【重甜】【明就明 唔明就黎明】《XG快落》(8)

上回講到綽廷中槍！細孖幫佢紮住先！
雖然話郭強得一條友，但綽廷佢哋傷嘅傷！呆嘅呆！
架車仲要喺郭強嗰邊！
唔通要打贏郭強先有得走？
唔緊要！遠處仲有架吉普車！
綽廷掩護佢哋過去！
牽制住郭強姐！難綽廷唔到嘅！
綽廷就同郭強駁火！
射到綽廷冇晒子彈！晴晴佢哋都仲未搞掂！
綽廷拎碌鐵通匿埋！點知郭強行路冇聲！過到嚟用槍指住綽廷！
好彩綽廷又閃得切！同時郭強都冇晒子彈！
『嗚呀！！！』綽廷就舉起碌鐵通！兜嘢就扑落去！
但郭強嘅反應之快...一個轉身就避開綽廷嘅兜頭扑！同時拔出軍刀！向佢一片！
好彩綽廷反應都唔慢！碌個地沙就避開咗！
綽廷同郭強拉返開個距離企返起身：『咁撚鳩？出刀仔？』
郭強擺晒Pose：「同你呢啲曱甴唔使講道德。」
『乜撚晒曱甴吖？』
「咪就係你哋呢班反中亂港嘅恐怖分子囉。」
『反乜撚嘢中，亂乜鳩嘢港吖？我哋係恐怖分子嘅話，你哋咪恐怖分母囉！』
「我哋係維持和平穩定...」
『維持和平穩定用刀仔㗎咩？』
「你夠揸鐵通啦。」
『嗱咁喇！我哋數三聲...一齊放低武器！』
「好吖...數囉...」
『三...』
「二...」
「一...」
佢哋兩個都冇掉低武器...
『嗱！我都估到你㗎喇！』仆街仔嚟㗎！想陰鳩綽廷？！
「我就知你呢啲曱甴冇口齒...」郭強指指綽廷手上碌鐵通。
『咁即係冇計傾啦！』
「從來都冇諗過要同你傾啲乜。」
『咁就睇吓係一寸長，一寸強...』
「定係一寸短，一寸險！」
就喺郭強想衝埋嚟之時...綽廷從背後拔出手槍！
跟住既劇情發展又會係點呢？



準備出文