日本youtube channel故事翻譯 《変なAI》 (奇怪的AI)

Lm

快

3.

雨穴 (youtube channel 本人) ——下稱 閪(因為雨穴即係濕濕的窿)
朋友 (栗原) —— 下稱 栗

關於Twitter嘅討論就去到呢度。之後我哋就開始咗關於AI嘅討論。

栗: 講開又講，最近嘅AI都好似好犀利咁。即使係一啲好細型嘅網站，都可以整到啲咁高質素嘅圖。

閪: 係囉。

栗: 我雖然唔係話跟得好貼，但係最近呢種日本製嘅AI好似得增加咗好多咁喎。

閪: 係呀，國產嘅AI嚟講，「AI畢加索」啊、「mimic」呀都係上年造成唔少話題呀。

栗: ummm…. 咁樣聽起嚟， AI 「kakashi」 ，好似係一個太吸引人眼球嘅命名咁既。

閪: 「kakashi」….. 的確係咁。

栗: 點解要改個咁嘅名呢？

閪: ummm…. 我都唔係好知，但應該係好似「samurai(侍）」（武士)或者「kimono（着物）」（衣服）之類，將一啲日文用羅馬字寫出嚟咁樣。

栗: 呢個都係差唔多套路嗎？「kakashi(カカシ)」（稻草人）..... ummm.... 不如你幫我試啲嘢啊？

閪: 試咩啊？

栗: 試吓用「kakashi」呢個字去做keyword。

閪: 點解嘅？

栗: 可能會有意料之外嘅發現。

我就按照佢嘅指示，輸入咗「kakashi」呢個字。


不過我並唔抱有啲咩期望，可能就係會出現一張稻草人插喺田裏便嘅相，當中應該都唔會有啲咩發現。

正當我咁諗嘅時候。

閪: 咦？！

栗: 咩事呀？！

閪: 一張細路女嘅相出現咗。

栗: 細路女？


閪: 我試多一次先。


我再輸入咗「kakashi」呢個字，果然，又係一張細路女嘅相。


而且同上一張細路女相，睇落個樣同埋外型都有少少似。

閪: 我而家send啲相俾你睇吓。

栗: 好。

閪: 製作好精良既.... 稻草人。

栗: 咁得意嘅稻草人，烏鴉都唔會驚啦。不過睇真啲，好似有啲噪點係張相上面。

閪: 噪點？

栗: 兩張相上面都有一啲白色嘅噪點喺度，


閪: 咦係喎。好似喺邊度見過咁.... 呀！

栗: 點啊？

閪: 話說之前做實驗嘅時候，嗰時整出嚟嘅相，好似都有同樣嘅白色噪點喺度，不過得一張有。



栗: 俾我睇睇啊。

閪: 好！Send咗啦。

栗: 狗啊，呢張相係用咩字去整出嚟㗎？

閪: 普通漢字「犬」。我而家再試一次先。


果然，都係有白色嘅噪點喺度。

栗: 有啲奇怪。

閪: 係囉，點解會有啲白色噪點嘅？

栗: 但係除咗呢樣之外，點解兩次都係出柴犬嘅呢？

閪: 咦？

栗: 狗嘅種類有咁多種，即使你打「犬」，出現其他種類嘅狗都唔奇怪啊，點解兩次嘅結果都係柴犬，仲要咁似嘅。

閪: 係喎。

栗: 你啱啱話試過唔同種類嘅詞語，嗰啲詞語整出嚟嘅相你可唔可以俾我睇吓？

閪: 好等等。


栗: 哦原來係咁，你將佢哋分類咗成為正面嘅詞語、負面嘅詞語同埋一般嘅名詞。

閪: 係呀。大部份嘅詞語都正常咁樣出到合理嘅圖案，但係唯獨「智能電話」呢一個詞語出咗一張意義不明嘅相。

栗: um……..

閪: 係咪發咗啲咩啊？

栗: 其實我本身覺得「kakashi」只係一個準確度唔係太好嘅AI，但係情況可能唔係我諗嘅咁樣。

閪: ？

栗: 喺睇完啱啱呢幾張相之後，我我腦海中有一個大膽嘅假設形成咗。

閪: 假設....?

栗: 就係.....

閪: 就係....?

栗: 我照直講啦，我覺得以你目前嚟講，未必能夠理解到我想講啲咩啲。

閪: 屌你，我唔係真係咁蠢㗎咋！

栗: 咁AI整圖嘅原理，你知唔知係點樣架？

閪: 唔知........

栗: 要聽得明我呢個假設，首先要對AI嘅機制有一定嘅認知。

閪: 咁點算呀？

栗: 雖然係咁，但係最基本最基本嘅知識，並唔係話真係好難嘅。咁我接下來就會簡單咁樣解釋俾你聽啦，所有專業技術方面嘅嘢，我都會省略咗佢，你盡能力去理解啦。

閪: 好！

栗: 有人話，AI嘅製作方法，同湊小朋友都有啲似。既然係咁，為咗方便理解，接住落嚟我就將AI形容成一個叫做「小紅」嘅小朋友。請你想像一下，啱啱出世嘅「小紅」，腦袋一片空白，佢乜嘢都唔識。


栗: 而家佢嘅父母，仔細咁樣一樣一樣嘢咁樣去教佢，例如：「呢個係貓嚟㗎。」一邊講呢句說話俾你聽，一邊比唔同種類嘅貓嘅相佢睇。


栗: 於是乎，貓呢個詞語，同埋各種各樣貓嘅相，就會對應咁樣儲咗喺佢嘅腦裏邊。


栗: 由於小朋友嘅記憶力特別好，啱啱睇完嘅嘢，好快就會儲咗入腦裏面。


栗: 記憶力好係一件好事嚟嘅，但係其實佢未係真係好理解到貓呢個字係咩意思，因為有各種各樣唔同種類唔同顏色、毛髮長短唔同、花紋唔同、大細都唔同嘅貓。


栗: 呢個時候小紅就會諗啦，吓，全部都係貓嚟嘅？但係望落好似唔係太一樣喎！到底貓係即係咩啊？為咗釐清呢一種困惑，首先佢哋要將呢啲唔同種類嘅貓嘅共同特徵搵出嚟。


栗: 耳仔係三角形嘅、眼角向上蹺嘅。

閪: 貓仲有好多特徵㗎喎！

栗: 舉例姐.......

閪: ah…. sorry…..

栗: 之後，總結呢啲特徵，腦裏面就會形成一個基本盤，耳仔係三角形嘅眼角向上蹺嘅動物，就係貓啦。


栗: 而其他部份，例如：顏色、啲毛整唔整齊、體型、條尾長唔長等等。呢啲各種嘅部份，就會喺腦裏面將佢同呢個基本盤組合。然後就會同之前睇過嘅相比較，啊，至今為止睇過覺得唔係一樣嘅動物，的確全部都係貓嚟㗎喎。


栗: 經過整理同埋分析之後，呢一刻嘅小紅先真正咁樣理解到貓係咩一回事。


閪: 換言之，腦海中要有呢個基本盤嘅形象，先代表理解到咩係貓。

栗: 冇錯。稍微有少少講深入咗，我哋喺呢個位停一停俾個腦休息吓啦。

4.

雨穴 (youtube channel 本人) ——下稱 閪(因為雨穴即係濕濕的窿)
朋友 (栗原) —— 下稱 栗

栗: 雨穴，你而家試吓畫三種唔同嘅貓呀。

閪: 吓？！

栗: 但係唔可以睇例子嚟畫。


閪: 畫完啦，你睇唔睇到呀？



栗: 睇到。你可以唔用任何對照物，就畫到三種唔同種類嘅貓出嚟，點解會咁㗎呢？咁係因為你嘅腦袋係真正理解「貓」係乜嘢。正因為你理解「貓」係乜嘢，所以你就可以靠住你腦裏面嘅基本盤，去畫出唔同種類嘅貓貓出嚟。


閪: 我畫嘅時候冇特登去諗咁多喎，不過的確自自然然就會畫到出嚟。

栗: 冇錯，咁我哋而家返返嚟AI嘅話題上面。啱啱講過「AI嘅製作方法，同湊小朋友都有啲似。」最初係一片空白，乜嘢知識都冇。


栗: 而父母取而代之嘅就係AI嘅設計者，而教佢認嘢呢個過程取而代之嘅就係資料嘅輸入。設計者會將「貓」呢一個標籤連同貓嘅圖片一齊輸入比電腦，佢會記得晒呢啲所有嘅資料，但淨係記憶係唔夠，仲要經過理解先至真正咁樣學習到，喺以前，呢度就係電腦嘅極限。但係喺最近呢幾年，AI已經發生咗驚人嘅進化，AI變得能夠理解事物。


栗: 而家嘅AI，可以將「貓」嘅特徵整合出嚟。


栗: 然後從中整合出一個基本盤喺電腦入邊，換言之，電腦能夠「理解」貓係乜嘢。


閪: 即係好似人咁喎。

栗: 當然人同AI嘅機制都係完全唔同嘅，但係廣義咁樣去講，人同AI都可以認到唔同嘅物件。好咁講到呢度，你對AI點樣可以生產圖片都有一定係理解啦。


閪: 同我啱啱嘅過程一樣呀嘛係咪呀？

栗: 冇錯，AI靠住佢嘅基本盤，去添加唔同嘅特徵，從而畫出唔同種類嘅貓出嚟。但係AI係冇筆㗎喎，佢點樣可以畫到啲貓出嚟啊，要講嘅話可能用到三個鐘，所以今次就唔講咁多呢個部份啦。總而言之，而家你知道咗人同電腦認到唔同物件嘅機制係一樣嘅。


閪: 即係都係先總結出唔同貓嘅共同特徵，然後喺腦中建立一個對貓嘅基本盤，然後靠住呢個基本盤就可以畫出唔同嘅貓啦。


栗: 冇錯。好，咁喺呢一個假設嘅基礎之下，而家我有一個測驗俾你。

閪: 測驗？

栗: 好，假設而家要教AI認貓，但係我全部嘅資料都比一啲黑色嘅貓佢，咁請問佢畫出嚟嘅貓係咩色㗎呢？

閪: 應該係黑色？因為係抽取特徵嘅過程裏面，佢會將貓認成「黑色嘅」、「耳仔係三角形嘅」、「眼角向上蹺嘅」，咁佢嘅基本盤就會包含晒呢三個特徵，咁所以佢畫出嚟嘅貓都會係黑色嘅。

栗: 冇錯，只要輸入出現咗一啲偏頗，或者錯誤，出嚟嘅結果亦都會有所偏差。同嘅過程，但係得出嚟嘅結果完全大相逕庭。


栗: 例如，有一種AI，喺咁多狗嘅種類裏面，唯獨淨係比柴犬嘅相去做資料輸入。咁所以AI就會將「狗」你解釋「柴犬」，而呢一種AI，當你輸入「狗」做關鍵字嘅時候，佢就只會出到柴犬嘅圖案。


閪: 咦，咁咪即係.......

栗: 留意到嗱？所以我就係認為，「kakashi」用嚟學習認狗嘅資料，全部都係用柴犬嚟做輸入嘅。

閪: 咁就解釋到點解我兩次都會得到柴犬嘅圖片。

栗: 嚟到呢度，又係測驗時間，有一種AI，喺製作狗嘅圖片嘅時候，每張都會有一啲白色嘅噪點喺上面，點解嘅呢？

閪: 嗰個AI嘅基本盤，係狗等於有白色嘅噪點嘅柴犬。


閪: 所以嗰個AI係做資料輸入嘅時候，全部嘅相都有白色嘅噪點喺上面。


栗: 冇錯。所以呢一個「kakashi」嘅作者，將大量有白色噪點嘅柴犬相，攞嚟做資料去俾個AI認乜嘢係狗，所以就會出現呢一種唔係太準確嘅情況。

閪: 但係嗰個人點解要咁做呢？嗰啲白色噪點點解要攞埋嚟做input嘅？係靈魂嚟㗎？

栗: 如果係呢啲靈異嘢嘅話，咁好似都幾有趣。不過有一種答案，係更加符合現實嘅。你有冇試過喺影相嘅時候，會有反光而令到影出嚟嘅相有白色嘅光。

閪: 有啊，通常係對住一啲相啊、卡啊嘅時候就會咁囉。啊？！唔通係......

栗: 冇錯，作者唔係對住柴犬影相，而係對住柴犬嘅相影相。睇影嘅時候受到張相上面嘅反光，所以啲資料就會有啲白色嘅部份喺度。咁樣諗嘅話就會符合現實好多。


閪: 不過點解唔直接用本身狗狗張相做input呢？

栗: 好奇怪呢，不過正正就係因為呢種奇奇怪怪嘅現象，可以反映到「kakashi」呢個AI嘅本質。

閪: 咩意思啊？

栗: 雨穴，我接下來講嘅嘢全部都只係我嘅猜測，係冇任何證據支持，所以你聽完就算啦。

閪: 好。

栗: 你有冇聽過「DALL・E2」或者「Midjourney」啊？

閪: 有啊，係幾出名嘅圖片生成AI嚟㗎嘛。

栗: 如果話「kakashi」係小型AI，咁呢兩個就係世界上最大型嘅圖片生成AI。無論「DALL・E2」定係「Midjourney」，呢兩個AI嘅原理同我啱啱講解嘅基本上都係一樣嘅。但係呢兩個AI嘅資料輸入量係超級多，佢哋記住咗網上面存在嘅圖片，所以話佢哋係世界最頂級嘅圖片生成AI。例如少數民族嘅傳統料理、連生物學家都未必知道嘅稀有生物。乜嘢都可以畫到出嚟。呢種AI基本上同我哋人類係冇得比嘅。「畫畫嘅工作會比AI取替」都會有人有呢種講法。

閪: 我最近都有聽過。

栗: 但係我並唔係咁諗，嗰啲大型嘅AI基本上世界上所有嘅嘢佢都會知道，但係人並唔係咁樣。喺日本長大嘅人對日本以外嘅知識未必知道得咁多，喺瑞士長大嘅人對喺瑞士之外嘅知識都未必知道咁多。


栗: 換一個講法，喺海邊長大嘅人、喺山邊長大嘅人，時代、性格、人際關係等等，都會對每個人嘅認知帶嚟唔同程度嘅偏差。但係就正正係因為呢啲偏差，所以就造就成每個人嘅性格。但係因為AI係咩知識都知道，所以佢哋係冇自己嘅個性。所以可以話，咩都畫到，同事亦都係AI最大嘅一個缺點，至少我係咁樣諗嘅。但係我並唔係喺度批評緊AI，最近都有啲人會去整一啲有個性嘅AI。例如，將大量日本文化嘅圖片攞嚟做資料，咁就可以整到一個同日本人諗法差唔多嘅AI。



栗: 又例如，將你見到嘅嘢、生活嘅環境、平時食嘅嘢各式各樣攞嚟做資料，咁就會有一個好似你諗法嘅AI整到出嚟。


閪: 嘩，有啲恐怖喎。

栗: 係呢，好似多咗一個分身咁樣。如果問呢個AI「家」呢個字，佢就會將你屋企嘅相畫出嚟。用「寵物」呢個字，佢就會將你屋企養嘅寵物畫出嚟。呢個情況有冇覺得好熟口面？


閪: ummmmm，唔通「Kakashi」作者就係咁嘅？

栗: 冇錯，我嘅假設就係「Kakashi」係以某一個特定嘅人物作為藍圖，而將佢嘅腦複製出嚟嘅AI。

我開始估d圖係來自個ai作者身邊嘅地方

喂好鬼正，加油等你打哂佢

LM

好精彩，LM

而家進度係打咗一半


都想順便問下大家so far感覺係點，我一路譯既時候先覺得段片好似好長氣咁，係咁重重覆覆

本身有諗過不如縮短佢算，後尾都係算啦，盡量原汁原味譯咗先。

大家睇落既感覺係點？有冇覺得有少少長氣。

P.s. 原來睇得明同譯出嚟係完全2回事嚟，冇諗過原來咁攰，對嗰啲做翻譯書/片既人奉上無限敬意

仲有成一半
佢咁講法件事太正常，唔係好知佢想點發展
L個M名等埋後一半

好睇呀
巴打你直頭問作者攞同意 開個YouTube Channel做中文版啦

加油

幾個月前睇左套戲
都唔錯既

我覺得講畫果本最好睇

留名樓主加油

Lm

5.

雨穴 (youtube channel 本人) ——下稱 閪(因為雨穴即係濕濕的窿)
朋友 (栗原) —— 下稱 栗

栗: 呢3張相，都好似畫咗一棟屋喺度，覺唔覺得三棟屋都有啲似啊？


閪: 你咁樣講起嚟，牆身顏色，整體外型都好似真係有啲似喎。

栗: 或者，同啱先柴犬一樣，作者用咗好多唔同嘅角度去影呢一間屋，然後將佢變成資料輸入比AI。就連啱啱嗰隻柴犬都可能係用同一隻狗係咁影。由呢啲資訊我有以下嘅推測，呢一個AI「kakashi」，係某一個曾經同呢隻柴犬喺呢一間屋度生活過嘅人，呢個人嘅整個人生，由佢出世以來所見到嘅嘢，身邊見到嘅畫面，都攞嚟做呢個AI嘅資料輸入。令我不禁喺度諗，「kakashi」乜唔係就係同「嗰個人」一樣咩？

閪: 如果成個大腦複製出嚟嘅話，都可以咁講嘅。不過呢個人到底係邊個呢？

栗: 可能我哋已經見過嗰個人。

閪: 吓？唔通係嗰個細路女？


栗: 冇錯，如果我用AI嚟重現咗一個人嘅大腦嘅話，咁我應該會用返同嗰個人一樣嘅名或者可以代表到佢嘅名嚟為呢個AI命名。而且你可以睇到kakashi細路女嚟，呢方面都同之前見到嘅吻合。AI「kakashi」 對 「開心」 呢個字整出嚟嘅圖係「主題公園」。


栗: 你唔覺得有少少違和感咩？的確「主題公園」係開心嘅，但係呢個世界有更多其他開心嘅嘢，飲酒啊、賭錢啊、拍拖啊、買嘢啊。點解唔會出現呢啲相呢？咁係因為kakashi只係一個細路女。呢個係一個用kakashi記憶去重現嘅AI，所有嘅相，都係按照佢嘅主觀去生成嘅。所以，「開心」 係「主題公園」、「快樂」係「禮物盒」，成個感覺就比較偏向細路仔。然後「有趣」係「一疊書」，睇嚟呢個細路女好鍾意睇書。


閪: 原來係咁～

栗: 然後最有趣嘅係，「電話」呢個字整出嚟嘅相。


栗: 稍微年輕嘅人可能唔知道，但係呢一個電話同喺15年前發售嘅，專俾細路仔用嘅手提電話嘅外型係一樣嘅。喺上面咪有一個圈嘅，係攞俾細路仔喺緊急時候用嚟嗌救命嘅，只要將個環拉一下，就會有大聲嘅警號發出。睇嚟呢部手機都係kakashi曾經擁有過嘅嘢。

閪: 咁即係話kakashi係一個喺15年前係細路女嘅啦喎。

栗: 關於佢係咩年代，其實仲有一個線索嘅。當你入「智能電話」嘅時候，一張意義不明嘅相出現咗。咁即係話AI係冇接收過任何關於智能電話嘅圖像輸入。我諗到嘅理由有一個，就係呢個細路女完全唔知道咩係智能電話。不過，真係會有咩？而家呢個年代，日本真係會有人唔知咩係智能電話咩？

閪: 除非有人住喺山窿啦，如果唔係都冇可能個喎。

栗: 係囉，而且我哋係見到佢嘅屋企㗎嘛，並唔係啲咩山窿嚟。既然係咁，諗到嘅可能性就係佢喺智能電話普及之前已經死咗啦。所以都解釋咗點解作者整呢個AI嘅時候，要用相機影返張相嚟做資料輸入。咁係因為整呢個AI嘅時候，佢哋兩個都已經唔存在喺呢個世界上面。

閪: 將死咗嘅女整成AI，唔通個作者係.....

栗: 可能係佢嘅親人。

喺呢個時候，我諗返起以前取材嘅時候嘅一對夫婦。嗰對夫婦嘅因為一個好細個嘅女，係一件慘劇裏面死咗，沉浸喺悲傷之中。嗰時，佢哋整咗一個女仔嘅公仔，並且非常愛錫呢隻公仔。佢哋希望用呢個公仔嚟代替佢哋死咗嘅女，試圖消除佢哋嘅悲傷。喺而家呢個年代可以唔使整公仔，用AI嚟代替死去嘅人。


閪: 不過….嗰啲草地圖…?


栗: 本身呢啲圖並唔恐怖，但kakashi對呢啲地放有恐怖既感覺。

閪: 咁姐係話kakashi係呢啲地方發生過一啲創傷，唔通佢係呢度發生過啲咩再怕既事？

栗: 呢點先都唔知道，不過，由此可見，AI既設計者都幾殘酷。唔單止輸入快樂既資料，連慘痛既資料都輸入埋落去。

閪: 係囉….

之後我去google過「kakashi 空草地 案件」


栗: 有冇搵到啲咩啊？

閪: 冇啊，果然冇真名，唔係咁易….

栗: 咁可能用返AI 「kakashi」去搵kakashi相關既野更加好，始終AI「kakashi」係包含住佢大量相關既資。

之後，我係AI「kakashi」到輸入「父母」，如果AI既設計者係佢父母，咁佢將自己都輸入埋落AI到都唔出奇，只不過，出現既係同「智能電話」嗰時一樣既意義不明圖。


栗: 咁可能，其實佢係無父無母既，比人領養，又或者又祖父母湊大既。

閪: 咁AI既設計姐就未必係佢父母嗱喎。

栗: 唯有係咁諗。不過，其實有一個漢字，有機會可以搵到AI作者既樣，你諗唔諗到係咩字？

閪: 漢字？ummmm…..

栗: 果然諗唔到啊 (我幫閪加既內心OS: 呢條友成日陰啲陰啲話我蠢)，作者將車呀、屋企呀、電話呀呢啲kakashi既日常事物影成相然後輸入落AI到，咁「鏡」呢樣野都有輸入落AI，都唔出奇啊係咪？

閪: 啊！(再幫閪加内心OS: 原來我係真蠢)

然後我就將「鏡」輸入咗落去。結果就出現咗一位因為對住鏡影相，而被攝入相中既男人，唔通呢個就係AI既作者？佢同kakashi又係咩關係呢？

師兄，一百分高質

好睇

留名

今晚試下趕工睇吓可唔可以搞掂埋佢，我睇咗佢最新嗰條片少少，好似有趣好多，可能下篇出嗰個故仔

不過嗰條片成嗰半鐘…… 有啲鼓唔起勇氣