最近做義工探訪一個獨居老人 原來佢俾房署迫遷 要兩個月內搬離公屋

前提係仔女肯比（仲要起碼5個，一人二千），至於你話計？冇人理嗰啲點計？我老母而家就住緊，院費萬一都只係住一間勉強算正常嘅非密封板間房，低過依個數嘅我可以話比你知唔係人住嘅，我老竇出事臨走前就局住要住依啲，啲環境差到真係想爆粗

仲有上面有人話公屋世壟，依樣嘢係唔可能，因為只有未去世配偶可以無條件繼承公屋，仔女繼承係要重新做審查，仲要唔知個標準係咪要跟排公屋隊嗰個標準

個公屋單位租架咋 你估真係佢架？可以霸成世？
阿婆係戶主本身就有最大責任 唔係一句咩都唔知就大晒
比兩個月通知你搬已經好好 正常公屋遷出通知書得一個月限期
要怪就怪個女買左樓唔除名 而唔係怪房署查到收你樓
「有物業要收樓」呢條例唔係今年先有 2017年已經開始實施
唔好一句唔知就可以走數 申報表條款自己唔睇清楚怪得邊個？

都會明白旁人一旦見到類似情況都會覺得婆婆好慘。
但相信你要認真了解情況先再睇點幫個婆婆。

首先房署由知悉佢個單位有人買咗樓到要收樓其實當中過程時間不短。作為戶主的婆婆事前相信有被知會一段不短的時間，不會話今日Check到就要你兩個月走人。當中你知唔知道婆婆有冇做過甚麼方式去解決問題？？其實婆婆作為戶主當中係最大責任。而婆婆會願意俾義工上門幫忙，即是會願意溝通同求助的老人家嚟。你先了解同明白呢一點先

其次你想幫婆婆應該先聯絡佢另外果三個女睇有冇方法能夠解決。例如會否有人願意照顧及與阿媽同住。老人家一定會嫌煩同搞到其他家人，但有時呢個有可能其他家人不知情，或者一通電話已能解決。

再之後退一萬步講，四個女都不孝或不願意照顧。如你願意幫忙，可考慮同婆婆先去社署求助。但你都要俾定婆婆心理準備，即使社署幫忙都有機會係送老人家去老人院，而不是俾佢繼續住公屋。隨住長者年事已高，其實獨居風險不低，社署考慮佢福祉而出現呢個選項機會比較高。

當然以上內容係要你確切相信婆婆係同你講100%真話你才去做

因為有時候有啲老人家會左瞞右瞞不盡不實，未必全部講晒真話，其實呢啲都係人之常情，呢點要你自己去判斷

希望你幫到婆婆🙏🏻











利申：前區議會議員

劉先生你好偶爾喺fb會碌到你嘅post，我係唔會高估自己閱歷嘅能力，雖然我的確成日接觸到老人家，係有人濫用我哋義工服務 過份賣慘。

喺前五次上門 都唔係關於搬屋嘢 只係屋企有雜物+床蝨。因為佢屋企真係好近我公司 所以得閒就問下佢屋企有冇蟲 有冇需要幫忙。

佢呢個單位本身係幾個人名 到後來係得返佢本人名 同住阿女名 同過得不如意嘅阿仔嘅名 三個人名。

呢個後來買樓嘅阿女 係一直住喺度

阿仔應該冇乜點知 生活情況係老人最為憂心嘅點 幾乎次次都傾開

其他兩個女 其中一個算孝順 會出席執嘢 協助。另外一個我就未見過 聽講都會關心 但因為呢個單位有床蝨 有一段時間唔敢黎。呢兩個女係「有限公司」 自己有小家庭 。唔知點解冇幫阿仔除名 同阿女除名。

至於我點解會成日上去幫下手 因為呢個婆婆次次都係好客氣 唔係點講唔開心嘅嘢 只係話床蝨咬佢比較辛苦 然後提及佢同住嘅女成日惡言相向 都係講開幾句。

一月頭 我諗住清空客廳個啲雜物 等老人家過年過得更好 住得更加舒服 所以聯絡佢其中一個女。

個女話放假可以幫手 但過多幾日就同我講 房署聯絡佢 因為家姐買咗樓 而冇喺夏天除名 家陣要老人家搬走（二月尾）

所以我上去變咗幫家姐執屋+滅蟲 pack好大量衣服
同得知老人家要班 可能二月仲要上多兩次 。


呢個老人家行動尚算ok 不過偏弱個啲 唔係話咁容易適應新環境。我能夠做嘅嘢 就係用自己嘅文字 出post面積/出post頻率 睇有冇機會打程序 打感動 打天若有情 雖然都比較渺茫

但係作為一個義工 一個組織嘅興起 正是因為有團火 有種唔信命嘅倔強

婆婆如果冇咗個單位 未來日子會影響埋其餘三個家庭 呢個家族並不是條件好個啲 公屋嘅存在 係令人安居樂業 今次一次過製造四個艱苦嘅家庭

我先睇下有冇機會逆轉，畢竟收樓程序係有問題 老人家喪失改單位嘅資格 並不代表佢唔可以銜接單人公屋 呢度可以做得更人性化 而唔係話叫婆婆重新跌入新pool，直到另行通知（上樓）

補充一句 因為佢個仔生活不如意 加上行蹤漂浮 好多時候要聯絡佢唔難 每年定期申報/除名呢度有機會被耽誤了 但買樓個女 係有心過老人家一棟

我到過大量單人公屋 有啲兩個老夫妻同住一度 非常迫劫。有啲就好寬（荃灣祈xx村）有啲設施好好 高x苑

咁即係話單人公屋 係分 單人長者公屋 同單人公屋

兩類

邊啲老人家住好單位 邊啲住差單位 呢度已經亂過亂世佳人

今次呢位婆婆係直接被送往自由經濟市場 你去租樓啦 只因為同住嘅人資產超額 我認為一個成熟嘅制度 應該儘量公平 公開 同埋更好協助「違規者」轉去合適單位

而唔係一刀切

假設樓主真係義工

希望你知道, 香港二十多年來係不處理家庭矛盾問題

例如老豆出軌但不分家

好多家庭唔想做得太盡一下就禁離婚制, 但房屋署方面係唔會理

你老豆未除名就唔俾你重新申請單位, 你只可以住係個單位度任佢隨時番來x 人、打人



可能我資料唔update, 但我身邊過去有兩三個人例子係咁

最後都係要離婚先逼到分割家庭成員

好似已經有人同房署打官司啦
又係其中一個有樓比人收屋

其實房署係有盲點
除名要除名人同戶主一齊簽字先可以除
如果屋企其中一個人搵錢多又唔肯比家用，自私精同時唔同意除名，一個人想博大露要罰全家無屋住

我呢個case嘅婆婆就係咁

個神化阿女有心冇心都好 反正都要走 話之你
個阿仔又唔知乜料行蹤飄忽

集齊佢哋兩位一齊去除名 我諗難過集齊龍珠

但房署係本能覺得 你有仔女 你啲女買樓 趕住要交功課交數量打擊富戶政策

打唔到個啲擺明車馬呃公屋 全部資產轉移內地嘅2蚊戰士

就搵啲真係無辜嘅阿婆黎祭旗 本能上就定案人哋有心隱瞞 你有罪 儘快交屋

其實最公平既做法係房署應該告虛報資料果位成員加取消果個虛報成員既公屋戶籍
就唔係一個犯法要全家收屋
不過李家超政府淨係識kpi ，無人情講架啦

外婆去世揭持唐樓‎ 外孫女住其公屋即被逐兼受罰‎ 認為不公求覆核
https://www.hk01.com/article/1034313?utm_source=01appshare&utm_medium=referral

呢單

又作文?
有樓就走啦， 仲要間公屋做乜啊？

咁咪同個女住私樓囉

有5年黎個限制？
好似2年無持有物業就聽過，唔知唔好亂吹

樓主真名叫 陳家駱
網名 雨果小子 tg曾經叫hugo1991
唔識佢唔緊要因為佢on9仔黎 不過樓主算係公眾人物 唔係咩借刀

係比房署發過遷出通知書既單位內滿18歲既人士 都會有5年凍結期

佢寧願o係度同人嗌交都唔用多 D 時間去幫阿婆搵過個地方住 / 安排執屋搬屋

D 實質要樓主付出既野 (e.g. 錢、比個地方阿婆住) 佢就唔會做
剩係花下時間上網開 po 攞光環
樓主有心要幫，不如你用同人嗌交既時間去送下外賣賺多一千幾百幫佢比錢叫搬屋公司呢 D 咪實際

梗係 啦 好似第一頁兩張圖咁 係打完卡就走 然後for上連登用

又、賣、慘?

違規要搬走，5年內唔可以申請公屋
但如果流落街頭，恩恤情況下，有機會比佢住中轉屋

不過通常話中轉屋環境複雜，唔識路，唔熟個社區，周圍哭訴

FB轉貼定真人上連登?

你想幫佢
第一時間係搵社署申報個案開Case
第二樣嘢係去將個女除名，主要要求換老人屋
個程序點都對阿婆有利

你想要群眾壓力
上連登講，不如你上小紅書講，或者搵東張
香港政府係唔會理連登嘅人講乜

如果你真心想幫，就唔好係度花時間同人嘈
好心唔係咁做

阿婆擺明要繼續霸三百尺公屋喇