一人一個最快趕走租霸方法

岩岩起左你底，你依d人應該入去讀書會適合你

租客唔交租算唔算係一個合理理由cut卡？


第7章 《業主與租客(綜合)條例》 ── 第119V條 侵擾

119V.侵擾
(1)任何人如非法剝奪租客或分租客對處所的佔用，即屬犯罪，一經循公訴程序定罪 ——
(a)如屬首次定罪，可處罰款$500,000及監禁12個月；
(b)如屬再次被定罪，可處罰款$1,000,000及監禁3年。
(2)除第(3)款另有規定外，任何人 ——
(a)就任何處所 ——
(i)作出任何刻意打擾該處所的租客或分租客或其住戶成員的安寧或舒適生活的作為；或
(ii)經常截停或不提供為佔用該處所作住宅而合理所需的服務；並且
(b)知道或有合理因由相信該行為相當可能致使該處所的租客或分租客 ——
(i)放棄佔用該處所；或
(ii)不就該處所而行使任何權利或追索任何補救，
該人即屬犯罪，一經循公訴程序定罪 ——
(i)如屬首次定罪，可處罰款$500,000及監禁12個月；
(ii)如屬再次被定罪，可處罰款$1,000,000及監禁3年。
(3)任何人如證明他有合理理由作出有關作為，或有合理理由截停或不提供有關服務，即不屬犯第(2)款所訂罪行。
(4)任何人如被裁定犯第(1)或(2)款所訂罪行，法院除可判處刑罰外，尚可命令該人 ——
(a)向有關租客或分租客支付法院認為適當的款項，作為對該租客或分租客因構成該罪行的行為而蒙受的損害、損失或不便的賠償金；
(b)向政府繳納款項以供沒收，其數額不超過於犯罪當日，該處所在空置的情況下與該處所在前租客或前分租客管有的情況下兩者的市值差額。
(5)在本條中 ——
處所 (premises)包括處所的部分。

至於另一個有關住戶證的問題，可能是不少業主的煩惱，就是當租客欠租時，能否向管理處申請取消對方持有的住戶證，以迫使其準時交租？



原來根據香港《業主與租客(綜合)條例》，「任何人士如未得法院頒令而將租客或分租客迫遷，或企圖以恐嚇、暴力、拒絕供應服務(例如截斷水、電、煤氣等的供應)，或其他形式的干擾行為，迫令租客或分租客遷出，均屬刑事罪行。」



住戶證是租客權益之一



因此，住戶證作為租客的權益之一，除非租客拖租一段時間後，業主得到法院頒布的命令，安排執達主任上門收樓，否則業主無權取消租客手上持有的住戶證。當租客欠租多時，業主向法律人士諮詢後採取相應行動，嚴重者可向土地審裁處申請，以欠租理由要求收回單位及相關利益。當業主由執達主任陪同上門收回單位，以及涉及單位的一切權益，才是最正當合法的手法，而未經租客同意就向管理處要求取消對方的住戶證，則可能會被視為滋擾行為。因此，為免誤墮法網，對於欠租租客，實在不宜隨便取消對方的住戶證。
https://www.house730.com/news/22603/%E5%87%BA%E7%A7%9F%E5%96%AE%E4%BD%8D%E4%BD%8F%E6%88%B6%E8%AD%89%E8%AA%B0%E5%B1%AC-%E6%A5%AD%E4%B8%BB%E8%83%BD%E5%90%A6%E4%BA%AB%E7%94%A8%E6%9C%83%E6%89%80%E8%A8%AD%E6%96%BD/

呢啲問題喺連登問完全嘥氣
成班黐老竇老母住嘅小朋友 唔好話做業主就算自己租樓都未試過
喺度俾埋晒啲不切實際，甚至犯法嘅屎橋

其實係，好似上面位小朋友都唔知做乜9

非法分刑事民事?
非法就一定係刑事呀
佢話你係小朋友真係講得岩

叫人cut卡都有300幾正皮
你就知連登有幾多小朋友

但而家個case係租約已完
本身租約已完又無續約唔理你有無欠租都係使用唔到該住所架啦

橋就我諗，錢就係你袋

佢岩岩完左死約咋 仲有生約
完約都要簽終止合約書架

班小朋友真係以為今日完約，聽日就可以自己上去開門換鎖，如果係咁易就唔洗成日留住d好租客啦

無腦

入紙土地審裁出信
貼門口講知呢到兩至三個月
唔郁再入紙申請執達吏上門
攞住審裁處封信
先正式趕啲仆街出去
你都預半年啦
建議做定野慳返啲時間
識玩既搞你半年一年都唔算耐

利申 趕完都洗左十皮野裝修

呢度教人cut 卡、爆鎖

想問下如果完左生約佢未走，又扣哂按金，係咪可以拋佢D野出街

上唔到去，唔交租又點

要申請棄置令
唔係的話有咩唔見可以入你數

執達吏

咁到底租霸生約都完左，講明唔續租，幾耐先可以爆門入去？因為佢係進入左人地私人地方

業主與租客（綜合）條例講明任何人剝奪租客對處所的佔用，即屬犯罪，可被判處罰款及監禁，咁你覺得取消張卡係咪非法剝奪佢使用權

你搞錯一樣野，係要租客同意左退租或經過法律程序之後先係你既地方，否則你都係冇權入去

一開始唔知咪問
但法律就咁寫
「(3)任何人如證明他有合理理由作出有關作為，或有合理理由截停或不提供有關服務，即不屬犯第(2)款所訂罪行。」
如果租客唔交租會唔會係一個合理理由cut卡？

好似今日隔離post講的士司機拒載咁
一般而言拒載係犯法
但原來乘客有惡意都可以係合理辯解(#166)
https://lih.kg/DjRjcqX

咁當然君子不立危牆之下
明知可能係犯法就唔好做

https://www.youtube.com/watch?v=XLvxIASvQh4&t=24s

教科書式教學

cut card 當佢work ,你預左全屋D喉要大裝都得了

你都識講cut咗卡，條友最多咪喺街到整公家喉，到時就係管理層做嘢唔係你做嘢