胡思頻道 vs 鬆仔

唔知你想表達乜嘢, Google做乜鳩

只要經歷過當年LOTR入境問題, BNO Visa入境問題, 就知道政府官網寫乜, 前綫職員都未必同步

再quote乜柒乜柒, 只係表示你so far咁耐只係好運啫, 唔係你有幾醒

我又唔介意佢收介紹費嘅
搵食唧，犯法呀？

但佢專業係天氣
大家非天氣嘅野就當佢維園阿伯咁自己耳仔過瀘下

Follow the money
邊個成本效益高自然多人用

成日pro 電車solar Panels
唐唐話事：要計到數先做

Back to original
ETA 呢單野
問題在：「航空公司點處理」
home office 要比到指引航空公司
航空公司佢地就照做

Bn(O) VISA 英國係比你入境無問題
但航空公司身在有國安法嘅地方
Which 話 BNO 唔係合法旅遊文件

唔知件左膠胡有無睇到工黨個 carbon capture investment

真心癡線仲要掟 200 億英鎊去搞，你掟去 hs2 起埋佢再駁番上蘇格蘭，就算之後會蝕錢我都起碼有條高鐵試下

作為又 pro 工黨又 pro 環保偽命題既胡思知唔知就連實驗室環境既 carbon capture 技術其實完全未成熟，更何況係現實要考慮成本問題？

咁樣嘅, 先利申, 我唔buy 工黨. 不過, 我都希望用較公平嘅方式去講呢單野.

工黨原意係好嘅, 最小係基層角度黎睇. 就係用有錢嘅人嘅tax , 擺番係窮人個度用. 心意我理解. 不過執行上佢地係白癡黎.

好似你要加20% VAT 係私校到. 原意係諗住有錢人讀得私校, 即係有錢啦, 咁不如我tax 你, tax出黎嘅錢就擺番俾窮人用咁. 問題係, 個d 人見咁貴, 有一個sizable share 嘅人會俾啲仔女去番讀state school. 咁變左錢你就無收多到, 反而谷左好多人去state school. 你係增加左教育經費.

佢啲新嘅政策係有呢啲問題, 就係無諗清楚個政策執行嘅話, 係咪所有條件都會完全不變咁俾你tax. 問題係"人"係會變, 你嘅政策執行後, 未必可以收得足你要嘅tax, 而且會令到你係另一個袋俾番突. 工黨好多case 都係咁.

佢地嘅政策對中產同投資者係完全唔friendly, 咁自然會減低對英國嘅投資, 變相係會變得更窮, 成個國家咁睇. 都係個句, 佢地心意我明, 不過執行上係無諗過連瑣反應之後係咪真係會賺囉. 而投得工黨嘅, 一係智力係有問題嘅左膠, 一係未有相對應嘅學歷去理解背後個連瑣反應, 直至件事攪到自己啦, 先知仆街啦投錯人. 就好似家下英國d farmer 話工黨背信棄義就係咁嘅原因.

你成段嘢最大嘅問題就係工黨有冇將收返嚟嘅稅用喺窮人或者基層身上呢一點

咁啱，上次財政預算案係冇講過點樣用

我同意嘅, 政策係一件事, 前線又係另一件事.

我黎個陣係剛剛出bno visa 無耐, 我就到左uk. 我入境個陣, 無一個前線知我係乜野visa. 係無.

攪左好耐先入到境.

所以不論官方點講, 係前線根本唔撚識, 所以最少下年頭3個月, 我唔會建議任可人番香港. 由期係有細路而個細路得特衰護照.

真係會先算，天然氣升，電費又咪一樣跟住升。電費都有燃油附近費，電費咪一樣同燃油掛鉤。 再生能源產能有排都cover 唔哂demand。 再者你估再生能源係money free 咩，係 carbon free 咋，運作維護成本都唔會平幾多，短期內再生能源電費都唔會平得過燃氣。 anyway, heatpump 成本都未成熟都可以大規模入到屋，政府物業自己都未有錢換heatpump, 你叫小市民點換。 money driven 唔到嘅就係失敗嘅 proposal。

終於有人提 carbon capture 技術未成熟，carbon capture 仲係理論階段。 一般未入practical 未可以實行嘅技術，因為未必一定會商品化到，通常都係研發團隊自己搵商界R Funding 用，如果技術成熟到一定地步可以實現，商界點會放過。唔應該用公共資源去資助無保證嘅投資，尤其係公共收支未平衡到。最多你咪用稅務優惠方式，政府提供土地去支援。

我上網過quote 過，減埋補貼都要差唔多8000-10000萬英鎊。 contractor 一般見到呢啲有政府補貼嘅生意，九成會再mark up 高啲，所以嗰啲資助至少一半會落咗contractor 袋，唔會100% benefit 俾錢嗰個。 本身combi boiler 好地地，gas 又平過電, 咁用錢衡量又無必要俾錢換heat pump 。 當然如果唔諗錢，heatpump 係100% 好過 combi boiler 。

因為香港人工平稅又低又近個個比英國凍比英國熱又會地震名叫日本既國家輸出家電

我諗就算西門子同 bosch 無一檔夠東亞國家黎係事實，唔計日本淨計韓國 samsung 係呢方面追得好緊，一直日本大牌子如大金、三菱都係英國識貨之人既首選而唔揀德國牌子

去過唔同英國好有錢屋企人屋企部 heat pump HVAC 都係三菱、大金、hitachi，個個用過都讚不絕口

慳唔慳到錢就另計，如果你個電費 tariff 係有免費時段甚至係會用電 credit 你就可以慳到下快啲 break even 初時既動工成本。用上面講個啲大牌子正常玩到 5 年左右

仲有見過啲係成屋除左天台外都加左太陽能板，仲要係 2018 2019 個時收左好多電池組放地牢可以玩到賣電比公司再全年交勁少電費

問題係而加叫人玩 heat pump 個動工成本好高，所以一無補貼就死得

唔係直接同octopus 果d quote咩？
胡思有條片show埋單好似千幾搞掂

其實製暖面積愈大，heatpump 愈著數，大屋配heatpump + Solar panel 係黃金組合。 香港用開嘅冷暖變頻係細火數，因為只需要整熱空氣，英國heatpump 需要整熱埋熱水再供暖，所以火數要求大好多。 日本牌子製造heatpump 都強，不過大系統始終對一般家庭嚟講都係貴。仲有heatpump 響英國夜晚咁淨嘅環境，如果鄰居住得近，其實係好L嘈。

天然氣費先係影響電費既主因

gas turbine 係所有先進國家入面做發電係最理想，因為反應快輸出高熱效率又高，用黎填補風同光能發電不足，甚至係核電都唔夠時既空間

而且咁多年發展 gas turbine 儲存同運送技術好成熟，所有燒化石燃料中 gas turbine 係最高效能又低排放

所以發電廠好主力係用 gas = 天然氣價就係影響電費

美國啱啱又打風又寒冷天氣，就即刻將 gas 推高，但戰爭因素都開始遠離之下同埋 12 月開始到反而會回落，除非連東方戰場都打埋先講

另外基本因素上 trump trump 上台鬆綁石化能源開採又再進一步打壓包括天然氣在內既價格，影響民生既呢啲野都應該差唔多會回落

仲未計美國已經講明會出口液化天然氣比歐洲去穩定價格

heat pump 無問題，問題係邊間廠做同邊啲人安裝，呢方面我只信日本廠日本製，至少我見幾戶有錢人佢地裝左幾年非常滿意而且電費計佢地屋企大小同用量係平既，但小市民唔好諗，繼續燒 gas 簡單好多，加強室內保溫就真係又有效又價錢付擔到既方法

所以話搵能源公司quote, 會平過出面contractor

Octopus Energy's 'Cosy 6' is a 6kW heat pump. If you get the £7,500 grant, and no additional work is required to your home, it won't cost you a penny. If additional work is needed, it says costs start from around £3,000.
Ovo Energy has partnered with Heat Geek to install heat pumps from £500 (including the £7,500 grant).

我又唔覺得heat pump會好用過combi boiler, 即開即熱唔洗處死式係完勝
唯一最大要諗既係2035 gas boiler ban, 之後壞左就焗住換heat pump/electric boiler
其次既係會唔會新加natural gas tax增加成本
反正個grant去到2028, 未壞就諗都唔好諗

最大問題係heat pump去唔到太高水溫, radiator用都仲頂到, 沖涼用埋就整大個水箱
只為radiator既話真係不如裝冷暖氣好過

咁money driven 小市民好大機會都係裝 electric boiler , 你估個個都俾到咁多錢出嚟咩。好多本地打工仔啱啱圍到收支平衡，工黨新財政又cut bus subsidy , 搭公共交通班市民又要跌多啲錢。 同埋唔係個個本身用gas boiler 單位個電箱都夠電俾 heatpump 或電熱水爐㗎，除時要俾錢upgrade 埋。 講到尾工黨要威要型做net zero, 但代價就小市民埋單，佢一蚊都唔俾，一啲腦力都唔駛諗點實行。

搵個空間放個水箱先難, 大過隻gas boiler咁多

6kW 係input 定 output 先？如果係6kW output 係好細火數，唔多夠用。
6kW input , 單相要30 amp, 三相要10 amp 。隨時仲隊爆埋要加大電箱。
公司最近做咗單project 幫橦舊大廈換heatpump , 班mech 佬以為好慳電，點知完工一運行就跌大掣，煩咗我一排先攪掂。

工黨/環保塔利班：「呢個係你問題，總之唔用heatpump 你就係錯。」

6kw output, input都係13a內, 而夠唔夠用就要睇你埋間屋同幾多人
舊式electric storage water heater都係3kw, 做大個水箱就解決到

但室外氣溫凍，air source heatpump COP 做唔到4咁高。 6kW output 冬天未必出到6kW 。 要預埋佢derated .

記得之前睇台仔heat pump, 都係話太凍果時效率差過電熱器 (可能講緊set高水溫果時)
所以出左d 二合一

Excel7ty