［認真討論］中產嘅你點準備渡過黎緊嘅經濟動盪？

真老登

Save more

唔好用過去睇未來，加息都仲喺到升緊已經係唔正常，之後絕對掉頭，因為加息影響明顯滯後咗

澳洲全國樓市繼22個月升值之後迎嚟第一次下跌，到你真係落場嘅時候你就發現好嘅盤繼續大把人買，差嘅就減都冇人吼，再往後就會全盤下跌

你睇吓住屋可負擔性，人民收入樓價比，英國有BNO輸血都升咁少，工黨上台，其實好明顯睇到後市係點

不如你講下下跌原因啦
呢幾年升得咁勁，係因為跟通脹，抵消咗加息，並唔係加息濟後
Brisbane 仲講緊唔夠樓住，仲話之後有奧運
Perth 升得最多
幾個大城市都係話因為早幾年疫情令地盤起樓慢咗

我就唔熟個market, 想知道下跌原因

通漲加息資產價格會繼續升？抵消加息姐係唔會減息？生活成本暴漲，然後啲人又繼續揹6厘上車？自住用家撐唔起，投資者正現金流嘅物業基本絕跡，邊個會買？全部cash buyer?cash buyer點解唔放銀行收息？

供應係不足，但個factor一早price in咗，價格高到太離譜就會掉頭

6厘上車好common咋喎
你係中國香港人？未出過國？

供應不足就price in？ 加息影響就濟後？
完全係自圓其說既講法

算啦，如果你零經濟知識，又零國際視野，你都係收返埋

我計過自己
要維持現有生活我諗我一年過百萬
1.老母：保守估計一年最少用20萬
2.管理費差餉：10零萬
3.旅行：上年用左13萬左右
4.養車：4萬（萬2牌保、萬8入油、1萬洗下車換下嘢）
5.健身：2萬幾 （私人健身房）
6.水電煤之類：1.5萬
7.供樓「利息」：十幾萬 （本金我當儲蓄）
8.醫療保險：2萬
9. 租樓：十幾萬

數埋都80幾萬，剩返我+條女
每人一個月用幾千蚊加埋就已經over一球一年

以上所有支出其實係你 還是 你+條女？

6厘上車好common，真係好大疑問，二十年前就好common。你可以繼續買，唔阻你，借多啲賺多啲。最好存款息率繼續咁高，美國最好唔好減息，我係好希望依家係一個norm。

供應不足係即時反應供需，多人搶一下子就搶高價格。而加息嘅影響，業主唔會即時放晒啲樓，息加到咁上下覺得冇肉食，現金息係閒閒地5厘以上嘅時候就好決定性叫人cash out，結果一年嚟都冇減到息，依家呢個水位買嘅樓邊到做到5厘？杆桿埋只會更差。借貸人就更耐，要等到周轉唔嚟先會反應喺貸款拖欠率入面，但你依家已經見到市民儲蓄率新低，black friday折到牙血都出，呢啲咪先行指標。

影響樓價嘅仲有失業率，同埋各州移民政策，唔會淨係供需，禍不單行，你慢慢等來年嘅數據

當然唔同州都有唔同走勢，最難睇就係依家melbourne，你繼續做大好友放心投資，我會借錢畀銀行借錢畀你

旅行、租樓、醫療保險係2個人加埋
水電煤、供樓我佔大半
其他係我

唔通你覺得依班係基層？

下你到底出過國未？淨係生存係中國？

比d數據你
澳洲長期係5-6%之間
係2019年後先跌到4%
2014年前長期係7-9%

金融海嘯前英國都係7%以上
就算量化寬鬆後長期係維持4-5%
直到美國2022年加息就上返去7%

如果平均數黎講，兩個地方都一定超過6%

即係你認為market 會price in利好因素，但係唔會price in利淡因素

最好啦，依家先得果6厘，之後壓唔住通漲再加息我哋等睇樓市蒸蒸日上，最好升多20%再做返個6厘按啲人一樣咁樣還錢

利淡因素應該都唔會利淡嫁啦，提都無謂

老友你買咗邊到嘅物業啊？講嚟聽吓等大家發下達啦

1999

買邊度都唔會同你講啦自己做下功課先得架
不過你讀完書未？出黎做野未？夠錢比首期？

你鳩我咪同你鳩，搞得地產智力都有限，讀多你少少書姐，我食息都夠交租有突，留力應對通漲好過

好想知你點讀多我少少書
如果讀書多過我都咁既能力真係擔心你既未來

呢啲基金 你確定佢所謂派息唔係派緊本金？

每個人有佢嘅選擇，呢啲人真係好可憐
人生到最後只係得返錢，到死嗰刻望返轉頭，咩都冇經歷過，只係一個奴隸

lm

咁你咁低物慾，仲想搵咁多錢做乜？
若果你既幸福線真係低到只要喺大城市生活，唔洗爬山半個鐘返學，唔洗飲水打半個鐘井
其實呢D野，喺香港拎綜援住公屋都一樣achieve到
咁仲要咁多錢來做咩？
口講話低物慾唔洗錢，但身體又好想不停咁搵錢
說穿了其實就係enjoy擁有財富既感覺（或者係安全感啦），多過enjoy將財富換成人生回憶

我總覺得嘗過珍饈百味，才有資格講只愛純樸滋味，難得人生走一回，低乜都未嘗試過就話自己低物慾，無慾無求，會晤會有少少覺得自己呃自己? 起碼都要努力過，得到過，嘗試過，覺得不外如是，先回歸平淡，呢種低物慾先係幸福。

拎綜援同搵錢財自完全兩回事

一個係被動等外人施捨，你無權控制；另一個由你掌握。如果拎綜援都算財自，咁坐監都一樣係財自

另外唔明你點解認為低物慾=唔需要錢，錢可以買到好多物質以外嘅野，eg教育、醫療質素、時間、方便、私隱度etc（我所指嘅物慾係狹義講緊買到嘅物品/好西，我從來唔羨慕人地經常去旅行食好西揸靚車買名牌戴貴錶）

而且，就算我確實滿足低水平生活，所以我就唔應該搵多於生活水平嘅錢？咩邏輯

唔通你要死過先可以珍惜生命？