歡迎想砌模型嘅巴絲入嚟 (209) 我好很著緊正負皮

回流係指下面呢個洗法？(sorry for 殘體)
我平時收檔前都有咁樣洗
我番去試下一邊噴洗筆水 一邊拉推支針
基本上我係參考呢個網站去洗筆
https://www.wormxtoy.com/2015/05/blog-post_11.html?m=1

係，你貼張圖就係我講既"回流" 。
始終都係文字討論，你試下再洗多幾次睇下情況如何。如果都係唔得再傾。
新手，水性油，0. 2筆，幾樣加埋係會難搞啲。

Thanks 巴打
今晚我試完再匯報

Sorry卓球巴。諗住用相片回覆實際啲，但一直掛住搞其他冇時間影相

搵咗件本來就有刻線既件，再專登刻出界。上面條斜線係用力刻咗幾下，當係正常刻線。下面條出界橫線係輕輕刻咗兩下，當係唔小心刻出界。


用廢筆直接上郡氏硝基500灰，深既刻線有刻意塗多咗底灰的。另外下面打橫條原件刻線都專登滴咗一大滴500灰試下效果。


600砂紙打磨後


再噴郡氏硝基1200白色灰


我自己經驗就係可以用500灰去修補刻線的。

好多謝你，d圖同說明清晰又詳細
學到野

咁我日後買樽仔式500黎滴算了，噴罐式好似好難找，模倉果d好似無入貨

1. 見唔見到針頭突出嚟

2. 粒掣拉後 見唔見到針頭縮入去

3. 唔縮嘅話 扭開筆尾蓋 check 吓粒螺絲有冇收緊 冇收緊粒掣就拉唔到支針出嚟

點解g高達4小強要p bandai咁撚難買，炒到咁撚貴

當你支針推到最前，搞到出到氣出唔到水既時候，試下扭開筆尾，睇下拉雞向後時支針有無跟住個針鎖和後郁，如果無，可能係防洩螺絲個孔積左油，令支針隊到最前時阻力太大啜實左，令支針直呈郁唔到

想問下防洩螺絲即係邊part

巴打講起支針郁唔到 我有諗過會唔會係安裝問題（零件5-9）
我洗完筆係先將零件5裝咗落去先，然後再將6-9裝入去，見到個零件5識得回彈就ok 唔知有冇錯

係個杯同個按掣中間，佢有粒螺絲係上左係支筆身度，用黎防止噴油d油流左去後面筆尾d位，正常你拆左6同個5，你再係筆尾望入個筆身你就會見到粒螺絲，你試下攞支刷通下個螺絲洞

我覺得可能係呢到出事
記得有一次膽粗粗試噴 然後見佢噴唔出 說擰開筆尾睇下
然後見到啲油漏到後面都有

唔會係安裝問題，正路的確係先裝5，再裝6至9，再放返支針入去，支針郁得唔順，通常唔係個噴嘴個洞就係防洩個洞積左油，不過如果你話已經拆過個噴嘴出黎洗，我估防洩個洞塞左機會大d

係 尋晚洗完筆 我裝噴壺前有望下個窿 見到入面仲有啲積漆
然後岩岩喺超市買咗L型牙縫刷，今晚點啲洗筆水刷刷佢

依家d超聲波機開始普及，淘寶依家兩百蚊可以買到，你可以考慮遲下買部黎洗筆或重噴時洗走零件d油，我見你都會拆個噴嘴出黎洗

就咁攞個保鮮袋，倒d溶劑入去同放埋d零件入去，之後交比部超聲波機震就得，慳返好多時間

因為始終噴嘴係精密零件，如果經常物理性刷個噴嘴，個洞個尺寸一磨大或者崩左少少，就會影響性能

呢啲係咪都得？以前有一部用黎洗眼鏡

係，就係呢d，如果你有，你可以直接試下用，我唔知你呢部幾多watt，你試下是但油d油上d癈件，之後加水落部機，用保鮮袋裝住粒零件再加少少溶劑放落埋機度震，如果洗得甩d油，應該都夠watt數

用緊同款
用嚟洗筆好舒壓

好

請問係咪打磨得唔夠，我通常用800磨完就收工，之後用噴罐噴完，呢撻磨完既痕都仲喺度

係，你諗得無錯，每一次轉目時磨得太少，疊唔走之前d磨痕，噴出黎就會有痕，要噴出黎無痕，起碼噴之前舊野睇唔出有明顯一劃劃磨痕

係咪要800 ，1000，1200逐層上

如果直接上色，通常400，600，1000三個目數咁跳，每層有磨足，噴出黎就會無痕
一般實色磨到1000已經夠，再磨上去除非你噴光澤油，要求噴到好令身

噴消光定噴油?