［27］考緊26？你問我答 （58） 學神傳說

都唔係好bb
第一堂大家仲要分兩排並排排隊轉右兜圈, 喺中間分場頭同場尾開車（等前面學員過咗一段, 後面嗰個先開車）, 場尾開車嗰陣時基本上一開車已經要u turn, 啱啱叫做學開車, 都未有時間放晒極力子buildup 速度點即刻轉u turn唔落腳呀, 最後夾萬死就死一路轉一路畀油再落後brake一吓, 扯返個頭入彎跟住大膽畀油扯出灣先成功一次咁多, 爭啲啲就撞水馬

之後就完咗上半段入返房同你講轉二波再加埋打蛇, 阿sir唔好玩啦

同埋想問下九龍有無車谷可join? 渣左咁耐都係一個人

老強係咁架啦, 上堂學生個個水平不一, 啲阿sir都係好籠統咁講基本野
到最後其實都係要靠自己補鐘自練
同埋好多時上完ABC堂一星期左右就要考(我之前係)
都唔係好夠時間練添, 不過好彩都1take pass到老強

如果老強package 平一半或者多一兩堂就係BB級

三堂chur住咁上衰咗就跌幾千蚊，心理會好唔平衡

利申 第2堂已經舞龍都要畀錢補兩三堂

但大家都係學神黎渣wo

你當我被害妄想症, 上完一堂就覺得呢個強制啲係駕駛學院有計劃屈你錢
強制一定要駕駛學院學, 嗰三堂佢哋盡量教得越少越模糊越好, 唔畀時間你養成肌肉記憶, 你越冇信心對佢哋嚟講就最好, 你唔敢唔瘋狂補鐘, 你大膽唔補乜鐘走去搏仲好, 肥咗返去你畀錢佢畀多個補鐘plan再斬一鑊, 強制冇得揀跟其他學

第一堂嘥時間powerpoint講啲咩帶頭盔, 介紹駕駛學院嗰啲, 都唔講基本嘅開車理論, 冇學過棍波46嗰啲根本唔知自己做緊乜,淨係緊張我哋成班都冇買路試套餐, 我覺得我呢個決定係完全正確,就算我覺得路試考官可能會對駕院學生鬆手啲, 路試我應該都會搵返街師傅學, 佢哋幾hea都應該唔敢唔理啲學生, 口碑差就冇生意

真係好慶, 學完我同隔離個同學傾大家都覺得好似冇教嗰啲乜嘢, 介紹下就租個場同車畀我哋自學, 你話唔明可以走去問, 初學者嚟講好多時聯問乜都唔知淨係知自己做唔到個動作, 我試過問佢點先轉到彎佢先講個重點出嚟, 都唔會話走埋嚟睇下你轉成點
要上youtube瘋狂補鐘, 消化下琴日自學啲嘢, 下一堂又話要嘥時間教埋唔使考既原地八字and行獨木橋, 可唔可以唔理佢自己兜圈唔想畀佢嘥太多時間？
而家就好似以前考公開試咁學校個老師求其跟syllabus教曬啲嘢就算你想考試過就要出去搵人補（而家26仲衰佢直情好似hold住曬啲嘢唔教）

夾實油缸 壓落去

就算個3堂咩都教哂你 你都係要補鐘
好少人3堂唔補去考pass到

你一波慢慢轉完個彎去大直路先2咪仲好

第一堂上完 都諗緊轉唔轉自動波
第2堂上完 諗緊我係咪真係適合揸電單車
第3堂上完 開始有少少好轉
補完第2堂鐘 老強個part已經上哂手

平地八字老強係唔考
但你唔練好你連斜八都唔洗諗

根本無人話過上完老強就考得
一定係要你補鐘先去考
你考公開試都唔係上完堂就去考架啦
你都要溫書操卷
只不過而家資訊發達好多pp上網有得搵姐
你搵到部電單車同無人既地方你都可以免費操車架

2波轉灣嘅優勢係灣心開油收油唔會太Chok
加速係緩緩咁去，容易控制好多
同時油門控制唔洗太細緻，扭大咗都唔影響。

難度係，黃格起步你左手嘅轉波動作要好順暢好熟練。
黃格到第一個灣個距離咁短，
要爽手起步一放哂極力子就上轉數轉2波。

1波轉灣就簡單啲
起步之後淨係控好架車堂軚同油門/剎車

難度係，如果速度控制得唔好，太快/太慢嘅話
灣心要再開油，右手油門要好細膩咁扭，
扭大咗就會Chok/指咗架車出去。

有人轉波動作好熟練但油門控制未夠細，2波會易啲，叫做避開咗自己嘅劣勢。
有人1波控得細緻，但轉波操作未熟練嘅，咪留返直路先慢慢轉。

兩個方法都適合唔同嘅同學，難度嘅位都有唔同
自己試完再揀最實際

你講嘅嘢大家都一樣有經歷過
其實大家都係一樣咁樣開始學習電單車
You’re not alone

幾時上堂係你自己安排
留意返強制ABC堂係教學，唔係俾你自練

學神車group囉

對唔住都要講句，你真係好似一個怨婦
就算之後路試你搵出邊嘅師傅咁又點？
你都係跟師傅出去兩三堂，之後你咪一樣都係瘋狂補鐘自己練習
情況同老強有咩分別？

要養成肌肉記憶，唔係上堂做，
係自己練習嘅時候做
你唔係諗住上晒ABC堂就可以夠技術去考試呀嘛？

獨木橋你可以唔理佢
原地八字其實係幫助你左轉同右轉交換協調平衡
強制試唔考，但係都係你將來必備嘅技能之一

收起你嘅怨氣，睇多啲YouTube學習
尤其是之後路試其實都係睇片認路
一路睇一路坐喺屋企模擬手手腳腳嘅動作
邊得嚟瘋狂補咁多個鐘，唔使錢咩你估

係
本身見好多人話6-8k搞掂曬全部
補下補下都過左萬
不過有度好，26重考極都可以係同一個考場
46一肥 派去左第二個場
唔上番4-6堂真係唔洗諗住pass

約出黎一齊租車既車gp?

敬德街晚上快閃考察團

師兄係咪仲係學緊強制？

用隻腳行入去敬德街打八字

佢應該係上完A/B堂

我覺得強制堂都還好。但係你肥咗強制試一定要課金再上佢堂先至可以再報考呢樣嘢真係有啲難接受。

當初我強制試肥咗第一次，以為就咁俾錢運輸署可以排期再考。

真自問追咗呢個po兩三年
未見過有人怨成咁
個位師兄睇到嘅麻煩見字補鐘練車
唔練車嘅肥咗你只嘥更多嘅錢

我新觀上強制都覺得冇問題喎
上完補個4送1 自練
冇9成信心都7成啦