[耳機撚]召集大耳牛、枱式耳機系統用家(101)

RANKO龍格RCA-500 R
試過Acoustic Revive 嘅鍍銠鍍銀頭之後，我對銠+銀呢個組合印象唔錯，所以特登搵呢個組合嘅頭。Acoustic Revive個頭似乎唔啱用焊，搵嚟搵到似乎得龍格RCA-500 R可以一試
極端懷疑龍格係大陸牌扮美國野

RCA signal pin 係可以拆出嚟焊，不過佢又唔係好似Audio note 頭咁個ground 都拆分開，睇上嚟好先進，做落覺得多9餘。 首先要穿曬signal 同ground 條線通過成個ground 殼先可以焊 signal pin, 然後退返後套個signal pin 入ground 殼。呢個時候ground 線就會阻位後退。加上個ground 殼幾重，令焊signal 線個時會下垂走位。結果最好做法就係唔拆個signal pin出嚟，當一般RCA頭咁焊。
唯一值得讚係個ground pin 有獨立隊出嚟，夠曬易焊
個頭做工亦麻麻地。個ground 殼有個螺絲位用嚟連接外殼，而個螺絲位內壁係冇鍍層保護。銅料外露，長遠會生鏽。另外個ground 殼工差幾大下。一組4個頭有兩個頭係特別難插，其中一個仲要冇可能插到底，插得好淺。

聲方面偏冷、柔，小小暗但冇古河銠頭咁暗
人聲冇咁出，音樂一出人聲就冇咁明顯，但又唔係遠咗。有一定空氣感，所以未至於冇生氣。延伸唔錯
高頻冇咩特別，中規中矩
低頻幾好，量多、大力、拖尾長但唔過份，有一定下潛

睇嚟呢款頭都唔啱用。下次試下Oyaide SLSC RCA睇下純銀鍍銠會唔會好過銅鍍銀鍍銠。