EEBEaSpLm/
喱鋪真係等睇鹿死誰手

Wa精彩！
即係等下先可能有好野？

睇下你自己有冇情結同緊唔緊火啦
因為佢哋而家battle緊嘅係大戰中前期嘅Spitfire
IBG喱間呢就一向野心大啲嘅, 會做埋啲原型機
而Eduard自己本身就已經有出大戰中後期主力機型, 即係Mk. IX系列架喇
佢哋而家真正重疊嘅位係Mk.I到Mk.V喱堆英倫空戰, 北非或太平洋戰線嘅機型
我覺得兩家都各有千秋嘅
我好欣賞IBG為咗追求細節準確而甘願啤齊啲optional parts, 拆得細啲
但咁做令佢哋啲零件嘅組裝難度上要妥協, 難砌啲, 碎濕濕
同埋佢哋雖然零件上有齊你所需, 但說明書組織得比較差, 易有錯漏

而Eduard我鍾意佢本身就分好型號咁開模, 相對唔會咁碎濕濕
但咁樣如果佢出唔中你specific嗰款分型號就冇得直接裝隔離粒零件
不過整體嚟講組裝思維直接得多, 說明書指示清晰啲

IBG好似就話今年5月開始賣, Eduard會唔會兩個月成功內搶灘就未確定, 佢都係今朝先出news
我自己就肯定兩邊都會買一隻Mk.I返嚟對比下再決定砌邊盒
依我估計呢Eduard喱鋪會趕喺IBG出貨之前賣Mk.I
因為佢原本打著今年出1/48零戰五二型, 結果上年聖誕俾Finemolds偷襲
而且佢自己本身都偷襲過另一間波蘭廠Arma hobby, 出咗1/72 P-51D
原本Arma hobby準備咗好耐但唔知係開模有意外定唧牙膏玩大咗

總之近期二次大戰戰鬥機真係好熱鬧

模型廠都可以battle
如果其他模型都可以就好
我知五星首辧係有Volks/WSC/再舊啲既海洋堂班造型師鬥
但已經好耐之前既事

其實佢哋算好和平
大陸廠啲內捲先痴線
嗰啲俾斯麥, 密蘇里, 企業, 坦克就更加數都數唔晒
唔係點解Bandai揸到高達咁緊