長崎，就係咁舒服。
一去到長崎，拿拿臨Check-In咗先，事關時候都已經唔早啦。樓主喺長崎揀咗間近中華街嘅酒店，叫
CANDEO HOTELS長崎新地中華街。
骨緻，相當骨緻。
Check-In完安頓好，都準備入黑。一切按原訂計劃，過隔離中華街打過轉，試埋中華料理，再上稻佐山睇夜景。
長崎新地中華街，號稱「日本三大中華街」，同橫濱中華街及神戶南京町中華街齊名。樓主今年年初先去過神戶南京町中華街，食埋老祥記豚肉包，當時雖然覺得中華街好細，但都幾有氣氛。不過長崎呢條中華街
，只可以講好冷清，首先好細，基本上就係一個十字路口就貫穿成條中華街，其次人煙稀少，可能係平日啦，而且好多食肆都無開門。行咗轉見無嘢啱食，就果斷轉場。
嚟到長崎，除咗中華料理外，樓主仲有一間幾想食嘅餐廳，就係
思案橋ラーメン。之前上網見個個講呢間餐廳，都係話福山雅治每次返鄉下都會返嚟呢度食碗強棒麵。既然咁，試試佢囉。
馳名中外嘅強棒麵，其實樓主有少少怕，事緣細個阿媽煮午餐就係咁，淥個麵，加少少椰菜、鳴門卷，沖過清水湯就叫雜錦麵。
不過呢個湯底就入味好多，可能因為我第一印象好差，所以食落反而覺得有驚喜，不過未去到非食不可。
店內另一名物——關東煮。牛筋腩、黑輪條、蘿蔔。同平時食嘅關東煮有少少唔同，可能因為煮嗰陣連埋牛肉一齊炆，所以蘿蔔同黑輪條都有牛味，奇怪嘅係牛筋腩反而無。
炒飯，樓主認為三款入面最好食嘅一樣。樓主如果同朋友喺日本食拉麵，有炒飯嘅話通常會叫一份。(叫我「碳水之鬼」
)思案橋呢個炒飯比較似港式頹飯，有蟹柳、炒蛋，伴少少紅薑。就咁食可能偏油，但加啲強棒麵湯撈埋又幾好食，建議去食嘅巴絲可以考慮「強棒麵+炒飯」呢個組合咁食。
以上三款食物加兩枝日本生啤，三個人平均分，每人埋單¥1,600。
思案橋ラーメン
地址：長崎県長崎市浜町6-17
: 樓主．
: 樓奴朋友．
長髮武士朋友
：師兄你樓都買埋，不如今年起行呢，唔係遲下你好似楊冪咁「我有樓供 等一下」，又結婚又剩，等下等下，咁就真係一世都唔使去
：咁行囉 係咪個個都得先
：行啦咁 等咩啊
作為日本第一餐，當然要食好啲，玉子叉燒全部加配不在話下啦，一坐低唔夠3分鐘，就已經有得食了。
一上嚟嘅時候，樓主同長髮武士朋友都忍唔住講呢句。本身樓主就幾好啲濃味嘅肉類，例如羊肉咁，一向都覺得係愈騷愈好食，所以呢碗拉麵就完全符合樓主口味：湯頭濃稠，雖然未去到佢自稱嘅「豚骨Cappuccino」程度，不過麵條條條掛湯；湯底濃郁，未食嗰陣，小騷嘅豬骨味撲鼻而至，但食落就唔係好覺騷味，而且難得嘅係，每條麵都幾入味。惟一同樓主唔夾嘅可能就係佢麵身偏淋，我本身就鐘意比較彈牙嘅麵條，呢碗相對就軟身少少。不過，等15分鐘，俾¥1,350就食到嘅話，無得點挑剔啦。
，發現如果坐JR由福岡去長崎，真係要喺武雄溫泉站落車，再去對面月台轉一轉(但明明係一條線直去)。
原來背後係牽涉到JR九州同地方政府嘅金錢角力。簡單而言，就係起一條新線，對比宜家，佐賀縣係無著數：時間上，去博多係快咗15分鐘，但金錢上，佐賀縣政府就要每年額外俾多2億幾去維護。正因為咁，佐賀縣政府當然就無興趣參與新幹線計劃，而正正因為JR九州同佐賀縣政府仲未傾掂數，就導致咗今次旅行第一次小意外嘅發生啦。
：GG啦，我好似唔見咗飛
：搵下先啦，話唔定喺銀包呢
：喂等等先(驚佢過去搵嗰陣會關閘開車)，我陪你去門口集住個車門先啦，唔係等陣去到長崎先見返你就真係載入史冊啦
：唔通，係我嘅？
，所以去旅行嗰陣唔係影咗太多相，導致我宜家好多位想用相但發現無相嘅問題。
：知唔知今次旅行嘅關鍵係咩啊？
：(手指向對岸幾盞燈嘅方向) 係心，密碼係心。
雖然Plan呢個十年之約嘅時候，係完全無諗過嚟散心，但望住眼前呢片無垠夜景，身邊又有兩位好朋友，居然有少少放低咗心態。既然人已經喺日本，再擔心工作都係無補於事，咁不如開開心心玩盡佢，返香港再睇下可以點部署。
活在當下好重要
