【過馬路要小心】經典男裝討論（58）【皮鞋、西裝、皮件、配飾】

多謝分享

其他野被呃可以去消委報海關，但訂西裝被呃只好自己硬食=當交學費

又唔可以話一定要「硬食」嘅，如果你訂嗰塊布，俾左錢但佢俾第塊平嘢你去蒙混過關，呢啲係絕對可以報海關；但例如話你覺得唔啱身、但店家堅持係啱身，咁呢樣嘢就會變左口同鼻拗，好難告得入。

情況就好似你去餐廳食飯，哪怕難食你都無權唔俾錢，除非係食物貨不對版（同你講A5和牛但俾左阿根廷牛你之類）或者出現食安問題，先有得告。

你諗下，荷里活800蚊包恤衫又叫自己做「訂造」、Sam’s Tailor打屁股專員又叫自己做「訂造」；咁到底呢啲「訂造」同陳記、詩閣甚至一啲國外大裁縫嘅「訂造」有咩分別？點解價錢分別咁大？就係我地要研究嘅嘢。

本身消委會同海關啲例好多都寫得好含糊，呢個不可避免；外國有Haute couture嘅協會，入面有定義咩叫高級訂製；英國Savile Row都有協會，都有為「bespoke」呢個字去定義。但其他地方無呢樣嘢，間間都話自己bespoke、高級（唔止香港，大部分地區都係咁）。

咁呢啲情況，作為消費者就只可以自己做功課。現實係咁，無計。

又唔係咁講嘅
如果平時去食飯，俾個侍應水左
個侍應話好好食，你落咗單，但係你都唔鍾意食
佢係比足料你，冇食物安全問題，都冇得報海關啦

想問下意見 第3&4 套suit 整深灰同啡 諗緊notch定peak lepal 好d?

個人覺得peak lepal 靚d 但爬文好似要高管同formal先carry到 🙏🏻🙏🏻

朋友，你個post無圖

唔好意思 🙏🏻 想做呢隻布 不過黎緊去tailor made 除佐上而講 （高管/formal) 我膊窄 會唔會都carry唔到 ?🙏🏻🙏🏻

膊窄可以落個薄pad，extend少少再做roped shoulder，就會好啲。就咁單睇張相，件衫俾人嘅感覺偏向有少少造作，亦係點解你望落去會覺得好似高管先carry到，不過個人口味嘅嘢最緊要自己鍾意，搵自己style 呢件事情上係要有好多trial & error，加油。

所以時不時都有人話標題應該分返開high end男裝討論，有時係一個講緊邊架豐田錢七好渣，一個就渣開波子，行埋嚟話乜toyota都算係車？其實大家個期望都唔同，講嚟冇乜意思

好似牛肉乾呢啲玩開high end嘢，見到啲人討論低價位嘢係會有啲眼冤。一啲預算有限既新手巴打見到佢咁講嘢，又好自然會覺得啲答覆mean。但有啲嘢唔係冇道理，尤其如果你有能力一路upgrade上去，審美能力慢慢提升，就會後悔買咗啲唔上唔落既嘢，到頭來更加浪費時間金錢

當初就係睇過呢個post，咬緊牙關直上wwc同eg。老實講，今時今日都係嫌貴，埋單嗰吓牙都痛埋，但唔後悔。

佢啲手工算ok，lining同鈕門嗰啲details都合格，但歸拔唔係太得
買過MTM個fit都唔太掂，嗰陣連個袋都車歪埋要佢再執過
even佢ig啲staff相有時都炒炒地車，不過幾鍾意佢啲審美，我會攞佢啲style去返香港舖頭造

新手又問下野，作為新手最主要問題係自己都唔係好知道自己想要咩，舉個例，自己覺得順眼但原來根本係衣不稱身

淨係買過g2000老西，黎緊想真係造一套3件頭for pw同big day，但完全0認知真係唔係好知點樣溝通，因為本身就無concept點為知好嘅fit 或者揀咩布比較啱之類

又或者交比鋪頭發揮，但睇完ig圖又唔識分店同店之間嘅分別，變左連揀邊間試都無咩頭緒，就當入門係DB/BT,價錢差不多, 就算2選1都唔識揀

預2000鬆一件budget會好d，如果三件的話，強烈建議起碼一件可以試佢地d house料

我都唔知依家去到二千一件起跳咁貴

俾少少時間我，我試下可唔可以幫到你。

唔該你魚蛋巴

謝解答

house料會平d，選擇亦都好多，你同佢講佢地就知

第一次做恤衫，純白同淺藍非常好啊，穩陣之選

要返到屋企先至可以打長啲，等魚蛋巴打答咗你先我先睇吓有咩要補充。如果純粹講一件衫係唔係good fit的話，文字上嘅解答可以參考吓link入面呢篇，係我當年仲有寫blog嘅時候訪問陳記嘅你問Patrick、Arnold答：

【持續更新】經典男裝（皮鞋、西裝、皮件）討論區（45）【禁嚴伸手】
https://lih.kg/uqENeGX
#690 回覆 - 分享自 LIHKG 討論區

如果你自己visualise 唔到，可以參考下下面幾張圖，留意番下面圖嘅係最ideal嘅情況，簡單講就係，領要貼、袖要順、背要平（上背兩側可有drape for movement，not necessary to be clean like this）、褲要直；扣鈕後無拉扯、衫褲無奇怪嘅拉扯皺褶，呢個係最高標準。

但係因為每個人唔同嘅生活習慣同身形，絕大部份時候都唔會咁ideal，有啲人盆骨前傾/後傾、高低膊嚴重、長短手、長短腳、盤骨不正、大肚腩、過度健身胸腰臀比誇張 etc. 都會導致一定程度上達唔到最clean嘅效果，夾硬做唔係唔得，但係會嚴重影響活動，個人唔建議。請參照返自己實際情況而定。

同埋Disclaimer返孖襟fitting張相，係我10年前去陳記做衫時嘅fitting，件衫係太短，但係係當時我年少無知嘅要求，唔關陳記事。

褲：


袖：


背：


前身：


我手頭上冇乜呢啲企定定喺度嘅相，將就吓先。Styling wise同唔同舖頭嘅風格呢啲嘢就太複雜，同埋個人口味成份好重，留返比其他巴打講。

Thanks 巴打

想復刻Michael Corleone件corduroy jacket，可以點同tailor講? 如果唔隊張相佢睇既話

Late 1970s Giorgio Armani style soft constructed jacket in corduroy (slightly padded on shoulder), loose fit.

Btw 之前講過幾萬蚊都可以炒車，諗返起前排有個朋友send Huntsman HK trunk show d fitting ig story俾我睇，講緊六萬蚊一套起錶，雖然件衫未起貨唔應該judge得太多，但係第二次試身咁求其，連pin針都pin唔正，喺我眼中同炒車其實冇乜分別



所以你話，作為消費者係唔係應該要自己稍微做吓功課？