【重甜】【明就明 唔明就黎明】《XG快落》(8)

490 回覆
4 Like 0 Dislike
2024-10-30 18:12:17
2024-10-30 18:13:05
2024-10-30 18:14:05
2024-10-30 18:52:37
2024-10-30 18:53:23
2024-10-30 18:55:19
2024-10-30 18:55:54
2024-10-30 18:57:46
2024-10-30 18:58:10
2024-10-30 18:58:42
2024-10-30 18:59:02
2024-10-30 19:00:24

上回講到綽廷要食飽啲！要多啲氣力！
雖然係粥水，都好過冇啦！
食完又要行喇！
俾班獄卒夾住行！綽廷都有諗返起尋晚晴晴俾佢睇嘅地圖！
要同而家現場整合！
好彩綽廷都有腦嘅！啲路都啱晒記熟晒！
然後綽廷成班勞工就被夾到嚟一個石礦場鑿石仔！
啱㗎喇！就係呢度喇！
綽廷一邊做苦工，一邊等時間嘅到來！
期間有個女仔頂唔順瞓低！仲要俾獄卒打喎！
綽廷唔忍心！就幫個女仔擋！
差唔多㗎喇！
差唔多啲乜？差唔多...
“轟隆！！！”勁大嘅爆炸聲！再加上遠處嘅蘑菇雲！突如其來嘅衝擊波！
終於都等到喇！
係佢哋嗰四喼超級大炸彈！
冇錯！佢哋嗰四個喼都裝滿炸藥！仲要係好撚勁嗰隻！
因為佢哋都知道，啲喼係唔會Check！只會就咁送入倉存放！所以佢哋就利用呢一點！
但係就算啲炸藥有幾撚勁都好...最多都係移平咗個貨倉姐...咁對佢哋有咩幫助呢？
呢樣就要借助佛洛！
就喺啲獄卒同所有苦工都呆咗咁...望住遠處嘅蘑菇雲升到上半空中...
『世界末日呀！』綽廷大聲咁嗌！『世界末日呀！快啲走呀！』
就喺在場所有獄卒都仲未嚟得切反應...
「世界末日呀！」在場所有苦工都失晒控咁走！「世界末日呀！快啲走呀！」
啲獄卒見啲苦工跑跑走走，先識反應：「你哋！」
『快啲走呀！反抗呀！』綽廷一個鑿就鑿穿個獄卒個肚！『世界末日呀！反抗呀！快啲走呀！』
啲苦工見綽廷用鑿擊殺獄卒...
「世界末日呀！反抗呀！」個個都有樣學樣！用鑿擊殺獄卒！「快啲走呀！反抗呀！」
冇錯！受佛洛影響嘅人...會對身邊嘅反應好敏感！尤其係聽覺...
只要好好咁利用呢一點...
跟住既劇情發展又會係點呢？



準備出文

2024-10-30 19:00:37
「快啲走呀！反抗呀！」只有警棍嘅獄卒就俾成班苦工用鑿圍住嚟鑿！「世界末日呀！反抗呀！快啲走呀！」

鑿到穿晒窿！血肉橫飛！

成班苦工好似癲晒咁！好似喪屍咁！

本身如果只係受佛洛影響都冇咁癲...

但係喺度嘅唔係Y.B.嘅成員，就係對佛洛有抗藥性！

或多或少都好！只要有抗藥性，思緒好易受外界影響！

再加上喺度受高壓勞役...正常人都癲啦！
2024-10-30 19:01:44
“嗚嗡！嗚嗡！”警報聲已經響起！

「世界末日呀！反抗呀！反抗呀！」

啲獄卒都死得七七八八！

地上唔少獄卒嘅屍骸...人體殘肢...大量鮮血...

除咗仲有人圍住啲屍體喪鑿之外，仲有唔少人已經走去鑿開閘門！逃走緊！

我都立即跑！穿過閘門：『走呀！世界末日呀！反抗呀！反抗呀！』

守住閘門嘅獄卒都死晒！

要繼續跑！跑去同晴晴匯合！

我記得！腦裡有地圖！跟住腦裡面嘅地圖跑！
2024-10-30 19:02:27
呢度係直行！然後就轉彎！

但我都未轉入個彎...

“砰砰砰！”就聽到有槍聲！同時有幾個勞工瞓低！

仆街啲支援咁快到嘅？！

我匿喺轉角...有幾個勞工又拎晒鑿咁跑緊過嚟！

『世界末日呀！』我向住嗰幾個勞工大嗌！『反抗呀！反抗呀！』

「反抗呀！反抗呀！」幾個勞工就衝住去！

“砰砰砰！”又有幾下槍聲！

我就趁亂衝入轉角！就見到幾個拎住突擊步槍嘅獄卒俾幾個勞工襲擊緊！
2024-10-30 19:03:34
我就一個鑿鑿正獄卒個頭！插晒入去！

然後我就順手搶埋支突擊步槍！向住未死但就被勞工牽制住嘅獄卒連開幾槍！

“砰砰砰！砰砰砰！”殺埋幾個獄卒後，我就摷摷啲屍體！

「反抗呀！世界末日呀！反抗呀！」成班勞工就繼續向前跑！四散！

我就繼續摷！喺啲屍體身上摷摷！

摷摷有冇子彈又好...證件又好...卡匙都好！

冇錯！就係要喺敵人身上摷物資！

呢個就係我哋尋晚傾好嘅計劃！

只要利用到班受佛洛影響，但又有抗藥性嘅勞工...令佢哋痴撚晒線咁...喺監獄裡面引起騷動...喺短時間之內，敵人未嚟得切以壓倒性嘅武力支援...我哋就要喺敵人身上搶物資！

敵人嘅武器...就會成為我哋嘅武器！
2024-10-30 19:04:25
拎多支手槍同啲子彈之後，就繼續跟住成班勞工走！

“砰！砰砰！砰砰砰！”邊走邊爆發槍戰！

雖然話敵人嘅支援多咗...

「反抗呀！世界末日呀！反抗呀！走呀！」

受影響而變得瘋狂嘅勞工亦增多！越嚟越多！比起預計嘅多好多！

估唔到咁有效果！對我哋好有利！

就算係用鑿又好...刀又好...剪刀又好...甚至赤手空拳都好！

殺到獄卒嘅就殺獄卒！殺唔到被反殺都唔緊要！人海戰術堆屍咁衝埋去都夠！
2024-10-30 19:04:53
“砰砰砰！砰砰砰！”唔使慳子彈！邊殺邊執！

差唔多喇！差唔多殺到去匯合嘅地方！

只要轉個彎...

“嘟！”開晒啲鐵閘！

『世界末日呀！走呀！反抗呀！反抗呀！』

放晒啲勞工出嚟！

「走呀！走呀！反抗呀！世界末日呀！反抗呀！反抗呀！」

越嚟越亂！越亂越好！
2024-10-30 19:05:44
好順利！好順利差唔多嚟到...唔知晴晴順唔順利呢？

其實呢點先係我最擔心！

萬一晴晴有乜意外...千萬唔可以有乜意外！

當我走到嚟匯合地點...

“嘟！”一拍卡衝入去！

晴晴就用突擊步槍指一指住我！然後放返低個戒心：「咁遲㗎？」

『遲？好遲咩？』我已經趕過嚟㗎喇喎...

「我都已經執好兩大袋喇！」晴晴指指檯上兩個大袋！
2024-10-30 19:06:28
『中途遇到好多獄卒吖嘛！』我都打開另外兩個大袋！『不過你冇事我就放心喇！』

「我會有咩事吖？」晴晴得得戚戚咁，「你冇穿冇爛過到嚟我先係放心嗰個吖～」

『係喇係喇～』原來晴晴都緊張我嘅～

「快啲執啦！」晴晴行去門口守住，「時間無多喇！」

『係係！』我都快快手手咁拎啲突擊步槍吖～手槍吖～子彈吖放入大袋裡面！

冇錯！我哋呢個匯合地點其實係槍房！

我哋嘅計劃就係要趁亂嚟呢度拎武器！

有幾多，拎幾多，盡量執滿四個大袋！
2024-10-30 19:07:48
「快手快手！」晴晴好緊張咁望住出面！「佢哋好快就嚟支援㗎喇！」

『快緊啦！差唔多喇！得喇得喇！』我孭起兩個載滿武器彈藥嘅大袋！又拎住兩個載滿武器彈藥嘅大袋交俾晴晴！『行得行得！』

晴晴孭好埋兩個大袋之後，我哋就向住下一站進發！

“嘟！”沿路繼續放啲勞工出嚟！

『走呀！！反抗呀！世界末日呀！走呀！反抗呀！反抗呀！』

“砰砰！砰砰砰！砰砰砰！”又擊殺獄卒！

明顯敵人嘅支援多咗好多！我哋駁火嘅時間都長咗！又危險咗！

「果然呢...」晴晴帶住我衝！「一路上都遇唔到我哋嘅成員...」

『嗯...睇嚟真係...唯有快啲！』如果唔係...單靠我哋兩個加埋班好似喪屍一樣嘅勞工係搞唔撚掂！
2024-10-30 19:08:54
“砰砰砰！砰砰砰！”再擊殺幾個獄卒之後...我哋嚟到呢個重要嘅監倉！

一個又一個...都係獨立嘅囚室...

「願榮光歸香港！」晴晴大嗌一聲！

『願榮光歸香港！』我又跟住大嗌一聲！

等咗一陣...

「願榮光歸香港！」晴晴再大嗌一聲！

『願榮光歸香港！』我又再跟住大嗌一聲！

然後...然後...

「願榮光歸香港！」獨立嘅囚室有回應！

果然！Y.B.嘅成員都被囚禁喺呢度！
2024-10-30 19:09:06



今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～



三句預告

[Day 14－拯救行動] PART 05

「願榮光歸香港！」一個又一個獨立嘅囚室接住有回應！「願榮光歸香港！」

係呢度喇！Y.B.嘅成員就係囚禁喺呢度喇！
2024-10-30 19:13:08
已經將[Day 14－拯救行動] PART 04 Upload上Penana
2024-10-30 19:29:21
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞