【過馬路要小心】經典男裝討論（58）【皮鞋、西裝、皮件、配飾】

spread, mandarin

今日Drop93 Fabric Fair大家有冇去
睇中咗塊料但係得太少咩都做唔到，空手而回

無乜特別嘢今次

涼得黎唔是咁易皺（不過都要睇比例同織法）

其實loafer駛唔駛著襪? 見到ZEGNA IG 話意大利人著呢D鞋唔著襪
定係Mocassin呢個先唔駛?

https://www.instagram.com/p/DH8fDOtzcRE/?utm_source=ig_web_copy_link

想着可以着，想唔着都可以唔着。

其實有冇人實測過 唔着襪對鞋係咪會臭？
定係其實鬼佬會少啲腳汗？

呢排想增進吓西裝知識
想了解多啲做工/意大利英國唔同流派上嘅分別
想請教吓牛巴同呢個page嘅其他師兄
有冇咩書/blogger值得睇

(btw想多謝吓咁多位師兄分享做衫嘅經驗，入咗坑一兩年玩得好開心）

唔關鬼唔鬼佬事，就算亞洲人本身都有人腳汗大，但係有人冇乜腳汗。至於臭唔臭呢個問題，其實有好多鞋履除臭產品，想平就去淘寶，想用得安心啲就買日本嘢，大把選擇。

THX , 其實想問下, 見你地鐘意經典男裝,但點解好似比較少巴打會買經典名牌 eg Amrani , Zegna... 而睇男裝雜誌都會介紹佢地西裝好經典,點革命性, Zegna紡織技術如何...

因為好多雜誌都係鳩噏

但時裝史男裝書都會提amrani西裝如何點，又亂講？

另外，言下之意Amrani zenga西裝/布/剪裁，唔及巴打們去開d裁縫店？

唔好曲解我意思，我話啲雜誌鳩噏，係因為佢地出稿前真係好少再做fact check，暫時唔係好得閒打長文，但雜誌多faults information唔係第一日嘅事。

然後關於第二個問題，講文化同風格推廣黎講，Armani 係有好大影響，50-60s soft tailoring普及化（雖然發明個做法嗰個裁縫叫Cesare Attolini）同80-90s Power suit嘅流行都有Amarni嘅推動。但記住Amarni主要係做RTW，剪裁方面嘅personalise係無可能同一線裁縫比（講緊價錢差唔多嘅情況之下）。

Zegna本身就係做紡織，布黎講high end嘢幾好，係有少少overprice，MTM同成衣佢地啲衫唔少都係溫州夏蒙做（當然佢地有自己專用生產線），標準化生產。

如果你用fashion history 同影響力去比，Amarni同Zegna當然係有佢個地位，始終大集團錢多。但如果你齋睇件product apple to apple，就大把裁縫鋪好過佢地（講緊西裝同恤衫）。一件貨品嘅價錢往往包含左一樣嘢叫「品牌價值」，咁你咪自己諗下佢地個品牌溢價佔貨品價格幾多囉。

玩Classic menswear其中一樣入門功課係學習點樣遮住個牌子去判斷件衫、塊布嘅品質。

牙Mark、Die! Workwear、Fabio

thx , 太約了解你地唔買超級名牌西裝原因

WWC within your budget, as long as you dun pick expensive cloth

想問下各位師兄Piccadilly 啱唔啱扁平足？

Unlined 嗰款

唔啱

有冇巴打可以分享下珠邊既知識

睇唔同既西裝有好多唔同珠邊既做法 有啲subtle d 有啲立體啲 ，好似有唔同既工藝

但上網唔係好搵到相關既知識，想同裁縫溝通都唔識

好複雜咩 手珠或機珠。Style可以係明珠/普通珠、單珠/雙珠，無了。

明球 普通珠 係咩意思？
有冇話咩物料岩用邊種珠？

明珠即係明顯啲嘅珠邊，粗啲線，線同布之間有色差。


普通珠邊咪正常平時會見到嘅珠邊。


單珠一行，雙珠兩行。無關咩物料事，鐘意個珠邊出啲咪明，唔想佢咁出咪普通。