多倫多生活討論區 110 一又到聖誕, 扮吓懶

CNTower

1001 回覆

8 Like 5 Dislike

綠帽鹿角 2024-12-20 05:20:15

你比較下雪量先

CNTower 2024-12-20 05:24:29

以下唔係順序,無分先後，因為次序會影響個結果既。

佢未開始查之前平日去飲一次早茶，週末食一次晚飯。要求攞單。喺單後面畫個記號喺搣出嚟俾客人嗰部份。
攞嗰兩張有號碼既收據單尾俾佢睇，要求交出對應單據既上一段。結果，兩張都無咗。當時個老板已經面有難色。

然後同LCBO攞晒過去四年，申請臨時酒牌資料。

好多時擺幾十圍酒，啲客都會自備酒。但係要去LCBO攞個臨時酒牌。酒牌有申請人既資料，擺酒日期，地點（酒樓）四年有差唔多百幾次。於是用酒牌日期對應當日有無報張擺酒既大單。發現有五十幾張喺無報既。於是聯絡申請酒牌既人，問佢攞酒張單。有三十二個寄張單，有十一個口頭講俾咗幾多錢，其他無回覆。最大嗰張單接近二萬。四十三張總共幾十萬。

查稅第一日，要求基本既簿記／會計文件之外，仲要求交出過去四年內所有以下既單據：

印刷公司
揀哂啲印收據既invoice。紀錄印咗收條既數量同編號。
然後要求攞出現存未用既收據數目同編號。
發現四年內，有幾萬張收據係unaccounted for都係同樣兩set號碼。而且，酒樓係用咗四set收據。早茶，午飯用兩set，其中一set係完全無記錄用過，晚飯用兩set，同一手法。我個嗰張早茶同晚飯既收據號碼啱啱就係無報既號碼。因為無報既早茶，午飯比晚飯多成三倍幾，於是估算嗰幾萬張收據平均係四十蚊。嗰度就百幾萬未報銷售額。

洗衣公司
攞晒啲洗檯布既單。計下總共洗咗幾多張。然後比較幾多張單。發覺檯布多過收據幾倍。但係taxpayer（以下稱TP）話早茶有搭檯，有時一張檯布會有兩，三張單。同埋有時會用檯布嚟蓋住啲嘢算！唔爭論住。

海鮮供應商
揀晒啲大數量買龍蝦同游水魚既單。同常擺酒當日就會入貨。間酒樓個魚缸頂多可以養住幾隻龍蝦，另一個缸就養幾條魚。如果買幾十隻龍蝦同幾十條游水魚，一定擺唔落。攞晒啲大手入貨單，比對當日或者之後兩日有無擺酒。發現除咗LCBO臨時酒牌捉到嗰啲之外，仲有幾十次係唔見晒啲龍蝦同游水魚。而個幾十晚既收入係得幾百蚊。我同個friend講笑話，係咪攞嘥去放生呀？依到每兩隻龍蝦當一圍。游水差唔多二比一同一日，所以無用到。以每圍平均三百蚊計（我覺得）比較低。嗰度幾十萬。

豆腐，河粉
最後無用到

LCBO，Beer store。

喺Beer store買既數量少過TP報既賣啤酒記錄。因為酒類既稅率係個啲。要分別出嚟。TP話佢個廚師係酒鬼，每日都要飲幾支啤酒。我個friend問，乜醉咗都炒到嘢？
LCBO 就無乜大問題，因為極少人會叫啲其他酒。依樣無捉佢，但係可以佐證有逃稅。
仲有其他就唔記得囉

既PST稅率係8%.總共連埋罰利息大概幾十萬。

龍力王 2024-12-20 05:28:02