歡迎想砌模型嘅巴絲入嚟 (208) 我不開新post誰開新post

的確係易洗，因為易拆其他類似設計好似得Madworks JM01同埋大陸雙子噴筆。但係好多人屌mobius個出漆量好難控制，輕輕拉後已經好勁，好難細噴，我自己有一枝都覺

應該係今年最後一隻完成既
其他wip 就出年再算
今次舊化比我之前做既有進步 滿意過之前
雖然而家睇睇下又見到有d位做得柒

後樓梯通常都唔多通風，除非係啲舊式公屋
至於噴場，我諗真係一啲啲。我試過去啲模型鋪睇嘢，佢入面應該係噴場嚟，我一入鋪頭門口就已經成浸硝基味撲面而來，我嗱嗱聲睇完要睇嘅嘢就即閃
基本上抽風箱運作正常，又戴好豬咀，應該係聞唔到味。如果豬咀戴好冇漏罅都聞到味，咁應該係個濾罐開始打柴要換。

目前最值得出嘅Option Parts Set係IWSP同鳳裝備：PB嗰個間中復活嘅主RG版突擊高達紅+HG版IWSP套裝真係完全唔見得人，成20年前嘅件嚟；另外鳳裝備應該出，做HGCE第一隻Ver. RM嘅產品，順便跟一粒再做埋前後鏡頭分色嘅「天空的基拉」突擊高達頭。

暴風高達的確可以用Option Parts Set出，不過一定要連Verde版組件一齊出，或者update頭部嘅分件獨立出一隻SEED版EG。

決鬥高達嘅板件數量應該冇得用Option Parts Set出，可能要好似EW咁PB連Blu版組件出一盒HGCE，或者好似RG Banshee咁出PB連Blu版組件嘅DLC（可以叫Option Parts Set DX！？）。

另外，SEED系列漏咗出嘅件係無限正義系列同命運高達盾嘅H型頭去3mm頭轉換連接組件，姆拉沙美改嗰個件都只係補完咗H型頭去ball joint（而RG曉高達宙斯裝備連接組件已經出咗第二次），如果唔係HGCE唔可以話完美mix and match（當然自己改件一定做到）。

好, 年尾最後一作, 出埋佢
Arma hobby 1/72 Yak-1B Lydia Litvyak



蘇聯, 一個神奇嘅國度
一個出名對外打仗係以人海同鋼鐵洪流沖倒一切嘅國家
但我就偏偏唔想講關於佢既有印象嘅喱一部份
直接開估
喱一架機係來自一位女機師, 同時都係史上第一位, 並且係世界唯二嘅王牌女機師之一
人稱「史太林格勒的白百合」, 莉迪亞 利特維亞克


同好多四方盟友或者對手軸心國嘅軍隊好唔同
蘇聯嘅女兵都係要上前線作戰嘅
話晒喺佢哋嗰套嘅思想入面, 女性係同男性平等
女性頂起半邊天對於佢哋唔係得個講字
所以史料之中或多或少會提到蘇軍之中嘅女兵甚至指揮官嘅故事




唔知大家會唔會發現翼根部份有一撻卡其色
冇錯, 喱一撻係甩青嚟, 係木材嘅甩青
或者唔係睇開二戰題材嘅巴打會唔知道
蘇聯當年大量嘅軍機需要用木製複合材料製造, 目標就係節省鋁合金喱啲戰略資源
而Yak-1/1B就係其中一款蘇聯喺二次大戰初期嘅代表


有別於以往我嘅作品, 喱架機身上並冇密密麻麻嘅鉚釘紋
喱個係因為佢大部份機身表面使用咗複合材料, 而唔係金屬
因為唔需要依賴鉚接, 所以都冇充斥表面嘅鉚釘紋, 唯獨機頭引擎附近嘅金屬板係有



技術優秀嘅莉迪亞一生擊落12架敵機, 當中仲包括一位擁有11擊墜數嘅德國王牌Erwin Meier
Erwin成功由佢嘅Bf109G跳傘, 隨即被俘
佢以為自己一定係俾一個技術高超嘅雙料王牌擊落
所以要求蘇軍俾機會佢見一見喱位擊落佢嘅高手
當翻譯員叫嚟莉迪亞之後, Erwin仲以為蘇聯人喺到玩佢
但當莉迪亞一五一十咁細數Erwin被擊落前嘅種種失誤細節之後
終於知道自己真係俾一個身高只有一米六二嘅金髮女郎擊落



只可惜年僅21歲嘅莉迪亞喺1943年8月1日, 擊落兩架敵機之後就消失於戰場中
喺二戰結束後24年, 佢嘅遺體被發現於一個萬人坑之下, 因為當時被人認為係一位被擊落嘅不明機師
1990年, 戈巴卓夫簽署法令, 授予蘇聯英雄稱號俾莉迪亞
蘇聯人為咗紀念喱位史上第一女機師而起咗個有佢半身像嘅紀念碑



好, 今年就咁先喇

好多場都冇理到鮮風個問題 表面好似有部機抽到d 氣走
但其實間野本身冇乜鮮風入 如果再加埋水簾其實係抽唔走晒 甚至水簾隔左落黎既味會繼續響室內係咁亂散出黎
我見有d 直頭抽完出去 落返去冷氣個風機附近 隨時再吸返入冷氣入返去

硝基內循環

水簾箱有無邊款平平地又可以摺埋

行開間鋪有盒HG新生Z擺左好耐今日想買行去就冇左
聽日又要出大鋪搵

成日再販唔駛怕
你話你係想買pb個隻就話驚姐

你揀得水簾
目標就係想盡量抽走9成油粒，味
淨係e兩樣已經要返咁上空間大細，真係好抽力水簾摺埋都唔會細得去邊，長同高已經fit死
亦都唔會平得去邊，如果無地方用返抽氣箱算
你預算大約幾多？
平價水簾問題隨時多過你傳統抽氣

rg 自護再販

一千內

我屋企應該無位可以長放個箱 唔用果陣應該都要收埋一二邊

知唔知幾錢
想買返隻同2.0擺埋一齊

模倉275 但好似又賣哂

屌咁快

翻既貨好似唔多未收工就冇哂

由租間鋪果下已經注定左

我指個鮮風問題
冷氣附近又吸番入就多數可以解決既

sorry講得唔清晰

MG 大魔幾時再販

冇街出嘅巴打一齊嚟回顧下今年成品


一月:
Finemolds 1/48 烈風

第二次砌1/48, 仲要係特別大隻嘅烈風
完成之後真係好撚震撼

Hasegawa 1/72 B-239

本身其實係好幾年前嘅爛尾模型嚟
因為當時啱啱畢業未搵到工同屋企人鬧交波及到, 整爛咗少少
擺埋咗一邊好耐之後偶然搵嘢見到
又少一件爛尾作品

三月:
Tamiya 1/72 飛燕

第一次砌全銀色嘅機, 第一次用鉚釘水貼
好撚正嘅一副模, Tamiya真係有料到

六月:
3D CAD+printing 1/35 櫻花大戰 神武

成個櫻花大戰系列入面我最夢寐以求嘅一架機
雖然過程好多驚濤駭浪, 最後終於俾我完成到
而家睇返都唔係好敢想像係自己嘅成品

九月:
Zbrush+3D printing 新說狼與辛香料-狼與羊皮紙 繆里(黏土人style)

本身除咗鍾意個作品系列之外, 發現作者好鍾意喺SNS上面互動
所以有一半動機係希望吸引作者支倉凍砂老師嘅注意
最後係成功嘅, 超級大成功

十月:
Hasegawa 1/72 M.C.202

非常深刻嘅一作, 因為基本上由頭到尾, 由內到外都大執大改咗喱副模型
唔係單純因為副模舊, 而係因為喱架機本身就有好多好刁鑽嘅細節
加上細比例用太多補品會令到成隻嘢變得好脆弱
有好幾次砌砌下整穿咗機翼同機身, 飛機嚟講真係前所未有咁棘手
不過好彩都成功完成唔爛尾

十一月:
IBG models 1/72 I.A.R. 81C

再戰IBG models, 上次係Fw190D, 喱間廠俾我嘅印象好深刻
佢就係典型嗰種過份追求細節但工藝上差少少先跟得上
然後組裝設計又擺到好低優先度, 俾細節行先嘅例子
非常之高手向, 我自問勉強過到關唔洗爛尾

十二月:
Arma hobby 1/72 Yak-1B

Arma hobby嘅1/72俾我嘅印象就係造型一絕
唯一扣分位係差鉚釘紋, 不過蘇聯機主打木製, 冇乜鉚釘紋就fit晒
臨入冬前輕輕鬆鬆完成

祝大家新年快樂, 下年繼續快樂模型

年度結算無咩貨賣

整咁多，點跟

1千內+無位我建議你去油場租位噴算
果d摺疊抽油箱無咩用之餘，重over budget
摺疊抽油箱只係叫做好過唔用有好過無
一係你只用水油，咁就無問題
健康無價，噴筆貴平都唔緊要，人大左健康先最重要

扮咩啊喂, 你都唔少