【重甜】【明就明 唔明就黎明】《XG快落》(8)

「世界末日呀！快啲走呀！快啲走呀！世界末日呀！快啲走呀！世界末日呀！」

睇住一班好似喪屍咁嘅勞工衝晒出嚟！四散！

你哋走唔走得甩就唔理得你哋咁多喇...祝你哋好運啦...

而眼見都有唔少睇起上嚟極先進嘅車輛駛走！

佢哋都應該係我哋Y.B.嘅人...有明確目標...應該唔使擔心佢哋...

要擔心嘅...擔心咗我哋自己先啦...

『我哋快啲行！』我見新哥雖然就跑唔得快，但總算叫行得穩，『仲要行去同細孖匯合！』

「嗯！」

我哋就走去同細孖約好嘅地點！唔使幾耐，已經見到我哋架車！

『到喇！到喇！』終於都...

不過又邊有咁順利...

就喺我哋三個快要行到去架車...細孖就俾郭強用手槍指住個頭咁，由車頭轉角行出嚟！

屌吖呢啲時候總係遇到阻滯㗎喎！

「唔使我講咁多廢話...」郭強挾持住細孖，「岳維新...將你未講完嘅嘢講埋落去...」

「我唔清醒都可以控制到自己唔講...」新哥行前一步，「而家清醒就更加唔會講！」

「係咩？」郭強用槍頭篤住細孖個頭！「就係你而家清醒先會講！」

新哥有啲腳步浮浮...

「講吖...」郭強再用力篤！槍頭篤實細孖個頭！「你唔講我一槍打爆佢個頭！睇吓你把口硬定佢個頭硬！」

細孖大嗌：「唔好講吖！」

郭強一手扯實細孖：「收聲吖八婆！」

點算呢...唔講嘅話...細孖會死㗎喎...

但講咗就唔使死咩？話唔定大家都會死添！

而新哥明顯就有啲動搖...

講唔講都死...咁點死好吖？

就喺呢時候...

“轟隆！”旁邊發出大爆炸聲！

細孖趁住郭強分神...一手推開佢支槍！再批一踭！掙脫郭強嘅挾持！

郭強一企穩...想向細孖開槍之際...

『細孖！』我立即飛身攬住細孖！

“砰砰！”兩下槍聲...

『嗚呀！』我感覺到中槍...唔知係右邊膊頭定手臂中槍！

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 14－拯救行動] PART 06

“砰砰砰！”晴晴立即開槍掩護！

郭強一個轉身就閃去架車後面！

已經將[Day 14－拯救行動] PART 05 Upload上Penana

飛揚型咗咁多
肯飛身救人

係綽廷吖
我就型開嘅

明嘅明嘅

比佢老人家開心下啦
多照顧下佢

唔明就黎明

關心同關懷