【過馬路要小心】經典男裝討論（58）【皮鞋、西裝、皮件、配飾】

謝魚蛋兄
問咗陳，都係真係歐筆，要三萬尾
可能調動筆直，tux做平少少，套三件頭做貴d啦

你放心，你咁多年嚟講嘅嘢一搵就搵到🤭

問問題唔該Google咗先，搵唔到答案就係人嘅問題

就咁直接講一間鋪頭名的話，我會建議ching可以上去prologue了解下，佢地做得好多tux，都做得幾靚，同時係styling上面都會有唔少值得參考既建議，未必一定幫襯佢，但係值得了解下

見最近又係度嘈交，再講多幾句，建議大家可以係參考完之前post頭既資訊之後多d「走出去」

「走出去」一開始可以係ig睇下相，睇d客既上身圖，如果有著住件西裝郁既片更佳。

覺得唔錯之後，就可以真係「走出去」，直接上鋪頭，唔一定要幫襯先上去，去睇下老細自己件衫，去睇下員工既衫，試下佢地係鋪頭d版，如果呢個時候已經覺得佢地d衫唔岩心水，已經可以掉頭走。我講一講點解，我既睇法可能同其他ching唔同，我覺得所謂既「香港裁縫靈活」，其實都係係個大框架度做加減法，唔係真係變魔術，譬如一間鋪頭如果冇做開no front dart、一片背既，就算同你講可以做，其實出到黎炒車機會好大，又例如成日話去GY度做拿波里西裝，大佬人地GY你同佢講要無墊肩佢都會幫你加一層「好薄」既肩棉，做出黎既拿波里西裝硬掘掘，唔係人地擅長既野就唔好爲難人地啦，比你地老點左既師兄想表達下不滿又要人地po相自爆（呢段唔係講緊GY唔好，唔好一陣偷換概念黎屈我, 我係純粹講緊想做soft structure最好唔好去以GY為例既呢種擅長較多structure既西裝既鋪頭，又例如你想要好輕薄既胸樸、大身樸，人地鋪頭根本冇做開，就算變到魔術比你都係臨急抱佛脚果種質素）



外套來自prologue，大家覺得係咪好似之前d師兄講既咁「闊袍大袖」呢？，even係網上，每個人既留言都有自己既立場，多d自己 「走出去」吧！

咁你都幾玻璃心下

想講其實當年GY接好多大陸客，專做拿玻里style，啲人拎埋啲名店嘅衫俾佢抄，train左佢幾年都抄到八九成似的，只係一般人可能唔知呢樣嘢。

其實真係每個人唔同，試過先知，但呢個過程好貴，依家睇番又唔滿意前幾年整既衫
本人新手 21年先入坑，有去過po 頭講既鋪頭，唔係話唔好但又未到超岩心水。最後依家最多幫襯一間po 頭冇既細鋪。當然一分錢一分貨 但覺得都要慢慢同個裁縫磨合，慢慢佢先知你要咩。細鋪好處係佢有時間慢慢同你傾，有啲鋪頭紅左太多生意太忙了。

我淨係想叫新手睇路囉
牛肉乾日日喺度帶風向 郁啲就用千字文同你拗 冇人有佢咁得閒千字文回應 最後就搞到呢幾年得佢講冇人講 討論吓都要俾佢屌 自然冇人出聲

怨婦你要曲解我講嘅嘢我無計。如果連平嘢無好呢樣咁現實嘅嘢都接受唔到，咁我戥你可憐。

口味嘅嘢真係人人唔同，但係偏偏又係最重要嘅其中一樣嘢。擺上網講可以客觀去平嘅只有手工同埋fitting issues，所以你話要揀幾間嘢出嚟推薦俾新手咪話唔難。

就好似我阿媽基本上唔食生嘢，無論間壽司舖做得幾好，佢都係會覺得唔好食、唔想食，每個人都有自己嘅需求，出去走一走轉一轉做吓唔同舖頭嘅經驗真係好緊要。

如果連你搞到西裝po冷清嘅現實都接受唔到，咁我都戥你可憐。

又唔見我唔講嘢嗰排旺場？最旺場嘅時間係我寫文最多嗰陣喎唔好意思，睇嚟你有少少認知障礙。

我係好同意大家多啲走出去，睇多啲，有錢的可以試多啲。
了解每間店的長短處，呢個係一個幾有趣的過程，當然亦係一個幾花錢的過程
相對於幾萬蚊一套成衣（Lavin, Brioni, Dior）嗰D，我覺得香港裁縫係仍有競爭力的。大家不如諗下下一套訂乜，好過互揪

我冇人身攻擊過牛肉乾，相反佢不停言語辱罵我，「八婆咁喺度廢噏」、「腦袋邊度出左問題」、「怨婦」、「認知障礙」，公道自在人心

我覺得個po 唔旺唔關大家串唔串事
我半新手既角度覺得係呢度講既野有啲extreme, 一係就全新手，一係就好深去到tailor 級別既內容唔係唔好，但太深唔識討論
如果大家分享多少少style or 布料上既野，呢啲易明啲應該大家會討論得容易啲，門檻冇咁高

你試吓講啲新手平嘢囉，或者試吓講小熊哥啲布，西裝反駁隊即刻衝出嚟反駁你。

討論po頭以外嘅西裝舖就係打手

我已經諗好黎緊三套係咩

我嘗試吓寫啲嘢咁。

我自己就不嬲都唔參與互片，大多數都係剝下花生，或者做下和事佬，當然仍有人話我係打手
大家想討論乜布料，我來同大家討論下，討論得高興的話，開返團都有得諗
除鬧交外，呢度最旺是開團

你快啲寫！

唔洗麻煩你啦，其實咁多年都已經有好多西裝資訊嘅文章，相信你教完大家之後大家都識得google。討論區應該討論，麻煩唔好再用老師嘅角度教大家🙏🏻你越鍾意教大家，呢度就越變成你口中嘅你問我答🙏🏻

知你有錢，我認我窮

早幾年新手入坑之後就無再留言過
但見到有人不斷發表啲咁精采嘅留言就忍唔住湊下熱鬧

雖則連登比起以前高登多左唔少低齡用戶，但其實入得依個po 嘅，年紀上都唔細得去邊。咁大個人自己過濾下啲內容，啱唔啱睇嘅自己碌過又好發表下意見討論下又好，何苦咁執着要cap 返幾年前嘅留言又cap埋Threads上面嘅內容，唔知係真係爆人料定借刀咁仲要內容係同男裝無關係嘅野，咁大仇口不如另開一個po 聲討佢，去搵人同你圍爐取暖。再唔係不如用下連登嘅功能block 左果位會員一了百了

希望可以睇返啲男裝內容繼續學下野

問題係得佢講冇人講…咁不如睇返十年八年前香討啲po…

無人講咁你咪自己講囉，冇人阻止你講嘢。你有你發言嘅權利，share 自己outfit又好最近做左咩衫都好。