接二連三嘅喪親打擊，感覺好難走返出嚟

細個父母工作忙，將我交咗俾一個長輩照顧，我細個嗰陣讀書同操行都唔好，所有人（包括父母）都覺得我又廢又無用，得佢會鼓勵我支持我......我知佢最大嘅心願就係睇到我大學畢業戴四方帽（雖然而家香港一街都係大學生，但希望大家理解老人家嘅心態）......
但結果佢喺我year3嗰年突然心臟病發，一句說話都無留低就走咗......嗰時咁啱仲要撞正疫情，我日日留喺屋企真係萬念俱灰。我有見過臨床心理學家，佢話喪親需要時間慢慢調整心情，唔好心急，於是咁就過咗五年。呢五年內，我阿媽同另一位長輩都先後走埋，同樣都係一句說話都無留低。
雖然生活上其他嘢都算ok順，但好多時心情都係好「奄悶」，都係寄情工作忘記傷痛。一旦得閒嘅話，啲負面情緒又係湧返曬出嚟。特別係由細照顧我嗰位長輩，無辦法令佢睇到我戴四方帽係我一直以嚟嘅心結，好似永遠都解唔開咁，每次諗起都想喊。好自責點解連老人家嘅小小心願我都幫唔到佢達成，覺得自己好無用，要佢帶住個遺憾走。
雖然我知道如果佢見到我呢五年都咁唔開心，佢都唔會好受……但我真係無辦法唔諗起佢。我遇到開心事嘅時候，一諗到冇得再同佢分享，我就會覺得好想喊；我遇到唔開心嘅時候，冇辦法再對住佢訴苦，我就更加想喊。
自問呢五年都真係俾足耐性自己慢慢恢復過嚟，但似乎都係冇乜作用。又或者人經歷完咁多嘢之後，確實就係冇辦法返去以前咁樣……

有冇試過催眠治療？

走唔返架啦, 人生如此, 應該擺低嗰陣就做左正經野先

或者換個角度諗，因為你仍然活著，你對佢地嘅思念，就係佢地係呢個世界活過嘅憑證，只要你好好過生活，就可以繼續carry住佢地，你過得好，佢地會感受到呀～

老實講，個目標唔係恢復，而係搵到新嘅生活方法。

我哋改變唔到發生咗嘅嘢，但至少 人可以選擇慢慢改變件事對我地嘅意義。
希望有日件事對你唔會再係單單嘅痛楚，而係對你有意義嘅嘢

無，感覺要搵真正專業嘅催眠治療並唔容易。但如果可以嘅話，我有時都想將所有過去發生嘅嘢（開心唔開心都好）都忘記得一乾二淨，感覺孭住好多包袱做人，每行一步都花盡氣力

有做正經嘢，做咗好多正經嘢，但一旦得閒落嚟就會覺得好傷感。特別係喺條街度，見到啲老人家拖住個小朋友出街玩，就好似一把把利刀割落我個心度咁

最想同佢一齊分享嘅人都已經唔喺度，得到幾多都係枉然

多謝你，我知道佢哋都唔想見到我咁，但我真係控制唔到自己。每次一諗到佢哋都唔想見到我咁，但係我都係改變唔到自己呢啲好傷心嘅感覺，我就覺得更加挫敗

我相信人有幾多痛苦就有幾多成長，但過去一齊相處嘅回憶，對我嚟講就好似一個個大包袱咁，要孭住咁多包袱繼續行落去，真係少啲氣力都唔得

我本身都面對唔到呢d事，人死不能復生，人死如燈滅，但我已經解決左，因為我識唔同人都見到靈體，唔同人都可以講到同一個畫面。咁我已經知道個世界係存在死後世界，我建議你搵個信得過既，識得神通/通靈既玄學師傅，趁燒d野果時同佢打開心扉，如果你知道佢走左之後仲可以過得好，你就易d放得開了吧？
同埋好多人走左之後唔係真係投左胎，而係停留喺個世界慢慢睇住你大個，得閒喺到浮下浮下咁，放心啦，好好生活！

你同我都只係普通人，有情緒好正常no need to be strong，be yourself

唔識點安慰你但想同你講聲加油

本身屋企人信仰基督教，法科方面嘅嘢唔太熟悉......不過曾經聽過你講嘅「死去嘅人會停留喺世界」呢個說法。我唔敢諗如果佢哋見到我而家呢個樣會點，我諗除咗愛莫能助之外，佢哋都冇其他嘢可以做

醫學上嚟講，好似話人死咗之後嘅某個短時間內，其實耳仔仲聽到嘢。長輩心臟病發送去醫院，我去到嗰陣已經證實死亡。當然都會有睇一睇佢嘅遺體嘅過程，我當時已經唔識俾反應，乜都講唔出口，我到而家都好後悔冇對住佢嘅遺體講多幾句嘢......

已經努力生活咗五年，現階段冇自殺念頭，只係覺得身心俱疲

自己搬左自己住好耐 已經唔知垃圾屋企比到乜支援

多謝你，五年來我極少同人分享我內心嘅感受，即使係同朋友親人都唔多講。今晚鼓起勇氣喺連登同大家分享，好多謝你哋鼓勵我

親情淡薄只會覺得幾時可以比間屋我自住 死唔死好閒

講真，你多啲裝香比佢同佢傾計，佢係會聽到的，唔係為左氹你先咁講，如果冇用既我都唔會咁做，多啲拜神同裝香，佢會保佑你的，有咩事會報夢比你知。

可以着住畢業衫去拜祭佢
佢會睇到㗎
只係換咗另一個方式俾佢見到你

聽到你咁講，我都想分享一個自己嘅經歷。我阿媽走嗰晚，我喺醫院返到屋企，唔知點解有隻飛蛾停咗喺我間房嘅天花板，一路都唔走，過咗一日之後突然就唔見咗
當然我本身係冇特別相信呢啲靈異嘢，但而家回想似乎可能真係阿媽嘅「化身」（抱歉唔係好識用比較準確嘅字去形容）？因為咁多年來間房都未試過有隻咁大嘅飛蛾停喺天花板足足一日

Keep住睇醫生啦
情緒依啲嘢唔係個個識處理，包括你自己同你身邊嘅人，搵翻專業人仕

已經做過，覺得只不過係一種自我安慰嘅做法但都好多謝你！我最大嘅心願係可以key圖，將呢位長輩Key返落去我嘅畢業相度，但試過整過好多次，整出嚟都好假。我阿爸覺得我做啲咁嘅嘢，自己呃自己好on9

我好少同身邊嘅人分享呢啲嘢，始終未經歷過嘅未必比到好嘅意見，即使經歷過嘅亦都只係愛莫能助，或者佢哋自己都好努力咁克服緊內心嘅悲痛我唔想日日放負

長輩死咗之後，有一年時間keep住睇臨床心理學家，我嘅情況係穩定，起碼冇任何傷害自己嘅念頭，只不過偶然諗起死去嘅親人，起碼都有幾日時間內心都係好心酸