你係香港揸一千幾百萬只係一個中產都未到嘅人
但你去到出面揸一千幾百萬你已經係嗰到嘅富豪
你貼股市，但呢3 個地方股市價值規模最大已經係土耳其，全球排3X，但香港係頭5，價值大約係土耳其嘅25倍
物價嚟講全球香港都係穩占頭幾，土耳其阿根廷都唔太入流，更加唔好講津巴
如果係香港一個物業我按出嚟再做其他投資
同係土耳其按返一層出嚟再做其他投資
雖然土耳其呢幾年係狂升
但土耳其平均樓價大約唔夠一球港紙
香港樓價係人都知數一數二貴
借到嘅錢都會差天共地
一但出現資產價格下跌資不抵債嘅情況
做成嘅連鎖效應係會大好多
香港當你一層中價樓1千萬跌兩成係兩球野
但土耳其跌兩成咪廿萬
就算大家升跌百分比一樣
香港資產價格跌嘅錢係多好多
以前香港大環境好啲人狂掃好多資產
跟住再按上按出嚟再買
但佢地買嘅可能係幾千萬上億幾億嘅鋪/ 樓
一個就跌幾千萬
揸住十個廿個就跌唔知幾多億
以前槓桿開到咁大，點還？
普通市民一層樓咪差銀行一千幾百萬
人地有錢人咁多嘢可能借咗銀行十幾幾十億
一開波大家都睇會貶值會跌個撚個爭住賣
還唔起又會即刻比人收樓收鋪
啲銀主盤就開始劈
咁願意接佢地資產嘅人同有能力接嘅人又有幾多？
當然最後應該係會V型咁上返去直到搵返個均衡點
因為出面揸住美金/ 其他外匯嗰啲人見香港資產平咗咁多
資金會回籠返嚟買
但前題你要捱得過一開波嗰到嘅跌幅囉
但啲人一開波點知會跌成點會唔會一接又跌到仆街
又唔係幾廿蚊婆仔數，邊個敢接
香港樓都跌到2017 價啦
又冇呢啲脫勾咁嘅大事
點解都係升唔返上去？
人性囉，驚囉，人係追漲殺跌㗎啦
平個陣冇人敢買㗎喎，升到撼撼聲又衝出嚟接
你揸得嗰一層樓幾球嘢
對比返緊係婆仔數頂得住
唔好講到脫勾咁大件事啦
就咁呢幾年都冇乜事
咪就經濟環境差啲啫
而家啲豪宅呀工商廈都劈得勁好多㗎，點解先？
因為承托到又睇好後市嘅人唔多囉
你劈得唔夠深我唔敢接囉
流動性又低
跟住佢地以前槓桿大撚到仆街還唔到錢
割住都要賣囉
咁如果出現脫勾呢啲仲大嘅嘢
個個都驚啦
果班有錢佬槓桿開到咁大嘅可唔可以同你頂撚到10年8年等個市穩返上返去先
仲有政治考量呢？
當然一直個討論都係基於你話1:15.6 USD:HKD
所以揸HKD 個實際價值就會跌咗一半
咁如果最後係1:11.7 呢？
咁揸港紙其實就只會跌咗25%
有時唔好比百分比呃咗
你一百幾十跌10-20% 都係廿蚊頂得住
但有錢佬啲嘢跌20% 都已經係天文數
一個頂唔到開始劈，就會累撚到第2 個都開始劈
幾個一齊頂唔到就會一齊劈劈劈劈
呢到條數真係無人識計
