如果港幣同美元脫鈎…對香港有咩影響？

你明唔明咩叫掛鉤啊？就係印咁多港幣就要有咁多美金

我反而想知本地戶口嘅美元存款會點?
keep到? (銀行食晒貶值喎)
強制變人仔? 用舊rate變返港紙?

港幣脫左鈎差唔多可以講係國際市場無價值
入口貨會貴到仆街 本地貨會因為入口貨來價升都貴左
最重要應該外遊洗費+100%左右

匯率制度本身就唔係永遠不變，香港匯率制度都變過好多次。
依個世界其他貨幣嘅匯率制度都不時會改變。
香港經濟結構、環境同80年代已經有好大分別，喺我地有生之年「調整」聯繫匯率制度我唔會覺得驚訝。


會唔會大幅貶值，關鍵在於政府有冇足夠外匯儲備，同埋肯唔肯用外匯儲備去守。如果外匯儲備不足，咁就想守都守唔住。
如果外匯儲備充足，都要睇政府有冇防守意願。
如果想港元價值高啲，就要用多啲儲備去守；如果容許港元貶值，就唔需要消耗咁多儲備去守。

支那唔使再跪美帝，支那狗可以威番次

完全冇影響

仲唔駛俾人話靠美帝

唔掛美金 你啲外匯儲備淨頂到幾耐

牽一髮動全身
不論咩階層既人
都會有影響
你份人工 購買力 物價 資產 所有野都會巨變

同埋睇全世界信唔信你港元
信你港元既 影響當然係向好既方面
香港當年選擇美金
係因為美元係全球流通

睇吓到時有幾多外匯儲備囉，多儲備咪頂到，唔夠儲備咪頂唔到。

所以改鈎第二樣嘢嘅時機好重要。
要改鈎就應該趁仲有足夠儲備嗰陣做，咁改完先守得住。一開始守得住，然後先慢慢貶值，咁先可以有秩序咁收割。
如果等到冇乜儲備嗰陣先改鈎/取消，咁就天下大亂啦。

同人仔掛鈎唔代表一夜之間大貶值，要視乎用咩匯率嚟掛鈎。
例如而家1蚊港元大約等於0.93人民幣，就算聽日宣佈改鈎人民幣，佢可以宣佈用返目前依個匯率嚟掛。

（當然人民幣兌美元很可能會慢慢貶值，令港元兌美元都慢慢貶值，只係依個過程唔需要係一夜之間發生。）

脫得鈎就1美金兌20港紙以上啦

都係冇得估
但相信正常都會賣大部份避險先
因為預期港元一定係會貶值

改勾第二樣都唔係一個小嘅改變
要對香港政府同「勾第二樣」幾有信心先會strong hold？
可能由跌7-8成 變跌4-5 成
但就算再打個折跌2-3成都已經仆晒街

仲未計外國啲大鱷做空機構會襯機沽爆港元
香港政府嘅財政同外匯儲備而家頂唔頂到都成問題
要幾耐先復原到同復唔復原到又係另一個問題
以前都話阿爺可以撐下
而家阿爺都唔掂
呢個前題同大環境底下啲有錢佬仲可以有幾大信心？
冇人鍾意風險，有錢佬更加唔鍾意
拎去買金買美元都好過keep港元

另外就係改勾第二樣嘢嘅目的係為乜先？
同樣為咗穩定港元匯價嘅話點解要改勾
如果目的係為咗唔再受美元影響嘅話
就要估算改勾可能做成嘅損失值唔值

如果同你講「改勾港元預期會震盪一排啦，但香港政府財政穩健，背靠祖国，好快升得返！」
你信唔信同接唔接受到先？
而家早啲走可能蝕多1-2 成
到時真係發生咗再人踩人走就唔知蝕幾多

估計1美金兌 20-30港紙，然後大家人工好似盧布咁加2倍，但層樓就計美金折港紙，本來500嘅樓變咗2000萬

你盤數都就爆煲
點解唔直接揸人仔仲要揸港紙

其實點解會係咁傳脫美金？
點睇鈎其他嘢對香港都唔會係個好選擇

執哂笠點返工？

去公園扮返工？

香港玩完囉，真係人踩人咁走，
本身好多仲留係到既就係因為係香港計返美金都算搵得多先唔走，
脫勾後實質收入大跌可能真係寧願去外國送外賣

即刻買機票走啦仲返工
佢炒你又平，你炒佢又平

反而唔明，啲人想要美金多過港幣，港幣唔係應該會跌？

外匯風險大左
逼住要做貨幣對沖
變相營運成功增加左
對規模較細既企業佢地好多時無乜能力搞依d野
更加大機會撤資

如果睇唔明上面講咩，咁你理解細規模外資都可能唔明，例如嚟開餐廳果d，可能就會離開香港了

一脫勾，市面肯定會逐漸用晒人民幣，最後港幣消失埋

連登仔撳幾個掣就可以將成副身家轉晒做美股，但係其他人冇咁容易轉。
好多資產嘅流動性都唔高，例如鄧成波家族啲商場可能叫幾個月，甚至一兩年先賣到買家。

你想像吓你係鄧成波個仔，本身你個商場叫價3億港元。
聽日金管局出嚟宣佈港元改鈎人民幣，但係唔會大幅貶值，叫大家放心。
你會唔會即刻將個商場由3億減到1億放出去呀？

同埋就算金管局真係宣佈港元立刻大幅貶值，資產都唔會賤賣出去。
假設聽日金管局出嚟宣佈港元大幅貶值，1美元等於15.6港元。個商場叫價反而會變6億，而唔係1.5億。

同澳門紙一樣無人要

都係換定D美金會好D